أنا فتاه عمرى 17 سنه منذ ثلاث سنوات كنت أنا وابن عمى نتبادل النظرات والابتسامات بدون البوح بالمشاعر وكنت خجوله لأقصى حد ممكن وكنت احافظ على نفسى جيدا……….كانت امى اقرب الناس لى فكنت لا أخفى عليها شيئا أطلاقا عندما أتكلم معه أو يحدث بيننا أى تبادل لأطراف الحديث وفى الفتره الاخيره كنا غير متفاهمين أطلاقا….وبعدها مرضت امى التى كانت كل حياتى واصبح من الصعب التعامل معها لأنها أصبحت عصبيه لأقصى حد ممكن وأصبحت وحيدة لا أجد من أتحدث اليه فأنا أملك أخان صغيران وصديقتى الوحيده كانت تسخر منى …وبعدها تعرفت على شاب عن طريق النت صدفه كان مجرد صديق ولكن سرعان ما تطورت العلاقه واصبحت اكلمه على الهاتف بدون علم امى ولأول مره بحياتى وكنت أشعر بالذنب والسعادة فى وقت واحد حتى تقربت الى الله وسالته ان كان الامر خيرا لى وبعدها عرفت أن هذا الشاب يعرف فتاه اخرى من النت فتركته فورا ولكنى وللأسف أحببته وايضا اول مره اشعر بهذة المشاعر وصرت ابحث عن حب بديل له وأذهب احيانا الى صفحته لمجرد الاطلاع فهل هذا جنون ؟؟
ولكنى قررت أن لا أحب ثانيه أبدا وأغلقت ابواب قلبى ألى ان اتخرج ويكن لى مستقبلا ..ولكن دائما أشعر بنقص فى شئ ما
مع العلم ان امى عادت كما هى وصارحتها وسامحتنى وعسى الله ان يسامحنى
الحب على النت
رفضت الحب على النت واشعر بالوحدة
اضيف بتاريخ: Friday, March 23rd, 2012 في 17:35
كلمات مشاكل وحلول: الحب, الحب على النت, النت, شاب, فتاة, مشاكل الحب
اؤيد كلام = احمد عبدالرحيم =واتفق معه في كل ماقال للاخت السائلة اتمنى انها تستفيد مما قيل لها وربنا يصلح حالها ويؤفقها ويسعدها في هذة الحياة
بص الحقيقة انو مفيش حب ع النت لان انا تعرفت بواحد و عرفت من النت و كنا مع بعض 3 سنين و انا شفتو مرة وحدة قدامي لان اهلي ناس كويسين و مبحبش اجيب النظرات لنفسي الناس مبترحمش بس هو كان حاطط صحابو بيسكنو بمدنتي عشان يراقبوني لان هو كان شاكك فيا و قلت معلش بلكي من غرتو عليا بس صار بحب يتحكم فيا و مرة طلب مني كلمة سر اميلي و قلتلو اعتيني اميلك انت كمان بس رفض و قلي خلاص ما بدي اميلك و احنا كنا بنتخاصم كتير لان كان بحب يتحكم فيا و كان ديما يخترعلي مشكلة حسيت بالضيق و كنا ديما ننفصل و نرجع نتصالح هو مكنش واثق بيا انا ثقتي فيه عمياء جرحلي مشعري كتير و مرة قلي لو تخاصمنا مرة ثانية منرجعش خالص و تاني اتخصمنا بسبب لة ثقته في و انفصلنا لان انا حاولت اصلحو بس كان يقلي انو بيفكر حسيت اني اهنتي نفسي فقلتلو خلينا صحاب و معدتش اكلمو و ديما يفتح الفيس و مبكلنيش هو مانو احسن مني انا كمان عندي كرامة و اليوم مسحتو من قائمة اصدقائي لان مبيستهلنيش و مبيستهلش حبي بلييييييييييييز انصحونيييييي
نصيحة من القلب : اهتمي بدراستك واشغلي نفسك بهواية أو بقرأة الكتب
لم اجد حل لهذه المشكلة لانه لا يوجد مشكلة من الاساس
والله ولي التوفيق
اهم شي انك تتوبي لله وتستغفريه ولاترجعي للسلوك المشين والفاضح واهتمي في نفسك وامك اكبر حاجة في الدنيا دي وربي يوفقك ويرزقك بالرجل الصالح اللي يقدرك ويستاهلك
سيدتى الحب لايقدر احد ان يضع امامه حواجز الا الله فقط امام انكى احببتى ابن عمك فهذا ناتج عن التواصل الدائم والفقر العطفى والترواح بين النفوس،امام النت فهذا خطأ كبير والان انتى مازالت الحياه امامك طويله ارجوك ان تتقربى إلى الله افضل وستعينى به واصبرى وصابرى واربطى على قلبك وعليكى بالدعاء انا اقدر حلتك والله لانى فى نفس مشكلتك واحب بنت عمى حبا كبيرا ولكنها تبتعد للمشاكل لعائله ولكنى احاول البعد فانا فى نفس مرضك والحل هو الدعــــــاء فى الصلاه والتقرب لإلى الله
انتي صغيرة السن والاجدر بك متابعة تعليمك والاهتمام بعائلتك وامك واتركي الحب والزواج لوقت اخر وليس الان
احسن حاجة انك تنسى تمتما ما حدث واصلا انت لسى صغيرة جدا على الكلام دة واحسن ما فى الموضوع انك قولتى لماما وبلاش الشات احسن لانة غالبا بيكون فاشل ومحدش يقولى لا لانى قولت غالبا مش دايما وركزى فى مستقبلك وكل حاجة هتيجى فى وقتها
معلش يا بنتى محدش ليه فنسه حاجة بس خليكى قريبه من أمك هى الوحيدة اللى هتحس بيكى وهتنسيه مع الوقت وربنا هيغفرلك لأن ده سن كلنا عارفينه
يا أستاذه ندى أنا مش فاهمة أنى بتكذبيها ليه بصراحه عادى جدا فيه بنات كتير ماشاء الله عقلهم أكبر من سنهم وهى منهم مش عيب والحب ذاته مش عيب
انتي بالصراحة عندك 17 سنة انا حاسة ان كلامك اكبر من سنك بكتير واية اللي خلاكي تقعدي علي النت اصلا طب انتي عارفة ان اي شاب ممكن يدخل ويتكلم معاكي وتحبي ويبعتلك صور مش كويسة مفكرتيش في الموضوع دة يعني انتي كدة عاقلة اوي للدرجتي والله انا مش مصدقة سنك دة لان كلامك كبير قوي علي سنك انتي مألفة وطالعة تحكي علشان الناس تقول عليكي عاقلة فين امك بقي من الكلام دة كله وانتي قاعدة بتتكلمي علي الشات
السلام عليكم انا فتاة جامعية تقدم لخطبتى شاب اسلم من فترة لكن اهلى رفضوه لانه كان فى الاصل غير مسلم واعتقادهم بالشاكل التى سوف يواجهها والخطر من اهله رغم انه يحبنى جدا وفعل الكثير وطلب من الخروج معه لاتاكد من انه انسان صادق وخرجت معه ووضح انه يحبنى جدا وكان يكلمنى هاتفيا وشديد الخوف على فهو ياخذنى من الجامعة ويوصلنى للبيت وايضا من البيت للجامعة لكن بعد رفض اهلى له قررت ان اتركه وادع كل شىء لله فهل مافعلته الصواب
والله شخصيتك أقوى من 90% من جيلك..
ربنا يبارك فيكي ويكرمك ويرزقك بالخير..
pحبيبتي الحب بيجي من اي حتة اهم حاجة متفرتيش في نفسك خليكي قوية واحتفظي بكرامتك وحافظي ع نفسكي علشان لو خسرتي في الاخر متكونش الخسارة غير خسارة شوية مشاعر بس وياما هتشوفي لحد متقبلي نصيبك وربنا يوفقني ويوفقق وكل البناتام
السلام عليكم ورحمه الله وبركاته……….أختى ان فعلك هذا خطأ اولا/ان انتى فى سن مراهقه وان دى مش بتكون مشاعر حقيقيه.ثانيا/ان أغلب الاولاد على النت بيبقوا عايزين بنت يتصاحبوا عليها وانتى تضمنيه منين ؟.
أختي العزيزه…….ف الحقيقه هذه مشكلة الكثيرون ممن هم من البنات وفي نفس عمرك تقريباً زاد العمر أو قل
وأري أنه عليك خطأ لأن ظروف بيتك وبيئتك هي التي وضعتك في هذه الظروف…..ولكن
أري أنك ما زلت في البدايه……وسوف يكلمك الكثيرون غير ذلك الشاب….سواء بدأت أنت أم هو…ولكن…..ف النهاية سيحدث ككثير من قصص الحب التي نعيشها هذه الأيام
بالعربي كده لما يزهق منك هايدور عاللي بعدك….وهايفضل علي هذا الحال الي ما شاء الله
بس بصي لو كان بيحبك كان حافظ عليكي…..ازاي…؟؟؟—-يحافظ عليكي انه مايكلمكيش خالص من الاول……زوعندما تبلغي سن الزواج , يأتي الي أهلك ويطلب يدك
وده أحسن ميت مره من انكوا تكونو في الضلمه…..صح ولا لأ
بس هو لو عادي معاه الكلام ده…..وكان محترم وكويس جدا ….عمره ما هايفكر يكلمك….لأنه راجل محترم
ولو حد كلمك…………تعملي ايه
بصي.,,.,.,المصاصه المفتوحه الذباب بتلم عليها
أما المصاصه المغلفه ,,,,أكيد انتي عارفه الكل بيبصلها ازاي….الناس كلها عارفه ان المصاصه المغلفه حاجه طعمها جميل وحلو والكل نفسه يأخذها ويأكلها….أما الغير مغلفه….الكل سيبعد عنها
فأيهما تريدين أن تكوني ……؟
وكمان هذا من النحيه الدينيه والله يعلم أنك تعلمين أن هذا لا يجوز
فنصيحتي لك:”الصاحب ساحب”
حاولي تتكلمي من بنات ممن هم في نفس عمرك وممن هم أكبر منك سناً
وشوفي اللي انتي بتحسي انك بتستريحي معاها وبتطمني ليها وقبل كل ده بتثقي فيها وتكون كويسه طبعا……حاولي تتصاحبي عليها…….هيا تحكيلك وانت تحكيلها
وكمان تحلو مشاكل بعض……..عشان انا تعبت من الكتايه بصراحه…..^__^ بهزر ع فكره اوعي تزعلي
المهم أرجوا انك ما تفكريش ف الحاجات دي وانك تبعدي عن كل من يحاول انه يتعرف عليكي
اه ..زبالنسبه لمامتك…….دي حلها بسيييييييييييييط خالص
هيا عصبيه شكل كل امهات اليومين دوووووول….أنا كدا بردوا مامتي بتبقي عصبيه أوقات
بس لما عرفت ايه اللي بيعصبها أو بيعصب الأمهات عموماً…..عرفت وقدرت وماعدش بزعل…..عرفت ان الهموم اللي هما شايلينها كتيييييييييييره جدا وهما بيشوفو ف اليوم حاجات كتير…..ف لازم نعزرهم
وكمان انا كلمت ببايه علي ماما انها بتزعقلي وكدا يعني ….وتخليني متضايق
فهوا كلمها….والحمد لله الوقتي عدنا فاهمين بعض شويه
لا فى حب على النت مين قال هو علشان من على النت ميبقاش حب انا اتعرفت على حبيبى على النت وحبيته جا واهو بيعشقنى وجى وتقدم وخطوبتنا قريبه المشكله مش فى النت المشكله فى الشخص نفسه جد ولا لعبى
الله يكون فى عونك ….. امال انا اعمل ايه انا بحب وحده مبشوفهاش الى مره فى الاسبوع وانا مكسوف اقولها انى بحبها بس ببوصلها بحس الى هيه بتحبنى اد منا بحبها ومعرفش هيه بتحبنى ولا لاء قوليلى انتى اعمل ايه
عزيزتى الحائرة..يبو انك مرهفة الحس وحساسة الى ابعدالحدودو هذا واضح جذا فى رسالتك وهذه الاحاسيس تجعلكى تنجرفى بشدة فى تيار من تحبى وات دل فانما يدل على انك طيبة القلب وتحبى باخلاص وهذه الصفة ليست عيبا فيكى بل هى ميزة كبيرة ولو توافرت فى كل البشر لعمر الكون وانصلح حال البشرولكن هيهات ياعزيزتى فقد تلوثت نفوس البشر واصبحوا يستغلون من هم فى طيبتك واخلاصك فى الوصول الى اغراضهم الدنيئة مما ينذر بالخطر واعداد العدة لصد هذا الخطر ولكن الكثير يقع فريسة لهؤلاء البشر منعدمى الايمان والضمير ويشعرون وفى هذا يشعر الضحية بالخطا والندم ولكن بعد فوات الاوان.وعندما قرات رسالتك اشفقت عليكى من طيبتك الزائدة وحسن نواياكى التى لو لم تسيطرى عليها فانها سوف تقودك الى مالايحمدعقباه ولكن الحمدلله انكى تشعرى بالخوف والمسئولية تجاه تصرفاتك بكل الحذر وهذا يدل ايضا على انكى انسانة واعية وهذا طوق النجاة لكى من اذناب البشر اللعين.ارجعى الى صوابك وفكرى بعقلك وتاكدى انه ليس هناك حب بالانترنت والموبايل فكل هذا هراء واستخقاف بالعقول واحد الوسائل التى يتخذها اصحاب النفوس الشريرة في الوصول الى اغراضهم الدنيئة واصطياد اكبر عدر من الفرائس والدليل ان الشحص الذى تحبيه على النت يعرف واحدة غيرك بل انا متاكد انه يعرف المئات وربما الالاف.فى النهاية راجعى نفسك وتمسكى بحبل الله وارجعى اليه وادعى فى صلاتك ان ينجيكى من كل شر.والله الموفق.
اختي العزيزة لا تشغلي بالك بهذه الامور فمشكلتك بسيطة وليست بالمشكلة المعقدة ولا تؤمني ولاتصدقي ابد ان هناك حب على النت لان الكل يكذب ولا يصدق القول بالتالي لاتهتمي ولاتخافي وبما انك اخبرتي امك ماذا فعلت وسامحتك فاذا مشكلتك حلت وانتهت