الحب على النت

ضميري بيأنبني خايفه اكون لعبت بيه

انا عمري 14 سنه عملت اكونت ع الفيس بغير اسمي ومكاني وكلمت ولد عنده 16 سنه

وبعدين اعدنا حوالي شهر نتكلم كلام عادي وبعديها قفلت الاكونت وقولت مش هفتحه تاني
ورجعت فتحته تاني وكان بعتلي رسايل بيسأل عليا وكدا
ورجعنا نتكلم
وكان بيحكيلي كل مشاكله وانا كنت بحلهاله وكان بيفرح بكدا
وبعدين قالي انه بيحبني وانا قولتله متكلمش ف الموضوع دا واتاسفلي وقالي انه مش هيكلم تاني ونرجع نتكلم صحاب عادي قولتله ماشي
وبعديها قولتله ع اسمي الحقيقي زعل ف الاول وبعدين بقا عادي
وبعديها فضل يلمحلي انه بيحبني تاني بشكل واضح خالص وانا كنت بغير الموضوع وبعدين حسيت ان ال بعمله دا غلط وانا كدا بلعب بيه روحت دعيت ربنا وسالته اذا كان دا صح ولا غلط وحصلت اشارة كدا ان دا غلط وكنت هقفل الاكونت وقولتله بس هو رفض واعد يتحايل عليا وصعب عليا فقولت هكلمه تاني
وبعدين مرة لمحلي تاني وانا بغير الموضوع قالي انا زتعبت منك والله وهقولك ع حاجة مكنتش عايز اقولهالك انا روحت حللت وطلع عندي فشل كبد
وهو حالته المادية متسمحلوش يتعالج
طبعا انا اصدمت وساعتها قولتلو اني بحبه
مش عارفه هي طلعت مني ساعتها كدا ع اساس انها هتخففه يعني !!!
فرح طبعا
وبعديها بيوم قالي انتي مش بتحبيني وقولتي كدا لما عرفتي تعببي ؟ قولتله لا
واعد يسألني وقالي انه مستغرب انها جات ف الوقت دا
بعديها بيومين حسيت اني بلعب بيه خصوصا انه ف محاقظه وانا ف محافظة يعني مفيش نصيب وخصوصا ان ربنا ارشدني للصح قبل كدا وانا بعدت عن الطريق دا
ف قولتله ان انا هقفل الاكونت بجد واعدنا حوالي ساعتين افهمه اننا كدا بنلعب ولو بصينا للمستقبل مش هنلاقي حاجة ووانا بكلمه قالي انا مش قادر اخد نفسي ومردش بعديها طبعا قلقت الصبح بقا اخته ردت عليا وقالتلي انه تعب وهو ف المستشفى وياعالم يخرج ولا لا مع العلم ان دي تاني مرة من ساعة ما تعب بس المرة دي تفرق عشان انا كنت السبب !! معرفش ولا بسبب المرض !
وطلع بالليل ولما عرفت انه طلع اقفلت الاكونت ودعيت ربنا يسامحني
وحلفت ما هفتحه تاني انا بس ضميري بيأنبني خايفه اكون لعبت بيه عشان هو كان بيحبني خالص
وعمره لا طلب صورة ولا اي حاجة
بس انا مكانش قصدي العب بيه والله
ومكنتش اعرف اني كدا بخلي الوضع يزداد سوء
انا لسه ضميري بيأنبني
ياريت متبخلوش عليا بالرد انا كدا صح ولا غلط !

مشاكل وحلول ذات صلة

اضيف بتاريخ: Sunday, August 10th, 2014 في 13:22

كلمات مشاكل وحلول: , , , ,

15 رد to “ضميري بيأنبني خايفه اكون لعبت بيه”

  1. المقنع
    03/11/2014 at 18:53

    ركزي في مستقبلك واتركي هذه الامور لانك صغيره بالعمر

  2. ابن السعودية
    29/09/2014 at 23:02

    انت زي اختي الصغيرة لازم انصحكي وخاف عليك اللي تعمليه غلط كبير في حقك وحق اهلك وتربيتهم لك حرام عليك ماتخلي الشيطان يلعب بك ويجرك للانحراف والرذيلة ابتعدي عن الشاب نهاية وتاكدي انه يضحك عليك وعايز يخدعك ويسلبك شرفك وكرامتك وفي الاخر انت الخسرانة الوحيدة بصي لمستقبلك اهم لك من اية حاجة واستري نفسك وحافظي على اخلاقك وتربيةاهلك لك وفقك الله وهداك

  3. وفاق
    17/09/2014 at 19:52

    برافو انا بهنيك..انتي اتصرفتي التصرف الصح في انك ابتعدت عن علاقة شفتيها سطحية تماما…بالنسبة لمرضه حتى لو كان صح فديه مش مشكلتك يا بيبي…ما تحمليش نفسك اكبر من طاقتها..طبيعي انك تتكلمي مع بنات او شباب من عمرك و طبيعي انكو تتناقشوا و تتخانقوا و ممكن جدا تلاقي واحد يقولك بحبك و انت لا… انتي مريتي بتجربة كويسة و الوعي اللي عندك كويس … المهم تفضلي على مستوى تفكيرك المنطقي و اللي انت عايزاه مش اللي التانيين عاوزينه
    اخيرا
    سيبك من كل التعليقات البايخة بتاعت انت نونو و مالكيش في الحب دلوقتي و انك عيب تتكلمي مع شباب و كده…كل اللي ردوا تلاقيهم ميتين على علاقة و كلام من الجنس الاخر و مش بيقولوا مكسوفين و قاعدين عاملين من نفسهم منظرين على خلق ربنا
    الكلام ده عن تجربة ..كل واحد بيقول الحب عيب بيكون هو محروم منه
    كل واحد بيقول الكلام مع الجنس الاخر عيب بيكون هو بيعاني من عدم قدرته على التواصل مع الجنس الاخر
    انت بنت واعية تعرفي الصح و تعرفي الغلط و انا بهنيك

  4. لحظة صفاء
    09/09/2014 at 11:12

    يا ماما استفيدي من وجودك علي النت بحاجات اهم من تقضية الوقت مع الشباب والحب عن طريق غير امن

  5. كمال
    01/09/2014 at 08:55

    انا احترمت زكائك في بداية الامر ومن الواضح ان كلامك اكبر من سنك يعني عندك نضوج فكري وقلب حنون يتمالكة الاعصاب ووزع ديني ومع احترامي لكل التعليقات اعلاه لم احد يفهمك ومن الافضل بدون تأنيب ضمير وخلافة انتي حليتي المشكلة من جزورها بقفل الاكونت يبقي الموضوع انتهي وهو ان كان كذاب ام صادق فليعلم به الله ونصيحة استغفري الله ولا تلتفتي الي الوراء ولكن نأخذ من المواقف عبر ولا نكرر الخطاء لان من بني علي باطل فهو باطل التفتي يا ابنتي الي مستقبلة وادعو الله ان يهديكي الي الصراط المستقيم واريحي قلبك وعقلك ولا تعاملي احد من خلف الستار مهما صار .

  6. ناصح
    25/08/2014 at 13:26

    بسم الله الرحمن الرحيم
    مهم اكتب لك هذه الرسالة فيها مجموعة من النصائح لعلها تفيدك
    1-اتقي الله ثم اتقي الله في السر و العلانية فهي مفتاح النجاح
    2-الصلاة ثم الصلاة ثم الصلاة فهي مفتاح السعادة و لا تحبي غير الله من احب غير الله عذب به
    3-حذاري من رفيقات السوء كما يقال الصاحب ساحب إن لم تسحبيه للطاعة سحبك للمعصية
    4-ابتعدي عن دردشة مع الرجال حتا و لو كان سلام فقط فهي خطوة من خطوات الشيطان سلام…. كيف حال… حتا تنتهي بقصة حب و لا يستفاد منها غير عذاب القلب مابني على حرام فهو حرام هذه علاقة الحرام بدايتها سعادة و نهايتها عذاب
    5-حاولي ان تتخلي على الفايسبوك و حذف حساب لقطع الطريق للشيطان
    6-إجعلي الحديث النبوي من ترك شيء لله عوضه الله خيرا منه طريقك في الحياة و احسني الظن بالله انه سوف يخلفك أحسن مما كنتي تظنين
    7-اردعي نفسك عن معصية دائما بتذكر الله ثم والديك الذين وضعوا فيك الثقة
    8- حطي بالك غير في قرايك هي صح و حققي احلامك و مابعدها كله على الله من بعد و من قبل كل شيء مكتوب
    قال الفقيه ابن عثيمين رحمه الله:
    والعجيب أن من طلب عيش الآخرة طاب له عيش الدنيا؛ ومن طلب عيش الدنيا ضاعت عليه الدنيا والآخرة.
    و بقا غير ان اقول اللهم ثبت قلبي على دينك و لا حول و لا قوة الا بالله
    و الله يحفظك من كل سوء و يحقق أمانيك يارب و يرزقك زوج افضل و ذرية صالحة و ينجحك في حياتك
    أرجو منك أن تقرئي حروفي هذه بكل تركيز
    وتفهمي مغزاها جيدا…
    لأني أحب لكي الخير كما أحبه لنفسي .. والله يشهد
    فاحرصي على نفسك وكوني حذرة في تعاملك أمام هذه الشاشة وعالمها الواسع
    إليك هذه كلماتي …
    لا تصدقي ,,, من خلف هذه الشاشة فليس كل ذو ملمس ناعم حرير ..
    وليس كل من لبس نظارة سوداء ضرير .
    لا تصدقي ,,, الكلام المعسول لأنك تعرفين المطلوب والهدف..؟؟
    لاتصدقي ,,, كل ابتسامة فالذئب يبحث عن الحمامة
    لاتصدقي ,,, من قال أريد الزواج فقد كسر الزجاج
    لاتصدقي ,,, صاحب الحاجة فهو ينظر إليك بسذاجة..!!
    كوني ,,, فتاة من الصحوة ,, ولا تكوني فتاة تبحث عن نزوة ..!!
    كوني ,,, على حذر من المنتديات ,ورسائل الماسنجر, والشات .
    كوني ,,, عفيفة طاهرة …
    أختي العزيزة …
    لا تقدمي على أي خطوة بمجرد العاطفة والحب والعشق
    فمن متع نفسه بالحرام فانه يحرم من كمال لذة الحلال
    وتأملي كل تصرفاتك والعواقب المترتبة على. ،؛
    دينك واهلك وسمعتك وعرضك
    كونك في علاقة بشاب أو حتى تعلق من بعيد وفي انتظار رجل أُعجبتِ بصلاحه وتقواه كما يظهر لكِ فكلا الأمرين قد يورثكِ همّا وألما إن لم يرزق لكِ فحري بكِ ألا تمددي في تلك العلاقة ولا تطلقي العنان لمشاعرك وتنتظري فهذا أسلم وأهنأ لخاطركِ وفؤادكِ..

    وإن كان انتظارك له لأنه وعدكِ سرا بالزواج فهذا ليس بأمر رشيد فالمؤمن الصالح يعرف حق ربه ” ولا تواعدوهن سرا” ، فالذي يريدكِ رفيقة دربه لن يعدكِ بشيء في السر لأنه لن يتردد في أخذ خطوة نحو وليِّكِ ليطلب منه يدكِ!

    أوصيكِ أن تحفظي أحاسيسك الرقيقة ومشاعركِ المرهفة وذلك بعدم تعليق آمال على نجم لا تعرفين أيبزغ أم لا ودعيكِ من وعودِ من خالف رب السماء!

    واجعلي هذه قاعدة في حياتك لا تفرحي لبزوغ نجم لكي لا تجزعي بعد أفوله..

    وابتعدي عن أي شيء يجعلك تتعلقين بخلق من الخلائق ، ، فالميل قائم يا صديقتي ولا أحد ينكره فامتثلي لأوامر رب العالمين ولا تحادثي الأجانب كي لا تتركي قلبك عرضة للشيطان واللعب بالأفكار وهذا من أجل التفرغ لفعل أشياء ترضي رب الغفار وتقربك من الجبار ومن جنان رب الخلائق..

    ودعي دائما صوب عيناكِ أن الله جل في علاه غيور على القلوب فلا تسمحي لقلبكِ أن يشتغل بغيره فإن بدأ في التعلُّق فهذه فطرة فينا فالميل قائم بين الجنسين وهنا المجاهدة فاحملي قلبكـِ على ما يكره و وبخيه وفري إلى الله واسأليه

    “اللهم يا مقلب القلوب ثبت قلبي على دينك”، “اللهم لا تعلق قلبي بغيرك”، وأكثري من هذه الأدعية يرحمكِ الله..

    واعلمي أن الله لطيف بقلبك الصغير ، فكيف يتركك تتعذبين وتقلقين على نصيبك وهو الذي حدده لك في سابق الأزمان وأخبركِ جل في علاه بأن لا تفكري كثيرا كي لا تخسري سرور يومك الحقيقي..
    هو يريد أن يسعدك من الآن بأنسه الجميل ويرويك بحبه الدفوق ولكن أنتِ من حرمتِ نفسك القرب من الله ، كوني مع الله ولا تبالي ولو كان همك رضا خالقك سيكفيك كل همك وسيعطيك ما لم يمر ببالك يوما فأبشري بالعوض الجميل من رب جميل.. رب جواد كريم
    ارجوا ان تقرأي رسالتي هذه من الاول و بتركيز
    لتكوني لذئب اغواء بكلام معسول و اعاءه الخوف عليك

    لتكوني ضحية لذئب اغواك بكلام معسول و ادعاءه انه يخاف عليك
    اسأليه اي يحبه لأخته امه و سوف ترين اجابته
    ارجوا ان تقراي نصائحه من بداية للنهاية و بتركيز و علمي ان الله يحبك لذلك ساق لك هذه الكلمات فلا تقابليه بالمعاصي بالتوية

  7. حنان الاسكندرانية
    18/08/2014 at 18:17

    ههههههههههههه يا بنتي انتى لسه نوونه خاالص و مقضياها حب و تأنيب ضمير حرام عليكي راعي مشاعر الكبار اللى لسه ماوصلوش للكلام بتاعك ده … ركزي ف دراستك هى اللى هتنفعك مش الكلام الفاضي ده

  8. سمية
    15/08/2014 at 02:10

    اول شي لازم تتأكدي ازا بيحبك عنجد، وكمان ازا كانت اختو هي اللي حاكتك عنجد… افتحي حساب تاني وحاكي اختو واطلبي رقمها (لتتاكدي انو اختو مو هو) وبعدين ازا عجبك كملو، بس اوعى تحبيه بس لانو هو بيحبك، لانو هاد الحب ما راح يطول

  9. مني
    14/08/2014 at 13:53

    انا هيجيلي شلل عليا النعمه هموت د بيكب ليكي فشل ايه وكبد اه ولو اخته اللي كلمك ده هو ياختي اللي كلمك م اخته ام في الحيق الواح
    د مش بيحب اوي كده اوما ورا شاشه كدابه ايه اللي هيحصل بلا نيله انتي لسه صغيره اجري نامي بقا بلا صداع

  10. عبدالله )علم نفس)
    13/08/2014 at 06:19

    بصى فى مقوله بتقول تعب ساعه وﻻ كل ساعه بمعنى هو تعبان يتفاجا بلكلمه دى هيتصدم شويه وبعدها هيشغل عقله وهيعرف انى هو السبب فى اللى حصله
    هيحاول ينسا واحده واحده وربنا يعوضه اما لو كملتى معاه محدش عالم نصيبه فين مثلا مفيش نصيب
    وفجاه حابك حب ملهوش حدود هيحصلو ايه اكيد التعب هيكون مضاعف احياناا الحقيقه بتوجع بس بعد منفوق من الغفله بنعرف فوائدها كويس انك مكملتيش
    معاه على خداع علشان لو حلصه حاجه كبيره هتكونى سبب فيها والله اعلم

  11. ابوبتول
    11/08/2014 at 22:44

    اللي انتوفيه ده طيش مراهقين ولعب عيال الافضل انك تركزي في دراستك ومستقبلك وتبطلي هبل وجنان بنات وهوكمان يهتم بدراسته ويبطل لعب وجنان ولاد وماتصدقيش كل مايقوله لك وربي يسترعليك ويهديك ويبعدعنك ولادالحرام

  12. Eslam
    11/08/2014 at 08:39

    على فكرة ممكن يكون بيكذب عليكى انتى متعرفيش اى حاجة عنة غير من النت بس و ده مش مضمون خاااالص انتى عملتى الصح فى الاول بس غلطى لما كلمتيه تانى ولو كان الكلام ده بجد وطلع تعبان انتى مش ذنبك حاجة فى اللى حصلة وربنا يشفية بس نصيحة متصدقيش اى حاجة غير لما تشفيها بنفسك انا مريت با تجربة زى كدا حبيت وحدة كنت متعرف عليها من النت برضو و حصل مشكلة ما بنا و قلتلى انا هنتحر و انا فعلا صدقت و اخر كلمة قلتهالى انا بموت انا طبعا انجننت و حسيت با الذنب و طبعا اتصلت كتير و التليفون كان مغلق قدرت اجيب رقمها التانى و ردت عليا … مش اى حاجة تصدقيها وابعدى عن الحب خليكى فى درستك احسن عشان مضيعيش مستقبلك

  13. محمد
    11/08/2014 at 02:10

    بسم الله الرحمن الرحيم
    اختي في الله اذا حضرتك استخرتي ربنا يبقا ربنا ان شاء برحمته هيرشدك للصح
    ياريت اختي ما تعاوديش كلام شباب على النت و استخيري ربنا في كل موقف تشكي فيه و اوعي تستخيري و تعملي عكس الاستخاره

  14. mirOo
    11/08/2014 at 01:19

    بصي من الآخر كداا مفيش حاجه اسمهآ حب ع الـنت تماام ! وكمان ممكن يكون بيكذب عليكي و انتِ مش عارفه ، اصل انت لما تحبي ع النت هتبقا في مشاكل من ضمنهاا انك بتخوني ثقة اهلک فیکي و ان دا في حد ذاته عيب و هيخلي ربناا يغضب عليكي ‎:/‎ ، لو فكرتي ب’المنطق كداا ان ممكن يحصل نصيب و فعلاا تشوفيه ! الله اعلم اكيد ربنا لو عايز كداا دا هيحصل ، و اكيد مقدرش اقولك مكنش مفروض تعملي كداا ، لان دا حصل ، انا شيفه انك لما قفلتي الاكونت دا حل صح بس انك هتتعذبي لانک کنتي بتحبيه حتى لو ع النت ، قولي الحمدلله و حولي تبعدي عن النت و خلي اي حاجه تبعد عنه مثلا العباده ، ربنا يوفقک و یکون فی عونک

  15. بدون عنوان
    10/08/2014 at 20:45

    ههههههههه ههههههه 14 سنه و16 سنه حرام عليكى يا بنتى ركزتى فى مزاكرتك وحياتك ومستعجله اوى على الحب والكلام ده كده ليه هههههههههه ال لعب بيه ولعبت بيه كل ده كلام فاضي فاضي فاضي خصوصا حب الفيس ده الشباب اصلا بيدخلوا يتسلوا بالى زيك وبيبقوا عرفين انهم ولاد ناس وعرفين الطريقه والحيل الى بيعملوها

اترك رداً أو حلاً لهذه المشكلة