مشاكل الثانوية العامة

ضيعت وقت كتير في الثانوية العامة

الســــــلام علــــيكم…

يا جماعة أنا طالبة في تالتة ثانوي الشهادة الثانوية العامة …وقاسمة السنة دي ومش بدرس غير (عـربي وانجلش وفيزيا)وفوقيهم المستوي
وأنا للأسف مكنتش بذاكر من بداية السنة لأسباب نفسية غير انجلش واحيانا عربي…لكن الفيزيا دي اللي كنت تركاها خالص
انا كنت بعتمد ان بكون فاهماها والمستر بيشرحها ومكنتش بفتحها من ساعة ما اخدتها ولا كنت بحل عليها كمان لانظري ولا مسائل
بس دلوقتي فوقت لنفسي وقولت لازم اذاكر وانا الحمدلله ربنا كرمني اني بقدر أذاكر وافهم بسرعة بس المشكلة اني كل ما ابدا اذاكر بتجيلي وساوس ان خلاص الوقت ضاع ومش هلحق
وانا السنة دي عاوزة اقفل درجات المواد دي او بحيث اني اجيب فيهم مجموع 99%
بس خايفة ليكون الوقت ضاع ومش عارفة اعمل فيهم ايه؟؟؟
بالله عليكوا يا جماعة اللي عنده نصيحة ياريت ميبخلش عليا بيها
وجزاكم الله خير الجزاء

مشاكل وحلول ذات صلة

اضيف بتاريخ: Saturday, November 9th, 2013 في 00:47

كلمات مشاكل وحلول: ,

7 رد to “ضيعت وقت كتير في الثانوية العامة”

  1. i believe
    25/03/2014 at 07:19

    انا ف تالته ثانوى علمى علوم وبرغم انى كنت بذاكر كويس ف اول السنه لكن دلوقتى خلاص بقيت بعد بصعوبه عالكتبا مبقتش طايقه ولا ماده والمشكله ان انا محطوطه فموقف لا احسد هليه ليا قريبتى ادى وكلهم معتقدين انها ختدخل كليه كويسه زى اخوها ومتاكدين ان عمر ماهوصل لهدفي والبيت كله متامل فيا خير خد ينصحنى اعمل ايه

  2. نونا
    15/03/2014 at 00:37

    انا طالبه علمي علوم في تالته ثانوي نظام جديد (بناخد سبع مواد ) و حاسه ان السنه ضاعت مني لان احنا بقينا في شهر تلاته و مش ملاحقه مذاكره و مش عارفه انظم وقتي من الدروس و المواد كتيره وكمان انا باخد الفيزيا مع اتنين مدرسين و بقيت بنام ٣ ساعات بس في اليوم و ده اكيد تاثيره سلبي عليا و مش عارفه اعمل ايه ؟؟؟؟

  3. ابواميرة
    02/01/2014 at 23:55

    اولا استعيني بالله عزوجل وتوكلي عليه وبالجدوالمثابرةوالعزيمةتدركي مافاتك وتعوضي اللي راح منك ولاداعي للتكاسل اوالتهاون اوالتفريط ثانيا ركزي جيدامع استاذتك اثناءشرح الدروس واسالي عن الاشياءالتي مش فاهمتهااوصعبةعليك ثالثا لاتوجل عمل اليوم الى غدا وخلصي واجباتك اولا بااول رابعا عليك بالرفقةالصالحةوالكويسة فهم خيرمعين لك في دراستك ومذاكرتك معهم لكافةدروسك وربي ينجحك وتكوني من الطالبات الاوائل المتفوقات وتروح الجامعة السنةالجاية

  4. مسلمة
    29/12/2013 at 13:42

    انا تالتة ثانوي علمي علوم والله مخنوقة حتي وانا بكتبلكو حاسة ان السنة ضاعت عليا احنا خلاص في شهر يناير مش هلحق الم حاجة عليا 7 مواد وكل المدرسين سبقني بكتير بفكر اقسم السنة قبل ما اضيع بجد وحتي لما ابدا اذاكر اقول خلاص مش هلحق غير اداب ولا تربية ومش عارفة اقولقو اية كل الناس هتشمت فيا وفي امي كلهم مترقبين انا هدخل ابة يارب يا ستيير ارجوكو ادعولي ربنا يفوقني من اللي انا فية جوايا طموح كبير بس مش عارفي استخدمه عمري ماتخيلت ان الثانوية العامة هتمر عليا كدة الله المستعان علي فكرة انا اول مرة اكتب علي النت علشان كدة انا كتبتلكو هنا معرفش انتو بتكتبو فين

  5. مازن المصرى
    22/11/2013 at 03:58

    وقت ايه الى ضاع يابنتى انتى لسه قدامك 5 شهور على الاقل فيه ناس كانت بتخلص مواد قبل الامتحان باسبوع على فكره وكانت بتقفلها كمان لو عاوزه تذاكرى بجد حافظى على الصلاه فى مواعدها وبلاش تفكرى كتير وخلى فيه وقت رفهى فيه عن نفسك واحسن حاجه تخرجى فيها ماتقضيهاش ولا قدام تليفزيون ولا كمبيوتر وارجعى استقبلى المذاكره تانى بنشاط وبثقه فى نفسك وفى ربك صدقينى هتقدرى تخلصى وتراجعى وتحلى امتحانات كمان بس بلاش التفكير الكتير اشغلى نفسك بالواقع احسن من الخيال

  6. صل علي النبي :)
    17/11/2013 at 23:19

    أولا : استعيني بالله أولا وأخيرا ..
    الشيطان أكبر عدو للمؤمنين الموحدين بالله عز وجل .. يريد أن يزرع الحزن واليأس في قلوبهم من كل شيء حتي من رحمة الله عز وجل ولطفه

    الله لن يضيعكِ أبدا إن كنتِ تتقربين إليه بالصلوات المفروضة والنوافل .. وتغضين بصرك عن الشباب .. وتبرين والديكِ وتجتهدين في الدراسة .. إلخ

    اجتهدي وحاولي وكرري وافهمي واتعبي واسهري .. كله يهون لله عز وجل وعشان نخدم ديننا والمسلمين ..
    انا عارف ان التطبيق صعب بس نستعين بالله مع الارادة القوية وصدق العزيمة ..
    وأنصحك : بالصحبة الصالحة .. يساعدوك علي الخير والدين وكمان يشجعوك علي المذاكرة وأكيد هيكونوا أحسن منك فتشجعوا بعض وتغيروا من بعض لله وفي الله

  7. Moon Light
    09/11/2013 at 02:21

    مفيش وقت ضاع ولا حاجة استعينى بالله وابداى نظمى وقتك وان شاء الله هتقدرى تذاكرى وتعوضى الوقت اللى ضاع فى اول السنة
    وكده كده اول السنة بيبقى درجة المذاكرة فيه مش متظبتة عند طلبة كتير وانا طالبة تالتة ثانوى برضو بس علمى علوم ونظام جديد وبرضو اول السنة ضيعت وقت كتييير بس بحاول اعوض ده وبرضو عندى مشكلة فى كده
    بس ربنا معاكى ان شاء الله وتقدرى تعوضى وتجيبى مجموع عالى وتدخلى الكلية اللى بتتمنيها

اترك رداً أو حلاً لهذه المشكلة