انا بنت مصرية من مرسى مطروح بس مولودة و عايشة برة ف اوروبة،ع طول باجي مصر كل سنة في الصيف و ساعات باجي في الشتا. انا حبيت واحد جاري ف مصر كنت كل يوم بأشوفه و هو كان بيشوفني كتير و حب يتعرف علية ف بداءنة نكلم بعض و اتعلقنا ببعض جامد و بسرعة و بقى اقرب واحد ليا لان انا ماليش اصحاب و لا عمري اتعلقت بحد و دايما كنت بعيدة عن اهلي مع اني اتدلعت منهم اوي بس مكنتش متعودة احكي معاهم و كدة…انا الاول مكنتش عايزة أكمل و كنت عايزة أقفل الموضوع عشان كنت خايفة أتعلق بي اكتر لان كان عندنا مشكلة كبيرة بين عيلتي و عيلته كان في مابنهم مشاكل كتير و اهلي و أهله معروفين اوي ف مطروح ف كنت عارفة ان موضوعنا ده كان هيبقى مشكلة ليهم و كان هيترفد و هو برضو كان عارف كدة بس كان دايما يقولي انه هيعمل اي حاجه عشاني و عشان اهلي يوافقو بموضوعنا اما يجي يتقدم و مكنش قادر يسيبني و هو فعلا كان بيحبني اوي و كان بيخاف و بيغير علية اوي و خلاني اتغير من لبسي و كل حاجه بقيت البس لَبْس واسع و اما كنت اخرج مع بنات عمامي كان يمشي ورايا منغير ماشوفه عشان يبقى مطمن علية و كنّا طول اليوم نكلم تلفون مكنش بيسيبني ولا دقيقة. و كان بيحكيلي ع كل حاجه و كان مهتم بتفاصيل حياتي و كل ده خلاني احبه اكتر و اكتر مع ان ساعات كنّا بنتخانق عشان موضوع الغيرة …
قبل ما امشي من مصر باسبوعين حصلت مشكلة كبيرة لان اهلي عرفو أني ع علاقة بي و خدو مني التلفون و اتحبست ف البيت عشان كانو مفكرين أني باقبله مع أني عمري ماقبلتو غير مرة بالصدفة و سلمت عليه و مشيت ….المهم هو مكنش عارف يعملي ايه و مكنش ينفع يجي يتقدم لانه هو لسة ف كلية كمان ابوه مكنش معاه و معرفش يحكيله ع المشكلة عشان حتى يجي يكلم باباية وانا عشان انهي المشكلة قولت لبابا أني مش هكلمه تاني و هنهي الموضوع لانه قالي ان هو مرفوض تماما …المهم خدت تلفوني تاني ورجعت اخرج عادي و قولتله ان مينفعش نكمل و لو لينا نصيب نكون لبعض هيحصل بس هو مكنش قادر يسيبني و قالي انه هيفضل يحارب أهله عشان يجوزني وانا الصراحة كنت مستعدة أعمل حاجه عشان نكون لبعض و معرفتش اسيبه و رجعنا نكلم تاني و عشان يسبتلي انه بجد بيحبني كلم باباه ومكنش رافض الموضوع بس معرف يجي يكلم باباية لان كنّا خلاص مسافرين .
علاقتي بي فضلت كويسة و اتعلقنا ببعض اكتر و اكتر مع أني بعيدة عنه بس كنت باحس بوجوده جنبي لانه مكنش بيسيبني خالص و كان مهتم بية و حصلت بينا حاجات كتير بيني و بينه ….بس من شهر كدة ابتدا يتغير معايا اوي بقى قاسي اوي و مكنتش اعرف السبب و قعدت ازن عليه عشان افهمه في ايه لحد ما قالي ان لازم نحاول ننسا بعض و نبعد عشان كان عارف ان كله هيرفض موضوعنا ونا مكنتش عارفة اسيبه و قعدت أكلمه و اعيط و أتحايل عليه انه مايسبنيش لأني حبيته اوي اوي حبيته اكتر من نفسي كمان و كنت يسمع كلامه ف كل حاجه وبَقى اقرب واحد لية …المهم قالي أني لازم أساعده ان ينساني لان مكنش عايز يضحك علية و يكمل معايا و هو عارف ان مستحيل نجوز بسبب اهلي بس انا كان عندي أمل ان اهلي هيوافقو لأنهم عمرهم م خلوني اعمل حاجه خصب عني بس هو قالي ان أحسا كدة و قالي نجرب ع الأقل ننسى بعض و انا ريحته و مكلمتوش عشان يعرف ينساني بس بعد يومين بالظبط كلمني. و قعد يقولي أنه مش هيقدر يبعد و اعتزلي و طلب مني السماح و انا كنت زعلانا منه اوي بس ف نفس الرقط احترمته لانه مكنش عايز يضحك علية و غلاوته زادت عندي أوي ف سماحته و واهدني انه مش هيسيبني مهما حصل عشان كان عارف أني بحبه اوي و هو والله بيحبني و مكنش عايز ف المستقبل بعد سنين كتير اتصدم و ميعرفش يجوزني….المهم رجعنا نكلم تاني زي زمان بس حصل نفس الحاجه من أسبوع بقى قاسي اكتر من الاول و اتغير فاجءة وانا مابقتش فاهماه خالص و مش عارفة اعمل ايه و المرادي مبقاش يقولي حاجه خالص بيكلمني بقسوة و خلاص و يقولي انه معندوش وقت يكلم و كدة ……انا مبقتش فهماه و عايزة اعرف في ايه لانه اقصم بالله مش قدرة اسيبه بقى حياتي كلها و بجد مليش غيره ،ساعدوني !!:،(
الحب قبل الزواج
اتغير معايا بس مش قادرة اسيبه
اضيف بتاريخ: Sunday, April 2nd, 2017 في 07:07
كلمات مشاكل وحلول: الحب, الزواج, بنت, شاب, مصر, مطروح
رأي أخي الانسان الطيب هو عين العقل، وفي حاجة خلت الشخص ده يتراجع، بس لو جيت للواقع انت بعيدة عنه وزواجكم ربما على الواقع يفشل حتى لو تزوجتم هل بتقدر تعيش في بلده ، صل صلاة الاستخارة وربنا بيوجهك، وخذ الحاجات الكويسة الي نصحها لك الشاب من اللبس الملتزم حتى لو ماتم الزواج، العاطفة والعقل مثل الأخوين الأصغر والأكبر، الأكبر إذا حس بالأصغر راح في اتجاه بيتعبه يعمل له كبح، حكم عقلك وصل استخارة، ولا تتواصل مع هذا الشاب وإذا تواصل مرة أخرى قول له يتقدم لك فورا لو كان جاد
أختي العزيزة ………
خلاص ما دامت الحكاية أخدت المسار ده يبقا خلاص لازم تعرفي ان عند هنا وانتهت وزى ما قولتيلوه أول مرة واخترتي البعد وقولتيلوه ان اذا في نصيب هيجمعنا هنتجمع ، نفس الكلام بقا دلوقت عالحال ده !!!!
مقدرش أجزملك بان هو حب واحدة تانية ولا ارتبط بغيرك وحتى اذا خطب واحدة تانية يمكن انتي متعرفيش عشان انتي عايشة في مكان وهو في مكان تاني خااااااالص ،،، بس لازم تعرفي ان الطروف كلها كانت ضد الحكاية ، ماشي هتستحملوا بعض عشان حب وكدة وهو يستحملك شوية وانتي تستحمليه ، ولكن لما طرف فيكوا كمان يتغير ، هتستحملوا بعض ازاى ، يبقا لا ظروف ولا أطراف حب ، خودي قرار وزى ما هو معندهوش وقت وقالك كدة ، لا تيجي على نفسك ولا تعذبي روحك بانك عايزة تكلميه ، ولا ترمي نفسك عليه ، وخدي قرار !!!
ربنا يسعدك ويفرك قلبك أختي الحبيبة يارب
وشكراً