انا كنت بحب واحد اوي بس جه يوم اتقدم ليا واحد انا عمري ماشوفته ولا اعرفه امي قالت ليا انهم ناس كويسين وكده وانا كنت قولت لامي اني بحب واحد وكده وكانت حاكيه ليها عن اللي كنت بحبه امي قالت ليا اللي انتي بتحبيه دا ظروفه وحشه ومش هيعرف يتقدم ليكي المهم لما قعدت مع اللي كان جاي يتقدم ليا دا انا لما شوفته حسيته انسان محترم وقامت امه قالت ليا قولي رايك قدامنا دلوقتي انا ماكنتش عارفه ارد اقول ايه انا قولت اقول انا موافقه ولما يمشو اقول لامي ترن عليهم وتقوليهم اللي انا مش موافقه المهم بعد اما مشيو من عندنا روحت اقول لامي انا مش عايزاه امي قالت ليا هو لعب عيال تقول موافقه وبعد شويه تقولي مش موافقه انتي هتنخطبي ليه غصب عنك ياااه حسيت اني ضيعت حب حياتي خلاص ماكنتش عارفه اعمل ايه وموضوع الخطوبه حصل في يومين انا مصدومه من اللي انا فيه مش مصدقه ان اتنازلت بكل سهوله عن حبي حياتي كده كنت بعيط كنت مجروحه اوي لما حبيبي جه يرن عليا ماكنشي يعرف ان اتخطبت لما قولت له ماكنشي مصدق اللي حصل انا كنت مفكره انو زعل علشان مش هبقي ليه بس للاسف مع الايام عرفت ان كل اللي الحب دا كان كذب وانو كان بيتسلي بيا ولما جه وقت الجد مش عمل ليا اي حاجه وقالي هنبقي اصحاب وكان ليا واحده صحبتي عملت ليا مشاكل مع ام اللي كنت بحبه وخلتها كرهتني وقالت ليها كلام وحش عليا وقالت لحبيبي برضو وصدقها وصدق اني مش كويسه وكمان اللي كنت بحبه كان واحد صاحبه عملو معايا حاجات وسخه اوي وضحكو عليا وكانو بياخدو مني فلوس ويمثلو عليا هما لااتنين انهم بيحبوني وانا كنت بصدقهم وفي الاخر طلع حبيبي وصاحبه بيضحكو عليا عرفت دا متاخر اوي بعد سنه من الخطوبه عرفت دا كله بس انا كنت بحب حبيبي دا اوي مش عارفه ليه عمل معايا كدا انا مش عارفه اعيش حياتي ومش عارفه احب خطيبي بقالي سنه تايهه علي طول اعيط مش عارفه انسي اللي كنت بحبه دا احنا خلاص مش بقينا بنكلم بعض وسابني بس انا مجروحه اوي حاسه اني ضعيفه اوي انا عيبي انا طيبه اوي بصدق اي حد مش بعرف خد حقي كل ذنبي اني حبيت بجد حتي خطيبي اللي مفكراه كويس كل اما يتكلم معايا يقول كلام مش مؤدب وكل اما اقول مش يتكلم الكلام دا مافيش فايده كل يوم كده انا من جوايا تعبانه اوي مش قادره اعيش حاسه ان اللي كنت عايشه علشان خلاص مش هيبقي ليا وخطيبي مش محترمني وامي بتضربني وبتغصب عليا موضوع الخطوبه دا مافيش حد حاسس بيا وبالجرح اللي جوايا كل واحد عايش حياته وانا اللي تعبانه في وسط كل دا مش عارفه اعمل ايه نفسي حد يساعدني
دي نتيجة اللي ماتسمع كلام اهلهاوامك كانت تريد مصلحتك وخايفةعليك وده اللي كنت مش متوقعته من حبيبك السافل ضحك عليك وخليك مسخرة له ولاصحابه ويتسلى بك وكانك لعبة في يديه وفي الاخر رماكي وماسالش فيك نهايا فوقي لروحك قبل فوات الاوان وانسيه خالص وارميه زبمارماكي وشيليه من دماغك نهايا واهتمي بخطيبك ده وتقربي منه واعرفي طبيعته ومشاعره ومسالةانويحاول يلمسك اويبوسك ارفضي الشي ده وامنعيه نهايا وعرفيه انو ده حرام ومايجوز قبل الزواج ولو عاد تاني وعمل الحركة معك افسخي الخطوبة معه وحافظي على شرفك واخلاقك وتربيةاهلك لك دول اهم من كل شي للبنت الشريفة العفيفة المحترمة وربي يسعدك ويوفقك
بصي في البداية مامتك مش تمام معلش لانها اجبرتك تنخطبي مجبرة علي كده ومش بتحبي الانسان اللي هيخطبك ده وظلمتي حبيبك بس احمدي ربنا اني ربنا اخترلك الصح وعرفتيه علي حقيته …خلاص بقي دوسي علي قلبك وملكييش دعوة بيه تاني خالص وانسيه بقي لانه مش بيحبك وبيتسلي بيكي وسيبك من الطيبة بتاعتك دي ……ثانيا مادام خطيبك ده قليل الادب كده سبيه وانا اللي بقولك وانتي انسانة كويسة اكيد ربنا هيختارلك واحد اصلح منه …وبعدين اصلا معاملة مامتك ليكي غلط اي نعم خايفة عليكي بس في طرق تانية احسن من الضرب وبتجيب نتيجة افضل
انتى ممكن تقسى على قلبك شوية وتنسيه وممكن لو عندك اى زكرات ليه امسحيها اذا كانت فى الموبايل او الكمبيوتر او الصور احرقيها وامسحيه تماما من حياتك وهترتاحى
اما خطيبك انتى عشان لكى حب اول فبتقارنى وتحاولى تمسكى عليه غلط عشان تحسى انى حبيبك افضل وبكدة عمرك مهتشوفى شخصيته واحسن حاجة انك تعتبرى نفسك بنت ثانية اول حب فى حياتها وشوفيه من منظار تانى مش منظارك اكنك هتوصيفة لصحبتك واعتبريه مش خطيبك اكنك انتى صحبتك بتاخذ رايك فيه فعشان بتحبيها هتشوفيه صح ودة حل انك تعرفيه كويس اخرجى برة دايرتك ووفيه من برةاوك
اما انو مش بيكلمك فاستخدكمى اسلوب التعليق اتصلى وازعجيه كتير لمدة اسبوعين وابتدى متتصلي الاسبوع الال هو يحس انك متصلتيش فيتصل
وهو جالك من الباب احسن من حبيبك الى مصانكيش ومحبكيش حب حقيقى
وشكرا وارجو اكون جاوبتك صح واسفة على الاطالة
بسيطة أووووووى ردا على سؤالك ياصاحبة المشكلة…….
أوعى تقللى من مقامك وصورتك أمام أحد وبالطبع أرفضى بشكل محترم وخدى قرار من تلقاء نفسك وبعيدا عن الضغوط وبلغى ماما بيه ووجهيها بالحقايق والدلايل …
وفى النهاية انسى كل مافات وعيشى نفسك فى الحاضر
وشكرا
انت غلطانة في حق نفسك وحق خطيبك ازاي تسمحي لروحك تتكلم مع حبيبك الاول وانتي مخطوبة لراجل اخر دي خيانة اقطع علاقتك مع الحبيب الاول اهتمي بخطيبك اللي جاك من الباب وخطبك من اهلك واسمع كلام ماما فهي ادرى بمصلحتك من نفسك واوعي تغضبيهااوتكسري كلامها تخسري حياتك كلها ولاعمرك تلاقي السعادةوامك غضبانةمنك وربي يهديك ويصلحك
ربنا نجاك من حبيبك ده الحمد لله
أما خطيبك فلو ده عيبه الوحيد يبقى تشدي عليه وترفضي الكلام ده منه ومتقعديش معاه لوحدك
أما لو عنده عيوب تانية يبقى تفكري تفكير منطقي وتبعدي عنه أحسن
بس كونك سمحتي له يتكلم معاك الكلام ده يبقى متبعديش عنه لأن الكلام ده انت مسئولة عنه انت كمان
المشكله اللي ان مش هقدر انسي حبيبي دا خالص بجد مش قادره انساه انا حبيته اوي ولما بعدنا عن بعض بقيت بحبه اكتر من الاول وكمان خطيبي عمره ماحس بيا وعمره ماهيحس علشان كل تفكيره في الجنس وبس هو دا اللي في دماغه عمره ماحبني من قلبه علشان كده عمري ماهحب خطيبي بس نفسي حد يقولي لما خطيبي يطلب مني انو يبوسني او يلمسني ارد عليه اقوله ايه؟؟ اقوله عيب وحرام ولا اشتمه واسيبه ولا ااعمل ايه ياريت حد يساعدني
اهدى طيب عشان خاطرى انا متأكد أنى انتى كنتى منهارة وانتى بتقولي الكلام ده….
أولا انا عايز اعرف ليه معيشة نفسك فى دايرة ضيقة من الالم والاسى والحزن ليه متفكريش بعقلك وتركنى قلبك وقوة ماما وسلطتها عليكي على جنبك بردوه بعقلك……..
لمعنى احنا عندنا مشكلتين دلوقتى………
الاولى……..
فى حبيبك اللى مش قادرة تنسيه ده
العقل بيقووووووول………
ان ده انسان بان هو وصاحبه وانتهى الامر بتفكرى فيه وتحبيه على ايه
التانية……..
فى خطيبك اللى ماما كانت فرضاه عليكي
قولى لماما الحقيقة وعدم الاحترام اللى صادر منه وانك مش متحملة تعيشى معاه بالطريقة ديه ويانا عطيطيله فرص بردوه مفيش وانك عطيطي لنفسك فرص تخبيه بردوه مفيش اصلك هو مش راجل والسلام العملية اكبر من كدة
بس كدة
بعقلك حتعرفى تفكرى وتحطى نفسك فى مغامرات وتقدرى تطلعى منها
كونى قوية واثقة فى نفسك لا تجعلى احد يتلاعب بمشاعرك
وشكرا
أخوكى
الانســـــــــــــــــــــــــــــــان الطــــــــــــــيب
المشكلة بتبقى ف الشخص نفسه لما بيحب بجد بينسى اى جرح عشان العقل هو اللى بيضايق وبيتعب من الجرح ده لكن القلب بيفضل يحب وبينسى اى جرح هى دى المشكلة اننا بنفكر بقلوبنا ضمن جرحك وانتى عارفة كدة متأكدة سيبى عقلك ه واللى يحكم مش قلبك عشان متتعبيش ف حياتك وتندمى ع اى حاجة تعمليها وتقولى يا ريت اللى جرى ما كان وانا لسة معاكى ف الردود
المشكله ان رغم كل اللي عمله معايا دا بحس اللي انا اللي غلطانه في حقه بحس بالذنب علي طول اني سبته من الاول مع انو عمل معايا حاجات كتير جرحتني بس مش بفتكرها ولما بيقابلني صدفه في اي مكان بحن ليه اوي مش بقدر امسك نفسي بقعد ابص له وبنسي كل حاجه حصلت مش عارفه انساه خالص كل حاجه بتفكرني بيه
لو انتى مش عاوزة خطيبك انتى ممكن تقولى لمامتك ع كلامه وتخليها تأخد موقف منه بس بردو حتى لو وافقت انه تسيبيه لازم تنسى كل اللى فات ده ومتفكريش فيه ومتصدقيش كلام اى حد عشان اكتر الناس بقت تتسلى دلوقتى بس انتى بردو شوفى خطيبك انتى تعرفى اكتر هو بيعمل ايه عشان يفرحك وبيهتم بيكى اد ايه عشان متخسريش كل حاجة وبردو اقولك ع حاجة تانية انتى ممكن عشان بتفكرى ف جرحك القديم وحبك القديم مش مدية لنفسك فرصة تحبى خطيبك اقعدى مع نفسك فكرى ف كل حاجة ف حياتك وفكرى ف كل حاجة ممكن تعمليها هيترتب عليها ايه بعد كدة عشان انتى ممكن اى قرار تأخديه تندمى عليه وممكن قرار يخليكى سعيدة بقيت حياتك ففكرى كويس عشان حياتك مش لعبة وانا معاكى ف الردود لو عاوزة حاجة