الحب قبل الزواج

الحب موجود و الضوابط الشرعية اين هي

السلام عليكم أخواتي و إخواني الأفاضل،
عمري 23 سنة و بكمل تعليم عالي في الجامعة،
هو صحيح الحب بيقولو شعور مش حرام، بس اللي بيتولد من الحب من أفعال و أقوال من غير رابط شرعي و لا حتى خطوبة حرام.
بحبه جدا، و هو كمان بيحبني مع أنه ميقولهاش كتير بس بيعمل كل مجهوده علشان يخطبني الفترة الجاية، أنا فعلا بستناه و برفض كل اللي يتقدمولي علشاتو علشان وعدته أني أستناه، لأني أنا اللي صرحت لحبي ليه من الأول و هو كان ساعتها بيحبني بس مقاليش خاف أني أرفض علشان لسى مكونش نفسه و بيدور على شغل، من ساعتها و حالي حال لأني أنا اللي بادرت بالموضوع، بس هو هون عليا و قالي ده نصيبنا و مع العلم هو و أنا نتكلم بس بالشات و إلتقينا مرتين بس في الجامعة بسبب دراسة و مش حاجة تانية لأنه هو ملتزم و أنا كمان و دي أول تجربة ليا و كمان على حد قولو ليه.
المهم مشكلتي أني قلتلو نكمل نتكلم كده مينفعش و أنت لازم تركز و تبذل كل مجهودك علشان تتقدملي و أنا بستناك، مشكلتي أني قلتلو كده بعدها متحملتش الفراق المؤقت ده و إقترحت عليه نكلم بعض من شهر لشهر نتطمن على بعض، أنا فعلا بشتاقلو أوي و حاولت أشغل نفسي بس معرفتش و دايما بفكر فيه و بعض على أصابعي عشان مبعتلوش رسالة على الفيس و لا في مكان تاني و بشوفو في مناماتي أوي، كل ده صبر و الله بتعذب و خايفة في الوقت نفسه أن تيجي وحدة تغريه في غيابي، أنا و الله مش عارفة أعمل حاجة و كل ما ماما تسألني عنو بعيط، ماما عارفة بكل حاجة و بكل التفاصيل بحكيلها علشان تعرف سبب رفضي للي يتقدمولي، أنا بفكر أقولو أنا مش عايزة المهر، مش عايزة منو حاجة و تكفيني دبلة بس منو، مش عارفة أصبر أكتر من كده بقا لينا شهر متكلمناش و كأنة الدهر كله، فإزاي رح أصبر لغاية ما يحوش و إزاي كل شهر رح أكلمه مرة وحدة بس؟؟
من فضلكو ساعدوني أعمل إيه؟؟

مشاكل وحلول ذات صلة

اضيف بتاريخ: Monday, December 5th, 2016 في 22:20

كلمات مشاكل وحلول: , , ,

3 رد to “الحب موجود و الضوابط الشرعية اين هي”

  1. بلبل
    20/12/2016 at 10:36

    كل اللي بتمري فيه بسبب الحرام ، مجرد أنك تكلتمي معاه في الحب بدون زواج او خطوبة هذا معناه حرام ، وتستاهلي اللي يجرالك

  2. ابوالبتول
    09/12/2016 at 16:35

    شوفي يااختي الحب شي عظيم في هذةالحياة اذا كنت فعلا متاكدة من اخلاق الشاب وصدق مشاعره معك فالافضل انه يتقدم لااهلك ويخطبك فورا وتكون علاقتكم ببعض رسمية امام الله والناس لازم تشجعيه انة يبادر في خطوبتك من الاهل وخصوصا انك قلت ان امك عارفة بالموضوع وبعلاقتك مع الشاب وربنا يجعله من نصيبك ويتمم لكما بالخير نشاءالله اما مسالة انكما تتكلموا مع بعض من خلال الموبايل او النت دون رابط رسمي فده هوالغلط بعينه وماحدش يقبل بهذا ابدا اتمنى انك تدركي كل مااقوله لك وتعملي به بالحرف الواحد عشان تحافظي على شرفك وكرامتك وسمعة اهلك والله يسترعليك ويوفقك ويسعدك انشاالله تعالى

  3. علي
    08/12/2016 at 19:32

    عليكم السلام اهلا بك

    اختنا بارك الله فيك واصلي الالتزام بالشرع فان النصر مع الصبر ان شاء الله تعالى ولن يقرب احد مما رزقك الله تعالى فلا مانع لما اعطى ولا معطي لما منع فالتزمي تقوى الله حتى ييسر لك امرك ويرزقك الزواج ان شاء تعالى (اسال الله كذلك ان ليهمني التقوى ويصبرني وانتم كذلك)

    يمكنك تخفيف تكاليف الزواج وحثه على التقدم وقوموا بعمل العقد الشرعي ثم يمكنكم التواصل بعد ذلك والتحضير للزواج.

اترك رداً أو حلاً لهذه المشكلة