انا بحب واحد من سنين كتييييير لما جيه الوقت المناسب بدأ يكلم مامتي عني و يقولها انه عايز يجي يتقدملي بس لما يخلص الجامعة
هو اهله ناس تجار و مرتاحين ماديا جدا بس اجتماعيا اقل مني من ناخية طريقة التعامل و الكلام و الاخلاق نفسها ( الشتابم الاوفر دي في البيت عادي مع بعض سواء بنات او اولاد ) و دا انا اكتشفته مؤخرا بعد ما بدا يكلم ماما
اكتشفت كمان انه اصحابه مش كويسين خااااالص و انه كمان بياخد من والده فلوس من وراه و سقط ٣ سنين في جامعته و انا متخزجة من سنتين و قعدة مستنية كل دا
هو دلوقتي فاضله سنتتين عشان يتخرج بس جيه اتقدملي و قعد مع والدتي و فاهمها انه بيشتغل مع والده و الشهادة مش حاجة اساسية و ماما تقريبا اقتنعت و انا كنت فرحانة جداا ، و ف يوم جيه حكالي ان اخوه الصغير بيعمل كل حاجة غلط ممكن حد يعملها مع العلم ان اخوه عنده ١٧ سنة …… انا من ساعتها مصدومة و حاسة اني عايزة اقول لماما ترفضه و كل الحاجات اللي وحشة اللي فيه قدامي مافيش اي خاجة كويسة غير انه بيحبني بس
مع العلم اني حاولت ابعد عنه و اتخطبت لولد محترم و كويس جدا بس مقدرتش ابطل تفكير فيه فا سبت خطيبي و رجعتله
ارجوكم محتاجة مساعدة
الحب قبل الزواج
حبيبي اقل مني اجتماعيا
اضيف بتاريخ: Monday, August 14th, 2017 في 05:20
كلمات مشاكل وحلول: بنت, حب, شاب
شوفي يابنتي طزفيه وفي اهله مليون مرة حتى لوكانوا اثرياء ومعهم كنوزالدنيا فهم بلاقيمة ابدا لاعندهم دين ولااخلاق ولاتربية عاوزك ترفضيه تمام وتلغيه من حساباتك نهائيا انت فتاة محترمةومن عيلة كويسة وعلى دين وخلق حميده ازاي تفكري في الارتباط بشخص كهذا لادين ولاخلاق ولاتربية وفاشل في دراسته ومتكل على ابوه يصرف عليه وماشي مع اصحاب فاسدين وكمان قلت ان اخوه اللي اصغر منه فاسق ومنحط دي عيلة مايعلم بها الاربنا ولاتشرفك ابدا لازم ترفضيه تمام وتكلم مع امك بهذا الموضوع لاجل هي ترفضه لانها هي الظاهر مخدوعة فيه وفي عيلته القذرة وتاكدي ان استمرارك معه هو دمار وضياع لحياتك واهانة لكرامتك وكرامة اهلك والف من يتمناكي ياقمر هتلاقي ابن الحلال الصالح الجدع اللي يستاهلك ويقدرك ويسعدك في حياتك ويحافظ عليك