انا بنت عمرى 18 سنه فى 3 ثانوى عام انا مكنتش بفكر بالحب ولا اى حاجه ولانى مش معترفه بالارتباط الغير رسمى
واحد جارنا انا عارفه عنه انه بيكلم بنات كتير وعارفه تفاصيب من حياته وكانت بتتحكيلى والله من غير ما اكون قاصده اعرف
المهم واحده جارتى اتصلت بيا وقالتلى ان الشخص ده عاوز يخطبنى وطبعاً مقالتليش عن حب ولا لا بس انا معرفش والى مخلينى شاكه فى كده ان الشاب لما بيقابل بنات كتير ويلاقى واحده محترمه بيرتبط بيها رسمى عشان يطمن على نفسه معاها وده لانه شاف منى كذا موقف اكدله انى محترمه بجد مش هطول اكتر من كده هو انا بعد ما عرفت بدات الاحظ اهتمامه اوى وحركات بتبين فعلاً انه مهتم زياده عن اللزوم ومره كنت سهرانه فى البلكونه وهو خرج البلكونه برضو شاور كده وكان بيحاول يكلمنى بس اتكد الاول ان مفيش حد واقف عشان ميشوفناش انا دخلت وقفلت باب البلكونه من غير ما ارد ولا اهتم وبصراحه ههو كان بيهتم وانا بطنش مش كانوع من التقل زى مال لكل قالى بس والله عشان انا مبحبش الكلام الفاضى ده وانى ارتبط بحد ارتباط غير رسمى واحب انى احفظ على نفسى للى هيبقى زوجى باذن الله وطبعاً اى بنت بتلاقى اهتمام من شخص بتفرح ودهطبع فى البنات كلهم وانا فعلاً اعجبت بيه بس مش هقول حبيته لانى بجد مش حاسه انى بحبه انا معجبه بيه بس او ممكن بحركاته الى كان بيعملها والدليل انى لما بشوفه بيكلم بنت فى الموبيل او واحده ماشيه بتسلم عليه او حاجه مش بغير ومش بهتم عادى فجأه بعد كل الاهتمام والتطنيش منى هو بدء يتجاهلنى الاهتمام انتهى لما بقى يشوفنى يدخل او يقف ويتجاهل وجودى انا ملاحظه ده انا مش زعلانه بس عاوزه اعرف السبب انا اعجبت بيه واتعلقت بيه بجد بس مش كحب كاعجاب ومش عارفه التجاهل ده سببه ايه ممكن عشان تطنيشى ولا هو كان حابب يتسلى بس لو حابب يتسلى ليه يقول لاصحابه انه عاوز يخطبنى ويوصلى من نحيتهم انه عاوز يخطبنى ياريت بجد حد يجاوبنى ويكون واثق من الاجابه وشكراً
الحب قبل الزواج
عرفت انه بيحبنى وبعد اهتمامه بدء يتجاهلنى
اضيف بتاريخ: Thursday, September 12th, 2013 في 09:22
كلمات مشاكل وحلول: الحب, الزواج, بنات, بنت, شاب
انتى المفروض كان مالكيش دعوة بيه ومهما كان صحبتك قالتلك حاجة عنة ماكنتيش سمعتيها الشباب الى فى مرحلة الطيشان بيكونوا عاوزين المتعة بس المحترمه بيرورحوا بيتها على طول مش بيبعتلها مع صحبتها وخلى بالك ماتخديش الى معجب بيكى وخدى اللى بيحبك ولازم يصرحلك بحبه دا بنفسة ويقول انى بحبك مش يهتم بيكى ويبص عليكى وتتاملوا فى بعض وتقولى انا متاكدة انه بيحبنى
احس انك تحسين بفراغ عاطفى او قلة اهتمام داخل المنزل او خارجه ويسئك ان لا ينظر اليك اى شاب لانك محترمة وهدا طبع الرجال فعند اول شاب تقدم بباقات اعجاب اليك ورغم سمعته السيئة ونواياه الخبيتة اعجبت به وعلمتنا الحياة ان من نعجب به سنحبه لاننا لا نملك ان لا نفعل اختى. انا من الجزائر وتعجبنى بنت بلادى لانها دائما شكاكة لن تقنعها بغير ما فى راسها يعنى حتى ولو اردت ان ارسم عليها فلن استطيع لانها تعلم مداخل ومخارج الخبت. ادرسى جيدا وحدار من الجامعة لانك كما يبدو قليلة الخبرة فى هاته المواضيع وكدلك يلزمك صحبة موتوق فيها وشكرا تقبلى اختى مرورى
على فكره الشباب بيحبو البنت السهله مش البت الصعبه المحترمه زيك فاكبرى دماغك وخليكى كده بنت الف واحد يتمناه وهو زى ماانت بتقولى بناع بنات ازاى سورى يعنى تقبلى على نفسك تعجبى بواحد زى ده
انا شايفه انك لحد كده صح بس فكرى فى انك فى ثانويه ركزى فى دراستك
وطموحك وسيبى ان الجيران ده عشان اساسا هو بيتسلى ولا بتاع حب ولا نيله
ده عاوز يمشى معاكى عشان يرسم نفسه قدام اصحابه انه قدر يوقع واحده محترمه
نصيحه بلاش تقعى بسرعه كده وتتعلقى باى حد مهتم بيكى لانك هتلاقى فى الجامعه الى زى كده واكتر
وربنا يوفقك ويرزقك الزوج الصالح يا جميل
انا برأيي انتي ف مرحله كتتتير صعبه ف مرحله مصيريه ثانويه عامه
اعتقد السنه دي اهم من اي شي تاني
وربنا يوفقك وسيبك من التفكير مش ارح يقدمك ..فقط راح يلهيكي عن الدراسه
بصى هم كل الى ردو عليكى قالولك الى فيها بس انا هقولك على حاجه هو ممكن يكون متراهن عليكى معظم الشباب لما بيلاقو بنت محترمه بيصعب عليهم اخلاقها بيبقو عاوزين يكلموها لسبب وه انهم يبينو انهم مفيش زيهم وبيوقعو اى حد حتى لو محترم انتى اديتيله على دماغه ونفضتيله هو زهق وفكه منك او ممكن حاجه تانيه وهو انه بيحبك بجد وحاول يبينلك وانتى معبرتيهوش واحيكى على ده فى الحالتين عشان كده انتى غليتى فى نظره اكتر ده لو بيحبك ولو مش بيحبك هو احترمك اكتر وانا واثقه من كده لانه لو بيحبك وانتى تقلتى عليه هيحبك اكتر وممكن يكون هو كان عاوزك بس تاخدى بالك عشان يطمن انك هتكونى ليه يو هو مش مؤهل للخطوبه دلوقتى هو ممكن لو بيحبك طنشك عشان يخليكى تدوقى من الى هو داقه وانه بيتعذب عشانناتى تاخدى بالك منه بس برضو ده احتمال بعيد حطى مستقبلك قدامك انتى فى سنه مهمه ركزى فى المذاكره وهو لو نصيبك محدش هياخده منك وربنا يوفقك ويحققلك الخير يارببس لازم تبعديه عن دماغك الايام بتجرى وانتى لازم تركزى فى المذاكره عشان تجيبى مجموع حلو كدهوبجد تحيه منى كبييييييييييرة لباحترامى وربنا يوعدك بالى يقدرك يارب اختك فى الله امبرة
انت قلتي انومجرد اعجاب منك وهولايحبك ولاعاوزيرتبط فيك خالص دا شيطان رجيم عاوز يوقعك في الحرام ربنايكفيك شرطريقه ويبعدك عنه واحمدي الله انهاجات على كدا احفظي الله وابعدي عن البص والنظر للرجال الاجانب فانهاسهام ابليس اللعين ربي يحفظك ويسترعليك
اختاري الغنني مش الفقير
اللي عاوز جواز مش هيلف البلد يقول عاوز أتجوزها
اللي عاوز جواز مش هيقف في البلكونة يشاور
اللي عاوز جواز هيجي جري على البيت
اللي عاوز جواز مش يتجاهل اللي عاوز يتجوزها
ببساطة هو كان بيتسلى
ولو كان عاوز جواز فهو شخص مينفعش ليك أصلا
أيوه الشباب الصايع عاوز بنت محترمة عشان تصون نفسها معاه، بس هو مش هيصون نفسه معاك.
ربنا نجاك منه والله وريحي دماغك منه ده مصيبة وكانت هتقع فوق دماغك
ومتنسيش إنك مراهقة ومعندكيش خبرة
وهو تعبان وعقربة وتعلب وحرباية ولازم يحسسك إنه بيحبك
مهي أي واحدة هبلة بيتضحك عليها بتكون فاكرة إن الشخص ده بيموت فيها بس بتفوق على مصيبة
ابعدي عنه ومتوافقيش عليه حتى لو اتقدملك بجد
انتي ركزي في دراستك ومتخليش المواضيع الفاضيه دي تاثر على دراستك وده مستقبلك وانتي حره فيه بس بجد الحب اللي بعد الجواز افضل بكتييير من الحب الحرام
بصي اسمعي كلام كل اللي الناس قالته ده لان هو كان حابب يتسلي هو قال بس اجذبها باني عاوز اخطبها فتهتمي وتكلميه بس الموضوع واضح جدااااااا هو حب يرمي طعم بس ليعرف يكلمك منه مجرد كلام في الهوا لان واحد غيره واخد الموضوع بجد فعلا كان زاد تمسكه بيكي بعد ما اتاكد انك مش من البنات اللي بتكلم ولد بسهوله وكان جه اتقدملك فورا انما هو كان حابب يتسلي مش اكتر واتاكدي الاولاد عندها وسائل كتيره اوي ليعرف يوقع البنت حتي لو تقيله فلسه بدري علي الكلام ده خليكي في مستقبلك ودراستك هي اللي هتنفعك حاليا واعرفي ان ربنا شايلك الاحسن والافضل بس كل شي بوقته حافظي علي نفسك علشان يوم ماربنا يكرمك بشخص يكون هو كمان كده ويراعي ربنا فيكي ان شاء الله
دهـ بتاع بنات زي مانتي قلتي
وبتاع البنات دهـ شغلتهـ اي بنت يجيبهـا ويحاول معاهـا ولو مجتش معاهـ سكة زي مانتي طنشتيهـ واحييكي علي دهـ والله انتي شخصيـة محترمـة جدا بجد
فانتي مجتيش معاهـ سكـة فحلق لكـ وانا باكلمكـ بالبلدي جدا لاننا ولاد بلد اكيـد : )
بصي كويس اللي انتي عملتيه لحد كده ورجعي بصي لمدرستك ولدراستك وانسي حاجه اسمها حب حاليااا علشان كل حاجه بتيجي في غير وقتها بتبقاااااااااااا وحشه اوي
اصبري رزقك موجود ومحدش هياهخد نصيبك غيرك
طب انا عايزة اعرف فين المشكلة دلوقت. هو ممكن بسبب تجاهلك الكتير ناحيتة زهق و هيدور علي حد تاني و انتي قولتي من الاول انة بتاع بنات يعني عادي انة عمل كدة و كمان هو ممكن يكون عمل كدة عشان يوصلك للي انتي فية دلوقتي و تتعلقي بية ف انتي كبري دماغك منة و متفكريش فية و خليكي علي موقفك و انسي الموضوع. يارب اكون افادتك (: