الحب قبل الزواج

اشعر بحبه لي في تصرفاته لكنه يتجنبني

تعرفت علي شاب معي في الدراسة و بدأ اهتمامه يظهر في كل حاجة معايا و مكنش بيعمل كدا مع حد غيري و بعد فترة لما بدأنا نتكلم اكتر و اهتمامه يزيد فجأة بدأ يتجنبني لدرجة انو ساعات بيتجنب الجلوس بجانبي لكن في نفس الوقت لو اختار الجلوس فس مكان بعيد يفضل عينه عليا طول الوقت. بعد الترم ما خلص الكلام كمل بيننا و قرب ليا اكتر و في يوم حصل موقف غرييييييب جداًاًاًاُاً. هو كان حاكيلي عن مشاكل عنده في البيت ان احد اقاربه في المستشفي و دي كانت حاجة مفرحاني جدا لانه عمره ما بيتكلم مع بنات و انا اتاكدت من كدا بكذا طريقة, في يوم بعت اطمن عليه اتعملي في نفس الوقت بلوك علي الواتساب اتصدمت و انهرت لان مفيش في ايدي حاجة اعملها, لقيته تاني يوم بيتصل كتيييير جدا لحد ما رديت و قاللي ان موبايله و الواتساب في مشاكل ف نتكلم احسن علي الموبايل او الرسايل العادية و في وسط كلامه قاللي اننا اخوااات و دي حاجة استغربتها اويييي لان كل تصرفاته و نظراته و لبخته حتي اما بيشوفني بتقول عكس كدا مع العلم ان عندو مشاكل كتير تمنعه انو ياخد اي خطوه رسمي.
هو كدا بيحبني و لا ايه انا مش قادرة افهم؟؟؟؟؟

مشاكل وحلول ذات صلة

اضيف بتاريخ: Sunday, April 2nd, 2017 في 18:54

كلمات مشاكل وحلول: , , , ,

3 رد to “اشعر بحبه لي في تصرفاته لكنه يتجنبني”

  1. ابوالبتول
    13/04/2017 at 21:20

    موضوع الاعجاب قد يكون دليلا على الحب لكن الشاب متردد في الاقدام على البوح لك اوانه في امور تمنعه من الارتباط في الوقت الحالي من وجهة نظري انك لاتردي على اتصاله بك اولاتعيريه اي اهتمام حتى تتضح لك نواياه الصادقة ويتخذ القرار من تلقاء نفسه هل هو جاد وصادق في الارتباط بك كثيرا من الشباب يلاحقون الفتيات لاجل اشباع رغباتهم المحرمة اومن اجل التسلية فقط لاتنخدعي بكل مايقوله لك اويظهره من الاعجاب مالم يصاحب ذلك افعال ونوايا حقيقة وصادقة وهي التقدم لاهلك ورغبته في الارتباط بك والله يسترعليك ويكتب لك مافيه الخير والصالح

  2. الانسان الطيب
    10/04/2017 at 13:35

    أختي العزيزة ….
    أولا عشان متجرحيش نفسك في بداية الكلام لازم نكلم ونقول انك دايما متدييش للموضوع أكبر من حجمه ،، عشان حاجة بس عشان متجرحيش نفسك في الاخر ،، وكدة يبقا أخطئتي في حق نفسك ، وانتي اللي هتشيلي الشيلة في الاخر بتاعة الألم ….
    واضحة أوووي الراجل من كلامه بيقولك احنا أخوات خلاص زى ما قال خليكي عند الكلمة ديه والتعبير ده بتاعه متتماديش في الاهتمام ومتتماديش في مشاعرك أكتر وأكتر …
    وبعدين انتي بتقولي وديه في حد ذاتها خطأ بردوه انه مبيكلمش بنات واذا اكتشفتي بعد كدة بيكلم بنات زمايله أو كدة هتزعلي وتنهاري بالشكل اللي لما لقيتي مشكلة بالواطس !!!! ما يمكن يكونوا أصحاب وزملاء دراسة فقط ،،،
    هتستوعبي انتي الفكرة ديه على طول هتستوعبيها بسهولة ؟؟؟ !!! ،
    ثم ان معلش انه ممكن يتقدم أو لأ ، ديه الحقيقة ديه لازم تطلع من بؤه هو مش تفترضيها انتي يقدر يتقدم ولا لأ ،، ولا يقولك استنيني ده اذا تمت الخطوة اللي قبليها واعترافكم بشكل أو باخر لوجود نية كويسة مستقبلية على اعتبار كلامكم مع بعض !!!! ، واجهي نفسك بالحقيقة ، اتعاملي مع المواضيع بأكتر تماسك ، متخلييش نفسك تنهاري بالشكل ده ، تعاملي مع الموضوع بحجمه ولا تطيله أكتر من ذلك ،،،
    ربي يسعدك ويفرح قلبك يارب
    وشكرا

  3. سكرتير الفراش
    08/04/2017 at 14:41

    يمكن عنده مشكلة او مانع من يرتبط باي بنت حتى لو كان اعجبته واحبها , مثلا امراض الجنس او اي عذر اخر , اكيد لو اعجبته اي بنت يحبها ويعجب بيها وينظر اليها على طول لو كان طبيعي يتقرب اليها اكثر ويتعرف عليها ويتكلم معها على طول لو عنده مشكلة من هذه يمكن تمنعه من الزواج والارتباط يفضل يقترب ويبتعد ويتحجج ويراوغ يكون لديه دافع الحب والاعجاب ومانع اخر يعرفه هو عن نفسه , تصرفاته ونظراته ولبخته دليل اعجاب وقوله انكم اخوات دليل على مانع قوي لديه , اتركيه لا تكلميه بأي شيء الا اذا هو تصرف من نفسه ولو ابتعد لا تسألي عنه او تبحث وراءه ,

اترك رداً أو حلاً لهذه المشكلة