بنت كانت تحبني وانا كمان حبيتها ومكونتش اقدر اعمل حاجة علشان ظروفي المادية وتم زواجها علي شخص محترم جدا وكذلك يعمل عمل مجزي ماديا – الغريب انها كانت تحبني وهي مخطوبة هي كانت دايما تقولي كدة – وانا دلوقتي مش بفكر الا فيها بس وده مأثر علي في كل حياتي بالسلب وخصوصا لما اعرف انها قدرت تنساني خالص ودة طبعا حقها وحق جوزها – بس انا مع ان فاتت سنة علي زواجها وهي حامل كمان انا مش عارف انساها ومش عارف اشوف مستقبلي ولا شغلي الا انا بقيت مهمل فية بعد ما كنت انشط واحد فية (ادفع عمري وانساها)ودة مش كلام دة بجد والله ما عندي الا الدعاء لدرجة ان حاسس ان الي بيحصل لي ده انتقام من ربنا علشان انا قمت بالعلاقة دي وهي مش من حقي لكن هي كمان كانت معاي في نفس العلاقة ومع ذلك انا عارف انها في منتهي السعادة وقدرت تنساني هل دة لاني انسان مش كويس زممكن اتنيسي بسهولة لا لا لا ده هي كمان عرفيت اني كنت اكذب عليها كتير جدا علشان ابان بمظهر كويس صح صح (لا تنسوني بالدعاء )
الحب الاول
حبي الاول ضاع ونساني ومش عارف انساه
اضيف بتاريخ: Friday, December 3rd, 2010 في 04:45
كلمات مشاكل وحلول: الحب, الحب الاول, بنت, حامل, زواج, مشاكل الحب
حتي لو كانت حب عمرك الوحيد الوقت بينسي بس انت مش قادر تنساها علشان ممكن تكون هي الحاجة الوحيدة اللي كانت صح في حياتك وكان عندك امل كبير انها تغير فيك غير من نفسك وبعدين ابدء حب جديد
اخى فى الله كل شئ قسمة ونصيب والكثير من يمر بمثل هذه الظروف لكن عليه ان يكون معه عزيمة ليقاوم ويخرج من هذه الظروف قرب من ربنا بقيام الليل وانت هتلقى والله المشكلة تحلة انشا الله
على فكرة يا اخى حبيبتك دى انسانة محترمة بس مش نصيبك هى عملت اللى اى واحدة محترمة بتعمله لما اتزوجت خلاص مبقاش فى حياتها غير زوجها واولادها وخلاص ارجوك لا تحاول تقرب منها وسيبها تعيش حياتها وربنا يسعدها ولا تحاول تخرب عليها حياتها اما انت فمشكلتك انك عايش فى الماضى هى اتزوجت يعنى مش نصيبك انت قاعد مستنى ايه لحد ما نصيبك يجيلك لحد عندك هو انت بنت انا اسف بس انت اخ قوم دور على نصيبك اللى ربنا كتبهولك واهتم بعملك عشان دة مستقبلك والبنات الحلوة كتير وصدقنى لو ربنا وفقك ولقيت بنت الحلال اللى هتعوضك عن كل شى وصدقنى يوم واحد مع زوجتك اللى هتشوف فيها الصفات الطيبة يوم واحد بمعشرتك الطيبة بكل الامور الجميلة الى بتمر بالازواج هتنسيك الحب الاول دة وساعتها هتقول دة كان وهم مش حب وربنا يوفقك
فعلا تماديت في العلاقة رغم علمك بخطوبتها وهذا هو الثمن.
انت تقول انها سعيدة وفي وضع مادي مميز ، اللي اعرفه عن حب الرجال انهم يحبون سعادة من يحبونه ولو لم يكن معهم ، فاتركها لله ، اتركها للف بطنها ، اتركها لزوجها.
اي محاولة للاقتراب منها ستدمرها وتشعل نيران الفتن
ربنا سيعوضك ان شاء الله ويجبر بخاطرك
ابعد حتي لا ينسب اليك اي شئ يحصل لها
ستحتاج لفترة من الزمن ولكن ستشفي جراحك
لا احد يعرف المخبي “عسي ان تحبوا شيئا وهو شر لكم وعسي ان تكرهوا شيئا وهو خير لكم والله يعلم وانتم لا تعلمون”
قل “حسبي الله ونعم الوكيل ” وقل “انا لله وانا اليه راجعون ” وقل اللهم اجرني في مصيبتي واخلف لي خيرا منها .
ربنا يهدي سرك ويوفقك