انا بنت 20 سنه انا بحب شخص ليا 6 سنين وهوه الحب الاول و كمان بيحبنى هوه اكبر منى بـ 4 سنين بس للاسف هوه دلوقتى متجوز انسانه مش بيحبها ومافيش اى لغة حوار مابينهم انا لحد دلوقتى بحبه وهوه كمان انا حاسه ان فيه حاجه جوايا مكسوره بس برغم كل ده بحبه ومش قدره اكون لحد غيره ومش عارفه اعمل ايه انا لسه على اتصال بيه على اساس انه اخوايا وبرتاح معاه فى الكلام وكده يعنى فى الظاهر بس لكن من جوايا واحساسى بكلمه انه حبى الاول والاخير ياريت تساعدونى بسرعه عشان انا محتاره جدااا
الحب الاول
بعد حب 6 سنين اتجوز ولسه بحبه
اضيف بتاريخ: Sunday, December 19th, 2010 في 16:25
كلمات مشاكل وحلول: الحب, الحب الاول, الحب الاول, بنت, مشاكل الحب
من الاخر الكل مر بالظروف والمشاكل دى عايزة اقوللك حاجة انت كان المفروض متكلمهوش بعد مااتجوز هو مش خسران حاجة الاشكال اللى زى دى موجودة كتير انتى بالنسبالة مجرد تسالى وواية اخوات دى مينفعش بعد الحب تبقوا اخوات انتى بتضحكى على نفسك فوقى من الوهم اللى انتى فية بصى لنفسك اشمعنة هو شاف حياتة وانتى لا واية اتجوز غصب عنة عشان اهلة دى شماعة وحجة هو مش بيحبك وكلنا مرينا بالظروف دى وعرفنا اللى فيها هو بيتسلى بيكى حرام عليكى نفسك انت مش اقل من مراتة انت كدة تبقى بلا كرامة وبلا شرف الحقى نفسك يابنتى انت كدة كمان بتغضبى ربنا وبتخونى معاه دة راجل متزوج فين عقللك حب اية اللى يوصللك للمرحلة دى انت معندكيش كرامة كفاية بقا اللحقى عمرك انت عمالة تعطى حنان وحب وهو مش حاسس بيكى منتى كدة معاه اية اللى نقصة ولا هو خسران اية
حرام تفكري في واحد متزوج بامراة اخرى ولازم تقطع علاقتك به فورا ولاتبني سعادتك على شقاءالاخرين اتركيه للابد وربي قادريرزقك بالرجل الصالح اللي يسعدك ويستاهلك
على فكرة انا حاسه بيكى لانى انا بمرحاليا بنفس المشكله بس هو خطب مش اتجوز وفرحوا قريب بس عايزة اقولك حاجه الولد اللى يتغصب على الجواز ميبقاش راجل والله يبقا بنت لان مافيش بنت ولا ولد بيتغصب عليهم بالجواز ده مش بيحبك ولو فضلتى تحبى طول عمرك بردو مش هيحبك لان سمع كلام امو يعنى ميعرفش يشيل مسئوليه على فكرة انا بعانى جدا من الموضوع ده انتى فيك الهون عليا انا حبيتو 10 سنين ربناينتقم منو وحسبى الله ونعمه الوكيل ربناياخدو هو واهلو
السلام عليكم … بصي يا اختي لسه قدامك الطريق طويل واستني ودوري علي حد تاني بجد ده رايي هتلاقي في يوم حد بيحبك بجد وهتحسي من اول مرة تشوفيه ان هو ده اللي ينفع يكون جوزك ومعلش علي اللي اتجوز هو مش بنت مغصوب عليها ….لو بيحبك بجد ما كنش اتجوز فاحسن طلعيه من دماغك واصبري هتلاقي في يوم والله حد بيحبك بجد ولو الظروف ما سعدتش هيحارب الدنيا علشان يوصلك لكن ده كان بيلعب بيكي ….. هيمااااااااااااااااااااااااااا
السلام عليكم ورحمة الله وبركاتة بصى انتى ديمن هتقولى ان محدش هيحس بيكى ولكن لازم تحفظى فى حياتك حكمتين الاوله لا تحاول الوصول الى انسان لا يحاول الوصول اليك/// والثانيه لا تحاوب العالم من اجل انسان …لا يستطيع محاربة كبريائه من اجلك بس المهم تبقى كرامتك موجوده لان لو يداس عليها مره هيداس عليها الف مره ولازم تلحقى نفسك قبل فوات الاوان
انا مريت بنفسش الظروف و اتخطبت ليه زو سابنى عشان اهبه كانوا عاوزين كدة و فضلنا فترة اخوات و اصحاب لكن ده عذاب اكبر و عذاب بعذاب قررنا نبعد عن بعض و حاولنا ننسى مع اننا عمرنا ما هننسى انا ليا سنة بعيدة عنه و هو كمان لكن لسة بفكر فيه و الله اعلم هو بيفكر فيا زى ما بيوصلنى و لا لا انا اتخطبت و هو خطب بس صدقينى هو لو بيحبك بجد كان وقف ف وش الدنيا دى كلها عشانك انا كنت بقول غصب عنه لكن بعد ما اتخطبت و شوفت خطيبى بيعمل ايه عشانى و فضل مستنينى لحد ما اطلع من ازمتى عرفت انه هو ده الحب الحقيقى لانه وقف ف وش الدنيا كلها عشانى و حسسنى بحبه حتى و انا رفضاه مع الوقت هتحسى انه ميستاهلش مجرد التفكير فيه و انا عارفة انك هتقولى ان الكل بيرد و هو مش حاسس بيا انا مريت بظروف صعبة بس كنت قوية و اخترت مصلحتى لازم يكون ليكى بيت زى ما هو ليه بيت هو لو بيحيك مكانش سابك من الاول و بكرة يخلف و تلاقى عمرك بيعدى و انتى مش حاسة بنفسك هو انامنى انه يكلمك و هو شايف حياته و مش مديكى فرصة تشوفى مستقبلك فكرى بعقلك و سيبى فلبك لانه محدش يستاهل قلبك غيرك و جوزك اللى هيختارك و يحسسك انك احسن واحدة ف الدنيا ان شاء الله
ليه تعملى فى نفسك وترضى تكونى سبب فى هدم حياة حتى لوكانت فاشلة ممكن تتغير للاحسن فى حالة بعدك عنه كما انه هو مجرد علاقته بيكى خيانة لمراته وحتى لواتجوزتى ماهو ممكن يخونك انتى التانيةويعرف حد غيرك بجد ابعدى عنه وانتظرى نصبيك وبلاش ترضى تكونى زوجة تانية وبعدين خليكى واقعية ماانتى كنتى قدمه لوكان عايزك كان جالك لحد بيتك ، متصلحيش غلط بغلط اكبر منه وتندمى باقية حياتك
يا بنت الكرام الرجال متزوج واذا كنتي تحبيه ففكري انك سوف تكونين زوجه ثانيه وانتي ما زلتي صغيرة في السن وتستحقي ماهو افضل من رجل متزوج يا بنت الكرام انتي تحبيه ومثلما احببتيه سيأتي شخص اخر وتحبيه ويكون لك وحدك
السلام عليكم
أولا اسمحوا لي أن اختلف مع كل الاراء السابقه , فأنا ممكن تعتبروني هذا الشاب الذي تزوج من أخري وهو يحب الاولي ( صاحبه المشكله ), حقيقه انا امر بهذه الظروف بحذافيرها . وأحبها فعلا ليس كما قلتم انه لايحبها , بالفعل تم اجباري ان اتزوج انسانه غيرها ( تصوروا امي تقول لي يا أنا يا هي ) في هذه الحاله ماذا سأفعل .
اتزوج انسانه , واحب انسانه اخري
نصيحتي للأخت صاحبه المشكله ان تستعين بالله وتحاول ان تنسي حبيبها لانه ليس لها, واذا تم طلاقه ( لاقدر الله ) فان اهلها سوف يرفضونه .
اتمني لك التوفيق من كل قلبي ..
مشكلتك اللي بجد انك محاولتيش تحبي غيره دوري علي حب جديد حتي لو فشلتي في الو مرة بس اكيد هتلاقي الحب اللي بجد متصدقيش ان الانسان مبيحبش غير مرة واحده بس ….. هتتعبي شوية بس في الاخر هتكوني مبسوطة جدا وعلي فكرة انتي مش قادرة تنسية لانك محولتيش تحبي غيرة حاولي تلاقي حب جديد
حبيبتى حاولى تبعدى عنه هو لو بيحبك فعلا لو حصل ايه مكنش سابك فانتى حاولى تنسيه باى شكل ونصيبك هيجى ان شاء الله وهتفرحى كمان ومتنسيش انه اتجوز يعنى خلاص ليه حياة تانية فيها زوجة واولاد فيما بعد حاولى تبعدى عشان متظلميش حد تانى معاكى وانتى هتلاقى اللى يحبك بجد ويسعدك.
مافي شي مستحيل
قرري بنفسك انك تنسيه وعلى طول امسحي رقمه من عندك
ولاتفكري انك تكلميه
وحاولي من داخلك انك تكرهيه عشان تعرفي تنسيه
لانه كلام فاضي انك تنسيه وانتي لسه بتحبيه
وعلى فكره
حتى لو تزوج وحده ما بحبها الايام كافيه انه يعرف صفاتها الحلوه ويحبها ويخاف عليها
وراح يجي يوم يتركك فاتركيه قبل ما يتركك
هنفترض ان كلامك كله صح وانه اتجوز غصب عنه ومفيش حوار بينه وبين مراته بالنسباله هو المشكلة بسيطة شوية زكاء من مراته على شوبة دلع وعيل تجيبهوله يملى عليه الدنيا هيبقى كده خلاص مش عاوز حاجة من الدنيا واحدة بتحبه اللي هيا مراته وعيل يفرح بيه أو ممكن يكون طارح مشكلته على نفس الموقع وربنا يكرمه بواحد يعطيله طريقة كويسة للتعامل مع مراته وربنا يكرمه وانتي هتبقي صفر عالشمال أما مشكلتك انتي فلازم تحسميها حالاً وتعملي وقفة مع النفس لانك في مرحلة هتترتب عليها سنين طويلة يعطيكي طولة العمر يعني مشكلة الحب الأول دلوقتي كمان سنتين هتبقى مشكلة عنوسة ربنا يستر علينا وممكن تبقى انحراف بعد مرحلة العنوسة ولو ربنا كرمك واتجوزتي هتقبلي على نفسك انك تقسمي نفسك نص مع جوزك اللي أكيد هيحبك بجد وهتعرفي معاه معنى الحب الحقيقي والنص التاني مع حبيبك الأولاني اللي أكيد عمره محبك وأنا متأكد من كده وممكن توصلي لمرحلة الخيانة الزوجية لما تتواصلي مع حبيبك ده وانتي متجوزة وفوق كل ده هتوصلي لمرحلة عصيان ربنا صدقيني والله كل دي مراحل لو استمريتي في اللي انتي فيه هتوصلي ليها ان لم يكن أصعب كمان.
اولا… اولا حاجه كنتي المفروض تعمليهاا انك تبعدي عنوو لانو لو بيحبك مكنش اتجوز غيرك ومتقوليش غصب عنوو لان البنات دلوقتي ما بتتجوزش غصب عنها يبقي الولد هايتجوز غصب عنوو دا انسان عايز كل حاجه عايزك وعايز مراتوو ويمكن يكون بيتسلا بيكي وليه تقلي من نفسك ربنا معاكي
يا اختى لو بيحبك ذى ما بتقولى كان اتزوجك لكنه اتزوج غيرك يعنى لم يكن هناك مانع انه يتزوجك ويا ريت متكميهوش ولا تتصلى بيه خالص لان ده بيقلل من كرامتك وهو عارف انك بتكلميه مش على انه اخوكى لان مفيش اخوه بين ولد وبنت ابدا مهما كانت انتم مش اخوات احفظى كرامتك وسيبك منه خالص واستنى اللى يحترمك ويخبط على بابك ومتعمليش علاقه مع اى حد لان مفيش حد بيتزوج واحده مشى معاها
السلام عليكم يا أخت ان هذه المشكلة باتت معروفة وانا شخصيا من الذين وقعوا بها لذلك انصحك ان لا تصاربحه لأني متأكد انك ستنسيه وتحبي غيره مجددا فهذه هي حال الدنيا
قضى الامر خلاص معدش ينفع والسؤال ليكى هوا ليه اتجوز غيرك وهوا بيحبك؟؟؟؟ تيجى ازاى لو بنت هنقول ممكن انما ولد مش ممكن ابدا ::: فوفى حد يكون جدير بيكى احسنلك انا حاسس بيكى وبحبك بس الواقع بيحكم
خلينا صرحه انا معاكى ان لحب الاول صعب جداااااا بس مفكرتيش فى اهلك هيوافقوا انك تتجوزى واحد متجوز واحده تانى وحتى لو طلقها اهلك هيوافقوا عليه قصتك بجد صعبه ربنا يقدم مافيه الخير ليكى . شكرا تحياتى مازن.