بحب شاب بنحب بعض بقالنا سنة بحبه جدا
هو بيشتغل في السعودية وعدني يخطبني بعد معرفنا بعض بشهرين وحصلت ظروف انه ساب شغله وكان متصور هيلاقي شغل بسرعة بس ملقاش وانا صبرت وقلت مش مشكلة وهقف جنبه وهتسنى بس اتغير عليا وسابني ورجع صالحني ورجبع تاني سابني وقالي مش هينفع نكمل وجرحني جامد ورجع تاني كلمني صالحني وقالي انه كانت ظروفه وحشة جدا وانه جالو شغل وسافر على طول وبعدين طلع غير الاتفاق واتبهدل وسابهم كلمني من السعودية وقتها وقالي نازل مصر بكرة
ومنمتش اليوم ده واول مجي مصر تاني يوم لقيته بيقولي انا كويس ومفيش داعي نتكلم تاني قفلت من غير متكلم ولا حرف وسكت وتعبت اليوم ده وقلت مش هسامحه تاني ابدا
بعدها كلمني واعتزر وفضل يقولي بسبب الظروف والضغوط وان مفيش شغل والفلوس بتاعته خلصت وعليه قسط شقة وضغوط وانه كان خايف يظلمني بس هو بيحبني ومش ممكن يتجوز غيري ولا يبعد عني وهيعيش يحاول يسعدني وانا سامحته واتحملت وقلت لازم اتحمل ظروفه واقف جنبه مينفعش اتخلى عنه وبقيت ليل نهار ادور على شغل ليه وابعتلو الاعلانات
وقلتلو خلاص مش مهم الخطوبة غير وانت في شغل وانا معاك وهستناك وهقف جنبك وهصبر
وبعدين ربنا كرمه ولقى شغل واتفقنا قبل مايسافر يجي يكلمهم في البيت وبعدين رجع في كلامه قبل السفر وقالي انه مش هيقدر وهو مستلف تمن التذكرة وميعرفش الظروف ولا هيحصل ايه هناك هتقدري تصبري اظبط اموري وتستني سنة لما ارجع
قلتلو حاضر وهصبر
سافر وكنا كويسين والشغل طلع كويس والدنيا تمام واتقدملي عريس ورفضته من غير حتى مقولو وبعدها بشوايه اتقدملي عريس تاني كان عدى تالت شهور على سفره قلتلو على العريس التاني كان في ضغط عليا جامد وبرده رفضته وهو كان فرحان اني رافضت العريس وقالي انه بيحبني وعمره ماهيسبتي
وبعدين طلبت منه طلما الامور بداءت تتظبط يكلم اهله في البيت عني لو ينفع ولدته تيجي ويكون في تعارف وكده
قالي طيب وحاضر وانه هيعمل كده قلتلو وقت متحس انك قادر تكلمهم وممكن تمهد الموضوع وكده
وبس بعدها قالي رايح يعمل عمرة وكل الطريق بنتكلم تاني يوم مبيردتش من يومها مبيردش تعبت وكنت بموت افتكرت جرالو حاجة بس طلع كويس وهو اللي مبيردش عليا متعمد بعتلو حسبي الله ونعم الوكيل ومنك لله بيشوف كلامي مبيردش بعتلو اني مش عارفة اعيش موجود في كل مكان وكل حاجة حواليا في كل افكاري برده مردش مبيردش
خالتو بعتتلو رسالة اني حالولت اموت نفسي علشان تثبتلي انه كويس وفعلا طلع كويس وبعتلي رسالة ان كده حرام وانه هيدعيلي ربنا يصبرني ومفكرش يتصل
مش عارفة اعمل ايه اللي معزبني هو عمل كده فيا ليه
انا معملتش حاجة غلط كنت ليل نهار بدعيلو وصبرت على ظروفه كلها ليه عمل كده فيا
هو المفرود انه يعرف ربنا كل كلامنا كان باحترام وحب
مش عارفة الغي اي حاجة توصلني ليه واحاول انسى ولا احاول اعرف عمل كده ليه بقول ممكن عنده ظروف تاني هو كان بيبعد لو عنده ظروف وبيفكر بوجه نظره هو وبس وياخد قرار مع نفسه
خايفة يكون محتاجني وساكت وبعد علشان ابعد برده علشان عارف ان لو عنده ظروف مش هبعد عنه
وبرده عارف انه لو كان اتكلم معايا وقال نبعد كنت هبعد من غير حتى ما اعاتب وهكرهو
معرفش ليه انسحب كده من غير لو حرف هتجنين
مش بعرف انام مجروحة وحزينة وصعبان عليا اني قلبي مش مطاوعني حتى ادعي عليه لا اكون بظلمه ويكون عنده ظروف
انا اسفة طولت عليكم بس محتاجة حد يقولي اعمل ايه
والله العظيم حبيته بجد وبصدق وكنت براعي ربنا فيه في كل ثانية كنت بنام واصحى ادعيلو كنت بفكر بس في هو مبفكرش في نفسي
عايزة اعرف عمل فيا كده ليه
الحب قبل الزواج
صبرت على ظروفه فقطع الكلام معايا
اضيف بتاريخ: Thursday, December 31st, 2015 في 19:36
كلمات مشاكل وحلول: الحب, الزواج, بنت, شاب, عريس
بسم الله الرحمن الرحيم – أنتي إنسانة حنونة جدا وأعتقد أنك ستتعبين جدا في حياتك بسبب قلبك النظيف وحنانك الكثير- أنتي استنفذتي معه كل الطرق والكباري لكي يخطو خطوة واحده نحو أهلك ولكنه لايهتم وتلتمسين له الأعذار وتخافين على مشاعره وبتيجي على نفسك كتيروأنا أحيي فيكي هذا الوفاء العظيم لكن سؤالي :
على ماذا كل هذا وهوعايش في الإزازه
هههههه مش عايز يخرج منها ويتخذ خطوة شفهية لكي يخبر والدته بالذهاب إليكم وإظهار كرامة أو حفظ ماء الوجه وهو مش عايز يتحرك –
فإما أنه غير جاد ويخاف من مسئولية الإرتباط أو انتي أصلا مش في دماغه ولا في حساباته لكن كلامك بيقول أنه متجاوب معكي شفهيا وبالكاد ولهذا أنا احدثك بكل حياديه عن الشاب المغترب فالغربة تسيطر على الشاب بطريقة محكمة ولا يستطيع المغترب التواصل مع أهله وزويه في وطنه الأم وأنا مجرب دا كويس جدا – ولا أستطيع أن أطالبك بمضاعفة الإخلاص أكثر مما لمسته في شكواك – فقد أخلصتي إخلاصا لو علمه فتاك لترك الدنيا ومافيها وعاد إليكي حالا – وهو لم يتعمد أن يعمل فيكي كدا لكن أكيد ظروفه مخلياه مش مركز في حاجه – ونصيحتي هي : لو ازداد إهماله لكي وافقي على أول عريس يتقدم لكي إذا كان مناسبا – فلا وقت للوفاء بعد كل ما بذلتيه ولا مكان للتضحية بعد كل اللي ضحيتي بيه – أنتي عملتي اللي عليكي والدنيا مش هتنتهي يعني لو لم تتزوجي غيره – شوفي مصلحتك والأيام كفيلة بأن تنسيكي آلامك
شوفي يااختي الغالية مش عاوز اجرحك بكلامي ولااقسى عليك كفايك اللي شفتيه من هذالشخص الاناني والغير محترم ولامقدرمشاعرالاخرين ابغاك تسمعينى للاخر وتحطي كلامي حلق في اودناك وتنفيذه بالحرف الواحد عشان مصلحتك وسعادتك اولا- تقطع علاقتك به فورا وبدون تردد ولانقاش ثانيا- ماترديش على اتصالاته نهايئا والافضل تغيري رقمك وتلغيه من كل حياتك للابد ثالثا- تاكدي انه شخص سافل وحقير واناني وعديم الاحساس والمشاعر وعمره مش هيعرف يحبك ولايقدرمشاعرك وتضحياتك اللي عمليتهاعشانه رابعا- شافك ملهوفة عليه وفتكرك رخيصة وماعندك كرامةولاعزةنفس فتمادى في اذلالك واهانتك دي هي الحقيقة خامسا- فكري في مستقبلك وارمي الماضي وراءظهرك وانسيه خالص واقبلي باول عريس يتقدم لك وارضي اهلك وعشي حياتك مثل بقية البنات وليه تحسروالندم على واحد مايستاهلكيش والف من يتمناكي ياست العرائس وخليه يغور من حياتك نهاية واحمدي الله وشكري فضله انهاجات على كدا لانوربنا يريد لك الخير وهتلاقي ابن الحلال الصالح اللي فعلا يستاهلك ويقدرمشاعرك وتلاقي معه كل السعادةوالهناءوراحةالبال في حياتك