اول مره احب في حياتي واكلم واحد.. اتقابلنا صدفه واتعرفنا علي بعض بسرعه وحبينا بعض بسرعه واتعلقنا ببعض بسرعه اووووي الاول كنت بفهمه بسرعه مكنش ينفع في يوم ينام زعلان او انا انام زعلانه بس بعد كده مبقتش قادره اطلعه من اي مشكله هو فيها او اي حاجه مضايقاه بالعكس سكوتي ده كان بيضايقه اكتر وبيحسسه ان انا مش قد المسئوليه ..فعلا انا مش قد المسئوليه ومعرفش يعني ايه مسئوليه اصلا من الرغم ان انا عندي 19 سنه بس عشان متعودتش في حياتي اني اشيل مسئوليه حد او حتي اشيل مسئوليتي …انا بحبه اووووي وكمان عارفه ان هو بيحبني اوووي مهما حصل مشاكل مش بعرف مسمعش صوته ..
مشكلته معايا انه وزي كل الشباب كلم بنات كتير وكان خاطب مره قبل كده ..اخر كلام ما بينا قالي احنا لو مفيش حاجه رسمي ربطانا ممكن تحصل مشاكل كتير وكبيره ونسيب بعض بس نعرف نرجع لبعض لكن لما نبقي مخطوبين مش هينفع لو حصل مشكله كبيره وسيبنا بعض مش هينفع نرجع تاني ..قالي فكري كويس في الكلام ده ..انا كل اللي عايزاه انه يفضل جمبي مع العلم ان انا والله مش ببقي قاصده ازعله او اضايقه في اي حاجه
يا ريت لو تقدروا تساعدوني …شكرا ليكوا
الحب الاول
اول حب وخلافاتنا كتير
اضيف بتاريخ: Tuesday, January 26th, 2016 في 17:20
كلمات مشاكل وحلول: الحب, بنت, حب, شاب
الاخت الفاضلة صاحبة المشكلة – انتي اتعرفتي عليه واتعرف عليكي – وصدفة – واتكلمتوا وبعديني فيه مشاكل – ولسة مرتبتوش رسمي – امال لما هترتبطوا رسمي هتعاملوا بعض ايزاي – يا بنتي معرفتك ليه وكلامك معاه وتعرفك عليه بدون ارتباط رسمي غلط وانتي الخسرانة وهو مش خسران حاجة هو بيقضي معاكي وقت وبعدين لاتفه سبب يسيبك ويشوف غيرك – صدقيني لو انتي متسأليش فيه هيجري وراكي وهتعززي نفسك – دي أول نقطة – تاني نقطة الطبع يغلب التطبع – يعني هو طبعه كدة ومش هيغير طبعه ولو راضية بيه يدخل البيت من بابه ويخطبك لو هو جاد وعاوزك في الحلالولو ده حصل حاولي تتفاهمي معاه وتحلوا مشاكلكوا بالراحة – وانا اشك في انه جاد ويهيألي انه بيتسلي بيكي ولما هيزهق من مشاكله معاكي هيسيبك ويدور علي غيرك – عن رسول الله صلي الله عليه وسلم انه قال : تنكح المرأة لأربع لمالها وجمالها ولحسبها ونسبها ولدينها فاظفر بذات الدين تربت يداك – يعني الرسول صلي الله عليه وسلم يوصي الشباب بالزواج من البنات المتدينات ذات الدين – فتمسكي بدينك هيتقدم لك الشباب المتدين اللي يعرف ربنا – اللي هيصونك ويعرف قيمتك وعززي نفسك بلاش تتكلمي مع الشباب وتعملي علاقات معاهم – ربنا يهدينا ويهديكي – ياريت تسمعي الكلام وبلاش تتبعي خطوات الشيطان والتزمي بتعاليم دينك – والله الموفق وكل عام وانتم بخير
اعوذبالله منك ومنه ازاي تحبي وتتكلم مع الشاب من وراءاهلك وبدون رابط رسمى كخطوبة انت بنت ساقطةوبلااخلاق ولاتربية وتستاهلي كل مايجرى لك من فضيحة واهانة لو اهلك عرفوا الحقيقة هيكون موقفك ايه منهم صدقينى هو بيلعب بيك ويقضى معك وقت وعمره لاحبك ولاهايسعدكولايقدر يصونك اويحافظ عليك بادري الى التوبة لله عزوجل من الذنوب والمعاصي واقطع علاقتك به نهاية وللابد وحافظي على شرفك واخلاقك وتربية وثقة الاهل فيك وابتعدي عن التكلم مع الشاب اوغيره من الشباب المنحرفين الساقطين واهتمي بدراستك واشغلي اوقاتك بمايرضى الله عنك من امور في دينك ودنياك وتنفعك في اخرتك وربي يهديكي ويسترعليكي ويعصمكي من المحرمات والمعاصي