السلام عليكم
المشكلة ان حبيت شخص وكان اول حب ف حياتى اهتميت بيه وحبيته اوى بس هو كان بيقولى انه بيحبنى بس مكنش بيعمل حاجة تخلينى اصدق مكنش بيهتم بيا خالص ولازم انا اللى اسال عليه وهو ميسأل ولما اسيبه وابعد عنه يرجع يكلمنى ويقولى مقدرش اعيش من غيرك وهتغير وههتم بيكى استحملته سنة ونص وطول السنة ونص كنت بسيبه وبيرجع يكلمنى ويتذللى اننا نرجع وعشان كنت بحبه كنت بسامحه وانا معاه فى شخص تانى حاول يتقرب مني وانا رفضت وقولتله انى مرتبطة مع ان الشخص ده عمل كل حاجة عشان اوافق عليه بس مردتش عشان حبى ليه وقولت لازم استحمله عشان بحبه وبعديها بردو كان ميهتمش بيا واسيبه ويرجع تانى يتذللى عشان ارجع وارجعله فضلت تحصل كتير لغاية اخر مرة حصلت قولت خلاص كدة كفاية لازم ابعد بجد وبعدت ورجعلى تانى انا مردتش ارجعله مع انى بحبه اوى واول ما بعدت عنه اتقربلى شخص واثبتلى بجد انه بيحبنى اوى قبل ما اوافق ووفقت قولت عشان مسبش فرصة انى ارجع لحبيبى الاولانى تانى انا دلوقتى مع الشخص اللى اتقربلى بعد ما سيبت حبيبى وهو بيعاملنى كويس جدا وبيهتم بيا حتى لو انا مهتمتش ولو انا اللى مزعلاه يجى يكلمنى ويصلحنى وكلم مامته عليا وقالى بأذن الله هيخلص الدراسة السنة دى وهيتقدملى مشكلتى انى عدا 6 شهور ع سيبانى للاولانى ولسة بفكر فيه مع العلم انه عرف انى مع حد تانى دلوقتى وعرفت من يومين انه بيسأل عليا وبيطمن عليا عن طريق صحابى واللى عرفته انه مستنى اى فرصة عشان يوصل للى انا معاه دلوقتى وينتقم منه عشان اخدنى منه انا حاولت اسيب الشخص ده من اول ما كلمته عشان مظلمهوش بس هو مكنش موافق نهائى وانا رجعت قولت مضيعهوش من ايدى انا دلوقتى مش عارفة اعمل ايه انا ممكن استحمل انى اجرح نفسى واعمل اى حاجة بس مقدرش استحمل انى اجرح حد زى الشخص ده اللى بيحبنى دلوقتى وبيعمل كل حاجة عشان يفرحنى محتاجة حد يقولى اعمل ايه من فضلكم
الحب الاول
لسه بفكر في حبيبي الاولاني رغم ارتباطي باخر
اضيف بتاريخ: Thursday, September 12th, 2013 في 09:17
كلمات مشاكل وحلول: الحب, الزواج, بنت, شاب
ع فكرة الاولني بيحبك خالص اكيد عشان كدا بيحاول يرجعلك كل مرة بتزعلو فيها بس هيجي فترة وهينساكي وينسي كل حاجة معاكي
طيب هو كان فين كل مرة؟
مبيعرفش قيمتك إلا لما تضيعي من إيده
طيب لما انت مش قادرة تنسيه وانت مع غيره يبقى هتنسيه أمتى؟
اعقلي وشوفي حياتك طالما بعدتي عنه
انت اللي اخترتي البعد ومش ينفع تجرحي واحد تاني علقتيه بيك
الدنيا مبترجعش بضهرها خلاص واللي فات مات لأن حياتك مش ملكك لوحدك
خاصة الشخص التاني ده مخلص وبيحبك، والمخلصين أكتر ناس بتتألم من الفراق، لو سبتيه أبشرك بعذاب ضمير طول عمرك وخيبة أمل كبيرة جدا في حياتك.
شوف يابنتي الاول لوكان صادق بحبه لك ماتخلاعنك ابدا ولاتقدم اهلك ولكنه قاعد يتسلا بك ولايستاهلك —-الثاني يحبك وجادفي الارتباط بك وشاريك وعاوزيتقدم يخطبك من اهلك وهذاجدير انك تهتم فيه ويستاهل الحب والتضيحة وربي يهديك ويسعدك
ابشرك انك لا هتطولي ده ولا ده والاتنين بيتسلوا بيكي .. ولما اللي بقول عليه ده يحصل ابقي ادخلي هنا واعملي لايك على الكومنت
واضح جدا من كلامك ان الشخص التانى بيحبك وشاريكى ونفسه فى ان الموضوع يبقا رسمى….
من رأيي متغلطيش بقا عودتك لحبيبك الاولانى حتبقا غلطة حتى اذا بيحبك وبتحبيه ده موضوع وانتهى وراح لحاله
صدقي انا كمان حدثلي معك نفس القصة تماما بس انا حبيبي الاولاني هو لي رجع لي لالن كتتيير بيحبني انت حاولي تقتربي منو اوي بعدين بيرجعلك د اكييييييد
انت لازم تنسي الشخص اللي ما بيسال فيك و تهتمي بالشخص الثاني و اهم شيء انو تحكيلوا كلشي للشخص التاني اللي بيحبك كتير و تحدريه من حبيبك الاول لكي ما يحصل اي مشاكل
اولا : عندك كام سنة D:
ثانيا : يا حببتى اللى بيحبك هيدق على باب بيتك