مشاكل الشباب مع البنات

بتحبني على النت ومش عايزاني اتقدملها

سلام عليكم
في البداية كنت بدخل شات اتناقش واتعرف علي ناس لحد ما في يوم كنت في كونفرانس مع ناس اصحابي واتعرفت علي بنت عرفت انها تحفظ 22 جزء من القرآن الكريم وانها طالبة في 3 هندسة وعجبني فيها انها حافظة لجزاء من القرآن المهم اتعرفنا علي بعض وكنت بحاول اتقرب وهي عملت انها مش واخدة بالها لحد ما في يوم لقيتها بتضيفني وعرفت بعد كده انها كانت بتابعني من بعيد لبعيد عن طريق صاحبتها واللي كانت اخت مقربة ليا جداُ بعدين سافرت لظروف شغلي فوجدتها باعتالي رسايل تسال عني بادلتها الرسايل واتقربنا من بعض
لدرجة اني كنت بسهر معاها وهي بتذاكر وانصحها تبطل الشات ده وتنتبه لمستقبلها المهم فضلت اسئلها عن عنونها او اسم والدها اور رقم تليفونهم مش عايزة تجاوب , طيب وريني صورتك برده لاه , والدها مسافر لدولة عربية ووالدتها واخوتها قاعدين معاها في مصر , قررنا اننا نبعد عن بعض , بعد فترة وانا مبكلمها وبدخل انفيزابل لاقيتها بعته رسالة وبتقول انها بتعيط ومش قادرة تبعد , صعبة عليا رجعت تاني اكلمها بس انا عايز اتقدملها وبشكل رسمي كل مرة تطلع بحجة انها ناقشة الموضوع في البيت واهلها رفضوا فكرة الجواز علي النت , اتعلقت بيها كل شوية تدخل تقولي متسبنيش واحلف اني مش هسيبها طيرت النوم من عيني فاكرها علطول , جت في يوم وقلتلها طيب ايه الحل قالتيلي انا بحاول قلت وانا هستني بعدها عرفت ان والدها تعب والدتها سافرت ليه , هي عايزة تقابلني ومش عايزة توريني صورتها بتقولي عايزة اشوف رد فعلك ايه لما تشوفني بصراحة انا شايف ان ديه خيانة لابوها وامها اللي المفروض اني هتقدم ليهم واصرحهم بالموضوع وطبعاً مينفعشي اقابلها , قالتيلي يبقي انت بتهرب مني قولتلها ممكن اشوف صورتك اقابلك لاه قالتيلي وانا مش هوريك صورتي غير لما تقابلني , بصراحة رفضت عرفت البلد اللي هي ساكنة فيها بروح ازور صديق ليا جمبهم بس مبقولهاش بس مش عارف مكانها فين بالظبط في المدينة انا كلمت صديقي اللي في نفس بلدهم بس قالي البلد كبيرة ولازم اسم والدها وعنونهم وهو يسالي عنهم , بصراحة انا فاتحت والدتي ووالدي في الموضوع وصارحتهم بكل شئ , بس المشكلة انها مش عايزة تديني اي بيانات عنها خالص انا عارف كليتها اللي هي اتخرجت منها بقالي سنتين ونصف اعرفها وولا مرة قابلتها مش عارف اعمل ايه مش عايز اسيبها , هي بقالها اسبوع مبتكلمنيش قالتلي انا مش هعرفك اكلمك علشان اهلي بس لو جتلك في يوم اوعي تقفل بابك في وشي , انا بجد محتار دورت في كليتها علي اسمها الاول علشان اقدر اجيب اسم والدها عن طريق النتيجة مش عارف اوصل , دماغي هتنفجر طول اليوم بفكر فيها ومش عارف هي عاملة ايه دلوقتي يا ريت حد يفدني !!!!!!! وبشكر كل القرأ اللي هيحاولوا يساعدوني

مشاكل وحلول ذات صلة

اضيف بتاريخ: Sunday, April 24th, 2011 في 11:03

كلمات مشاكل وحلول: , , , ,

10 رد to “بتحبني على النت ومش عايزاني اتقدملها”

  1. قلبى اتكسر
    12/12/2012 at 23:01

    ارجوكم بلاش تظلموها لانى انا كنت فى نفس موقفها ده وحبينا بعض اووووووووى جداااااا على النت وطلب منى بدل المره مليون انه عايز يجى عندنا البيت ويتقدملى وكلم اختى وقالها انه هيجيى هو واهله وانا رفضت رغم انى بحبه جداااااا لدرجه انى كل يوم بموووووووت فى البعد عنه عارفين ليه علشان انا مش جميله وهو كان متخيلنى جميله شوفتوا الموقف صعب اوى عليا ازاى صعب اوى لان ربنا هو اللى خلقنى كده وده مش ذنبى وعلى فكره قلتله انى مش حلوه قالى بحبك على اى وضع بحبك بس خفت لما يشفنى يغير رايه علشان كده سبته وانا بحبه جداااااا ولحد دلوقتى والله العظيم بحبه اوى ارجوك حس بيها وحاول تفهم هى ليه بتهرب منك وارضى بيها على اى وضع وبلاش تكسر قلبها حرام عليك يعنى لو هى مش جميله او عندها اعاقه مثلا هى ايه ذنبها هى مش انسانه وبتحس وعندها مشاعر قدر مشاعرها ربنا يكرمك انت وهى ياااااااارب

  2. هبه
    20/05/2011 at 01:36

    طب مايمكن هي مثلا شكليا مش حلوه فعلشان كده رفضت توريك صورتها وقالت اقابله احسن من انه يشوف صورتي ويسبني علشان هي ممكن تكون حبيتك وخايفه من موجهتها ليك وبعدين المفروض تفهم دي كلامها باين اوي لما قالتلك عايزة اشوف رد فعلك ايه لما تشوفني وبصراحه يعني افهم بقي

  3. سيف الدين (صاحب المشكلة)
    28/04/2011 at 04:57

    بشكر الناس كلها علي مشاركتهم ليا انا بعد ما كنت سبتها رجعت تاني ليا قالتلي انها بتبكي بالدموع من ساعة ما سبتها بصراحة حسيت اني ظالم المهم انها رجعت دلوقتي تقولي ان مامتها رجعت واّني مليش جحة يعني ممكن اروح اشوفها بس انا قلتلها علي الاقل ماما تكون عارفة انتي رايحة فين فقالتلي لاه بصراحة قلتلها ماشي هاجي اشوفك ردت قالتلي انت ايه اللي خلاك تغير موقفك يعني مش عارف لا كده عاجب ولا كده عاجب المهم قالتي ظبط يوم وقولي قولت تمام وسابتني ومشيت قالت ان مامتها بتكلمها تاني يوم قولتها انا جايلك يوم شم النسيم قالتلي لاه مش هينفع انا قلت يعني يوم اجازتي وقالتلي انها كلمت ما متها ورفضت الموضوع خالص وانها منعت عنها الكمبيوتر وانها بتكلمني عن طريق الموبايل بصراحة بفكر اروح الجامعة بتاعتها واعرف عنها كل حاجة عن طريق اسمها الاول وحاجة تانية انها كانت واخدة الثانوية بتاعتها من دولة عربية هو شايف انها مخاطرة بس لابد منها علي الاقل استريح شوية بفكر اجبلها هدية هي كانت بتكلمني انها نفسها في لاب توب بس انا بقول اجبلها هدية عادية يعني اللاب ده بعد الخطوبة لو حصل نصيب زي اصحابي ما بيقولولي مرميش فلوسي زي اللي بيشتري سمك في ميه مش عارف بس انا اللي في دماغي بقوله يمكن غلط ممكن ويمكن حبتها اكتر من اللازم معرفشي بس طريقتها شداني اوي لدرجة اني متخيلشي يوم مكلمهاش بتبعد كتير مش عارف لمجرد تلميح اني ممكن اني اقابل مامتها بس هي تديني العنوان بتقولي بابا ممكن يخرجنا برة البلد يعني شايف ان وما نيل المطالب بالتمني ولكن تاخذ الدنيا غلابة ان شاء الله ناوي اروح الكلية بتاعتها واتوجه لشئون الطلبة بس بفكر بقصة اقولها علشان اقدر اقنعهم وعلي الاقل اشوف كشوف اسماء الدفعة اللي اتخرجت ربنا يسهل يارب ان شاء الله

  4. مجروحه
    27/04/2011 at 18:21

    بص المشكله مش كبيره انت خايف عليه وهى مش خايفه على نفسها هى وثقه فيك وعايزه تقبلك وتعرفك شكلها روح قبلها احسن واكيد هتعرف قدر حبها ليك وانت كمان علشان تعرف اذا كان حبك هيكمل بيها ولا لا احسن قبلها واكيد هتعرفه اكتر ربنا يوفقكم

  5. نانا عزت
    25/04/2011 at 18:41

    يخرب بيت النت وسنينه نصيحتي ليك انساها ممكن تكون متزوجة وبتضحك عليك وممكن تكون من ديانة اخرى وبتضحك عليك وهناك قصة نشرها بريد الجمعة عن شاب تعرف على فتاة على النت وبعد ان اوقعته في حبها اكتشف انها متزوجة
    عالم النت مملوء بالنصب
    اذا كانت صادقة كانت فتحت الكاميرا لتعرف انها صادقة مجرد ان تعرف انها موجودة وليس لممارسة اشياء محرمة
    هذه البنت نصابة ومن الممكن ان تجعلك تنتحر
    في امريكا تقمصت سيدة دور شاب وخدعت فتاة على النت ثم تخلت عنها فانتحرت الفتاة وتم محاكمة السيدة
    في النهاية ربنا يوفقك وتنساها

  6. رانا
    25/04/2011 at 16:12

    روح قبلها اكيد هتبان من عنيها واجها قولها انت ليه رافضه اننا نكون رسمى شوف هتقولك ايه قولها انا بحبك بجد عشان كده فكرت فى الارتباط انا ممكن ما كنتش قولت كده وكنت اتسالى بيكى حسسها بانك شاب روش ومؤدب وتقيل وما تحسسهاش انك هتموت عليها حتى لو كنت كد بس لو ما لقتش منها استجابة يبقى مش بتحبك وما تزعلش على اللى باعك وربنا يوفقك

  7. ام عمار
    25/04/2011 at 15:36

    ايه المشكلة انك تشوفها جرب وشوف ايه النتيجة وليه بتعتبر لما تشوفك خيانه لابوها وامها امال كلامكم من الاول مع بعض يعتبر ايه لازم تشوفها عشان تستريح لانك ممكن تغير رايك خالص لما تشوفها ويكون رد فعلك غير المتوقع ولا يكون ليك نصيب فيها اصلا واديك شايف الزمن الزفت اللي عايشينه مفيش حاجة فيها تقاليد ولا عادات ومفيش حد بيتجوز بنظام زمان انا اصلا لا احبذ زواج النت نهائي والله الموفق

  8. amr elmekawy
    25/04/2011 at 07:54

    شوف يااخى طالما انت نيتك منها جواز وخير يبق انت جد وهى طالما عايزة تقابلك ومش عايزة توريك صورتها يبق اكيد على عكس ماانت متخيلها لو انت حبتها بجد زى مابتقول وفرضا لاقيتيها سمراء اللون او بها شئ اعزنا الله جميعا ماذا ستفعل حينها ؟ مش هتقدر تحب انسان مجهول الهوية او انك تكتفى بحبك ليه عن طريق الكتابة فقط او حتى المحادثة صوتيا فقط لانك بتتخيله حاجة والواقع حاجة تانية خالص الحل الامثل ليك انك تبعد تفكيرك عنها وتنساها وتاكد انها تخفى حاجة عنك طالما انها مش عايزة تفيدك ببيباينات عنها مباشرة من الممكن كانت واخدة الموضوع هزار معاك ولما لاقتك متعلق بيها حبت تبعد عنك بطريقة غير مباشرة وطالما انك بتقول انها هى اللى بترجع فعيش حياتك بشكل عادى وعندما تعود مرة اخرى اعرض عليها حلين اما ان تعطيك بيانات عن والدها لتتقدم لها رسميا وتشرح لهم الاسباب او تتركها نهائيا حتى لاتتعلقوا ببعضكم اكتر من اللازم ومن المرجح ايضا لها ان اهلها لو علموا بشئ من هذا يثوروا عليها لذلك هى خائفة من هذا ولا يوجد حل تالت اذا عادت اقنعها ان دى اول مشكلة هتواجهكم ولازم تحلوها وماتهربوش منها والواضح من كلامك انك مستعد للمواجهة اما هى فخائفة من شئ ما فلا تحاول ان تشغل بالك اكتر من اللازم معها من الممكن اخى ان يوجد حل افضل لدى البعض من اخوانى واخواتى ولكن بعد ماقرات مشكلتك فلم اجد لها حلا سوى ذلك

  9. Batates
    24/04/2011 at 21:44

    ياعنى خلالالاص بنات الدنيا خلصت معرفتش واحده غير من على النت و بقيت تحبها من غير ماتشوفها هى لو بجد وخداه الموضوع مثلا جد او واثقه فيك على الاقل هتوريك صورتها ماشى خايفه وكل حاجه و انا معاها بس خلاص بما ان انتم ياعنى زى مابتحكى كدا حبتو بعض و ياعنى بلالالاش الصراحه القاتله دى مش لازم تقول عرفتها من على النت ياعنى اتنازل عن دى اذا كان انا حبيبى عرفته من النادى و بفكر اقول ايه لبابا عرفته ازاى عشان مايقولش حاجه مع انى فى الاخر هقوله الحقيقه بس ياعنى ممكن تكون فى الاخر شكلها مايعلم بيه الا ربنا و متضايقش حالك سلالالالاموز

  10. loma
    24/04/2011 at 19:27

    يا يابنى انت واجع دماغك عالفاضي مالاخر دي لو عايزاك كانت وافقت انك تتقدم لها بس سوري دى بتتسلي بيك

اترك رداً أو حلاً لهذه المشكلة