الحب الاول

بنحب بعض ومافيش تواصل بينا

انا بنت عندى 19 سنة كنت معجبة بواحد معايا ف الابتدائى بس ماكنش الموضوع ف دماغى وركزت ف دراستى وقلت ان دى اوهام ولما خلصت الابتدائى انتقلت من المدينة اللى كنت عايشة فيها ورحت مدينة تانية وفضلت افكر ف الانسان دا ولكن كنت دايما اقول لنفسى انها اوهام وانه مستحيل يكون بيحبنى لان عمرى ماتكلمت معاه واحنا ف الابتدائى لانى خجولة جدا ومش جريئة وماليش اى كلام مع اولاد الا ف حدود الزمالة وكنت طول عمرى محافظة على مشاعرى وماحبتش خالص ولا اديت فرصة لاى ولد انى احبه ونجحت فى دراستى ودخلت الكلية اللى بتمناها وحققت حلمى والاسبوع اللى فات كنت ماشية فى الشارع وواحد كان واقف وقالى ممكن لحظة لو سمحتى فوقفت اشوف ايه الموضوع فقالى انتى اسمك كذا ؟ قلتله اه قالى يعنى انتى كذا ؟ قلتله اه ليه فقالى على اسمه وهوا الولد اللى كنت بحبه فى الابتدائى وسألنى عن كليتى وعرفت انه فى جامعه غير جامعتى وفى بلد غير البلد اللى انا فيها يعنى مش هنشوف بعض تانى ولما روحت قعدت ادور عليه على الفيسبوك ودوخت بعد يومين بحث عليه لقيته ولقيت انه كان منزل بوست على الاكونت بتاعه يوم لما شافنى وكاتب انه شاف البنت اللى كان بيحبها فى الابتدائى بالصدفة بعد فراق 6 سنين وانه بيتمنى الصدفه تجمعه تانى ويعترفلها بحبه وتكون من نصيبه وانا من ساعت ماعرفت عايزة اتكلم معاه بس محرجه انى اعرفه انى دورت عليه وليه هةا مادورش ع ةكلمنى وهوا انسان محترم ومتدين وهو دا اللى بتمناه من زمان ومش عايزة نفترق تانى بليز حد يقولى على طريقه اخليه يعرف بيها الاكةنت
يعرف بيها الاكونت بتاعى من غير مابين انى دورت عليه او ابعتله رساله فيها ايه بس من غير ماقلل من نفسى او انى بتلكك عشان اكلمة ياريت تساعدونى

مشاكل وحلول ذات صلة

اضيف بتاريخ: Thursday, October 1st, 2015 في 08:08

كلمات مشاكل وحلول: , , ,

3 رد to “بنحب بعض ومافيش تواصل بينا”

  1. ساره
    19/10/2015 at 01:49

    بصي اعملي لايك على اي حديكون عاملوا اشاره ف اي منشور وهو اول مايشوفك انك عملتي الايك حيبعتلك ادد

  2. وجد
    01/10/2015 at 20:44

    متبعتلوش ولا تتعرفي عليه ابقي محافظة على عفتك صدقيني لو بعتيلو رسالة راح يكرهك و ميفكرش فيك كزوجة في المستقبل خليك غلية و متهنيش نفسك هو ليدور عليك لأن الراجل يحب المرأة الصعبة ل يتعب عشان ترضى تتكلم معاه مش الامرأة لتجري وراه لو كان من نصيبك راح يجي و الله راح يجي

  3. محمود الليثي
    01/10/2015 at 19:19

    السلام عليكم ورحمة الله وبركاته

    موضوعك هين ولله الحمد تعالى ….
    دائما عندما أرى فتاة تشتكي أقول في نفسي اللهم سلم سلم أن لا تكون قد وقعت في :
    1- فخ مبتز على عرضها
    2- أو فقدت عذريتها
    3- أو أو او او او

    موضوع سهل جدااااااا … تواصلي معه في أقرب فرصة عن طريق أي موقف
    ولكن النتيجة إثبتي على ما أنتي عليه من ناحية الإحترام وعدم الحديث مع الشباب
    والنهاية أخبريه بأن يتقدم لوالديك ويدخل البيت من بابه ولا تشقوا عليه في الزواج

    ….أمرك وموضعوعك سهل مفاده يدخل البيت من بابه

    وفقك الله تعالى ….

اترك رداً أو حلاً لهذه المشكلة