انا فتاه عمرى 17 سنه احب شاب عمره 24 سنه انا فى 2 ثانوى عام وهو مهندس هو الحب الاول ليا احبه بجنون وخايفه ميكونش هو نصيبى انا احتاج وجوده جنبى هو حياتى كلها فى اول العلاقه كان مهتم بيا اوووى وبيخاف عليا وانفصلنا عن بعض بسبب انى كلمت واحد تانى بس اقسم بالله العظيم دى كان زميلى فى المدرسه ولما كلمته كان بيكلمنى عن الامتحان علشان كنت عامله حادثه ومش بروح المدرسه هو عرف انى كلمت الشاب ده وانفصلنا عن بعض من غير حتى مايسالنى انا كنت بكلمه ليه ورجعنا لبعض بعد مااتعذبت وحاليا هو مش مهتم بيا ممكن منتكلمش مع بعض باتلات ايام رغم ان احنا بنكون فاتحين الفيس ممكن حد يقولى اعمل ايه انا بحبه جداااااااااا ومقدرش استغنه عنه ولو حتى دقيقه
بصي اناا شايفه انك تبوصى لمستقبلك وعالفكره اناا من سنك بس اناا جربت وخسرت محدش نفعنى وانتى برضوا روحى كلميه براحه وبالعقل وقوليلو انت عوزنى ولا لا وهيبان من الطريقه بتاعت الكلام وربناا يوفقك انشاء الله ويكون من نصيبك متخفيش لو لكى نصيب فيه مهما حصل هتخديه .! 🙂
دامه يتجاهلك تماما انت برضو تجاهليه خالص وماتعبريه لاجل كرامتك وعزةنفسك البنت المحترمةوالمتربية ماترخص نفسهاللشاب مهماكانت الظروف وماتجريش هي وراءه نهايا لوهوعاوزك بجد يبقى هواللي يبادر في الكلام والمشاعر ويتقدم لاهلك حسب الاصول غيركده ماينفعش اللي انت تفكري فيه وربي يهديك ويسترعليك
الحب الاول قد يكون جميلا بس مع السن الصغير يسمي تعلقا
بصي انتي متعلقه بيه بس مش بتحبيه
و هو مجرد مشدود بيكي عارف انك اول مره تحبي اول مره تشوفي بمعني صريح هيعرف يحتويكي واوي
والحركه الي عمالها ديه مجرد قرصه ودن خفيفه تبينلك انو غيران من اي حد يهوب نحيتك
اه ممكن يكون بيحبك
بس دا من وجهه نظري دا مجرد حب ميت بلا روح
يعني انجذاب من طرف وتعلق من الطرف الاخر
وشكرا……………
شوفي انتي كده مش متاكده من حبو ليكي فعشان كده انتي لازم تبعدي عنو وتفكري في مستقبلك عشان تجيبي كليه احس منو واكيد انتي مش اول حب في حياته وممكن كان بيكلم عشان ينسي حبو الاول ومقدرش ينساه معاكي وممكن يكون ارتبط بواحده تانيه في الكليه فعشان كده انتي لازم تخافي علي قلبك وتضحيش بيه بالساهل
انا من رأيي إنك تكلميه وتتفاهمي معاه وتسأليه هي مشاعره إيه بالنسبالك وتتكلموا بكل صراحه
علي فكره انا عندي 19 سنه ومريت بنفس المشكله بس الموضوع إنتهي بالانفصال
نصيحة اوعى تكلمية ومتعبرهوش وعن تجربة لو بيحبك هيكلمك ولو مش بيحبك مش هيكلمك ودوسة على قلبك اعملى لنفسك كرامة وعزبية زى معزبك
اولا انتى لسة صغيرة و هو مش مهتم ممكن يكون مش بيحبك زى الاول بس انت المفروض تتكلمى معاة و تسئلية و تشوفية متغير لية و تحلى الموضوع دة عشان انتى داخلة ع 3 ثانوى و المفروض تركزى مش تفضى تفكرى اتغير لية و هو لما سابك سابك عشان بيحبك و مستحملش يشوفك بتكلمى غيرو و كان غيران عليكى
أختى العزيزة…..
بصي أولا وأخرا قبل كل شئ لا بد من التحقق بموضوع ما قبل أخد قرار فيه
أحيانا بيكون البعد حتى ان قصرت مدته شئ يحطم الحب بداخلنا وتقل الاهتمام بالنسبة لينا ده أحيانا…
كان عليه التحقيق فى الموضوع قبل ما ياخد قرار البعد…
وأحيانا أخرى بيكون البعد سببه أنى بتلكك على حد عشان أتخلص منه بأى طريقة ويطلع مذنب فى الاخر بس ديه غالبا مابينتهى العلاقة مابين الطرفين عندها
سؤالى ليكي وركزى معايا أووووى…..
أنتى حاسة انه مش مهتم بيكي؟؟؟؟
السؤال مرة تانية …
أنتى حاسة انه مش مهتم بيكى؟؟؟؟؟
للمرة التالتة انتى متأكدة من اللى انتي بتقوليه يعنى مش حاسة انه مثلا عشان شغله عشان حااااااجة معينة شغلاه مشكلة فى حياته وبعد كدة حيتقدم متأكدة أنه مش مهتم
أختى العزيزة…….
أذا كانت أجابتك أيوة متأكدة بعد الاسئلة ديييه
فأخوكى بيقولك أبعدى عنه :ده حل صح وحيكون أكبر حل صح عملتيه وحاولى متفكريش كتيير بعد ماتخدى القرار ده لانى انتي مش حتبقي غلطااانة وعشان متجرحيش وتعذبي نفسك
حبيبتى أرجوكى أنا بكلمك وخايف عليكي زى أختى…….
أنتى أودامك عمر لسة فى فرص كتيرة أودامك الدنيا مليانة ناااس وشباب كويسة جدا وأنتى أودامك اللى أهم اللى هو مستقبلك اللى لازم تخدى بالك منه عشان متضيعيش أهم فترة فى حياتك اللى جاية وتيجى فى يوم وتندمي عليها
وشكرا
أخوكى الانسان الطيـــــــــــــــــــــب
شوفي ياابنتي مافيش حب بلاارتباط رسمي اوشرعي ويبقى مضيعةللوقت وانحلال في الاخلاق وسوءتربية لوهوجاد وصادق يتقدم فورا للاهلك ويخطبك منهم غيركده حرام تتكلم معه اومع غيره كي لاتجلبي لنفسك الوقوع في المحرمات والمعاصي وتكون لك فضيحة امام الاهل وكل الناس اغلى ماعلى البنت شرفهاوسمعتهاحافظي عليهم كويس وماتفرطيش فيهاابدامهماكانت المغريات والظروف وربي يسترعليك ويهديك
انا معرفش تعملى ايه بس اعرف ان الوضع مش طبيعى انتى لسه صغيره اوى وده معنه انه هيستناكى وهتتعلقو ببعض اكتر من غير اى ارتباط رسمى ولو حصل اى مشكله صغيره زى اللى حصلت وسابك علشانها هيسيبك بس هتكونى اتعلقتى اكتر او ان اهلك بعد ده كله يرفضو او او قدامكو كتير فلازم تكونى واثقه فى حبه يعنى متضيعيش عمرك ووقاتك جمب واحد انتى حتى مش عارفه اخره ايه وانتى فى ثانوى يعنى مذاكره ومينفعش تشغلى نفسك كمان يقعد تلات ايام من غير مايكلمك اكيد ده بيشغلك ولو بيحبك هيعمل كده ليه انا عالرفه انى كلامى بيوجعك لانك اكيد كان نفسك تسمعى انو بيحبك بس انتى اللى تعرفى ده بس انا مش شايفه الوضع اللى انتو فيه طبيعى