انا مرتبطة بشخص بقلنا 4 سنين بس مفيش حاجة رسمية لسه و أهلى عارفينه الأيام اللى فاتت اتغير اوى و بقى بيعمل حاجات غريبة و بيتعرف على بنات مش كويسة و ينزل يسهر معهم و يكذب عليا .. و انا اكتشفت كل دة و جهته أتجنن منى و مصمم ينكر غلطة .. أنا بحبه جداً بس اللى عمله جرح كرامتى حسيت بأهانه .. كل ميكلمنى يقول لى أنتى البنت اللى هتجوزها و محافظ عليكى كل الشباب بتعمل كدة ولما أقول له اية اللى انت بتقوله ده يقولى لا انا بقولك الشباب بتعمل آيه و انا بعمل آيه علشانك .. كلامة متناقد يعنى انا بقول له انت كداب يلف و يدور .. قلتله انا هسامحك بس تشيل ارقام كل البنات دى و تقطع علاقتك معهم .. قال لى انا محدش يقول لى أعمل اية و معملش من نفسى .. صدمني عشان الموضوع متعلق بكرامتى و هو بيتكلم بأسلوب غريب .. كلمنى بعدها قالى هسيبك تفكرى قبل متاخدى اى قرار .. هو مسافر دلوقتي و جاى قريب بيكلمنى و مش برود علية عشان حسّيت كلامى معه ملهوش فايدة هو عنيد و متسلط و مش عايز يعتزر .. ” عايزة أعرف لما يكلمني أقول له اية عايزة يعتزرلى و مش عايزة ابعد عنو بس عايزة يحس بقمتى و يتغير ”
أرجو المساعدة شكرًا
يابنت الناس والله العظيم هذا الولد الكلب مايستاهل الجزمة بتاعك مستغرب بعد كل اللي عرفتيه عنه وانه بتاع بنات ويتكلم معهن ويخرج ويسهر معهن وبرضو تتكلمي معاه مافيش عندك كرامة ولاعقل خلاص مش عايزه تفكير ياماما شييله من حياتك كلها وابتعدي عنه فورا وخليه يغور في داهية نشا الله مايرجع ولايحصل خير في حياته انت جوهرة اصيلة عايزه اللي يحافظ عليها ويصونها ونشا الله ربنا بيكرمك بابن الحلال الصالح اللي فعلا يستاهلك ويصونك ويسعدك في هذي الحياة
حاولي لما تكلميه تاني تفهميه انك مش بتتحكمي فيه او حاجة بس في نفس الوقت حتة انه يكلم بنات غيرك دي بتضايقك لأنك بتحبيه و لو مكنتيش بتحبيه مكنش فرق معاكي في حاجة و مكنتيش هتبقي مخلصة ليه و قوليله ان اغلب اصحابه اللي بيعملوا حاجات غلط مع اللي بيعرفوهم مبيبقاش عندهم ثقة فيهم و بيتسلوا بيهم و خلاص
الكبر وعدم الاعتراف بالخطأ والإصرار عليه دى خطايا ابليس اللى استوجب عليها اللعن, بصراحة لو استمر على كدة يبقى اعملى فى نفسك معروف وابعدى عنه ومتخليش الحب يعميكى. اللى مبيعترفش بخطأه يبقى مش حيحاول يصلح نفسه وحيتجه للأسوء.