الحب قبل الزواج

هل يحق لى اترك حبيبى بعد تحرشه بالكلام

بحب شخص بقالى سنتين ومتاكدة انة بيحبنى وحصل بنا مشاكل كتير وفى الاخر كان هو الى بيرجعلى وبنرجع زى الاول بس ظروفة لسة محتاجة وقت عشان يتقدم لانة لسة هو بيدرس ف الكلية وانا كذلك وظروفة المادية قليلة جدا , و طلب منى بان اعرف امى بعلاقتنا وعرف هو كمان اختة بعلاقتنا وخلاها تكلمنى وهو برضو كلم امى ووعدها بانة هيتقدم مع الوقت بس امى طلبت منى ومنة بان كلامنا يبقى مجرد على الفيس بس وفعلا بقا كل كلامنا ع الفيس وبس وفعلا بقا كل كلامنا على الفيس كنا بنطمن ع بعض كل يوم والكلام بنا كان فى مجرد الاحترام ,, بس ال حصل ف الفترة دى انى اتفجئت منة بانة بيكلمنى ف حاجات ليها علاقة امانتجوز ومنعتة وقتها من الكلام دة وادايقت كتير منة ساعتها و وعدنى انى مش هيكلم معايا تانى فيها واتاسفلى ساعتها كتير بس رجع واكلم تانى فيها وقالى انة بيكلم معايا فيها لانى هبقا مراتة وانة مستحيل هيجوز غيرى ومن حقة انة يكلم معايا ف الحاجات دى انا من كلامة ف الحاجات دى بقيت اتخنق جامد منة وقفلت الاكونت عشان اعرف اعمل اية انا حاليا عوزة اسيبة بعد مااكلم معايا فى الحاجات دى بس فعلا معايا حق انى اسيبة ؟ بس مش هعرف ابعد عنة لانى بحبة و انى متاكدة انة هو كمان بيحبنى , بس مش عرفة اعمل اي ؟ اسفة ان الموضوع انة محرج جدا

مشاكل وحلول ذات صلة

اضيف بتاريخ: Sunday, May 17th, 2015 في 12:19

كلمات مشاكل وحلول: , , ,

5 رد to “هل يحق لى اترك حبيبى بعد تحرشه بالكلام”

  1. تبحث عن معنى الحب
    11/08/2015 at 21:55

    بصي الولد بيحب و فى جانب تاني الشهوانى و دا طبيعي و احيانا الولد بيستخدم الشهوانية دي لتعبير عن الحب و دا غلط نوعا ما بس هو طبيعته كدا وعشان كدا بيحتاج تقويم منك و انك تقوميه اتكلمي معاها وصرحية بصراحه ان الكلام دا بيضيقك وان لو هو شايف انو مش هيتجوز غيرك و الكلام دا يبقي يسيبوا لوقته و ان مش ينفع يتكلم فيه معاكى دلوقتي و شوفى رد فعله و هتوصلى معاه لايه لو استجاب و مش فتح الموضوع تانى او جابه بطرق تانيه يبقي فعلا بيحبك و استجاب لرغبتك واحترمها ولو لا يبقي تسيبه وتحاولى تبعدى عنه مهما كان صعب بالنسبة ليكي صدقني احسن ما الموضوع يتطور بيه وتلاقي انه اتعقد اكتر

  2. ادعيلك بالخير
    03/06/2015 at 03:08

    اولا لو هو بيتكلم معاكي الكلام ده يبقي مش بيبصلك علي انك انسانه بيحبها و بيحترمهالكن بيبص من منظور شهواني و لو انتي سيبتي نفسك و اتكلمتي معاه او تغاضيتي عن الامر هتفهميه انك بتعملي تقلانه لكن الموضوع عاجبك مش بقولك سيبيه دلوقتي لكن اتصرفي بذكاء اولا مامتك لازم تكون عارفه عشان لو كانت نيته وحشه ميوقعكيش في اي حاجة شوفي كلامه بيرمي علي ايه بيطلب يقابلك فين بيتكلم ازاي لاحظي هل نظراته بتتوجه لجسمك ولا لا
    يعني حللي الموقف و اوعي تبصي بعاطفة ده مستقبلك و هقولك علي سر برضه عارفه ليه كله بيقول الحب بعد الجواز بيختفي؟؟ لانه كله بيداري عيوبه و مبيبقاش صادق مع الطرف التاني فربنا بيوقعه في ش اعماله مش انت ضحكت علي البنت خد بقي غم و نكد فلو انتي فعلا بتحبيه حاولي تكشفي عيوبه و نواياه و لازم مامتك تبقي متابعه لانها اكتر واحده ليها نظرة في الناس و ربنا يا رب يبعدك عن الشرور و يحببك في الخير المقسوم لك يا رب.

  3. الحب البكر
    25/05/2015 at 19:07

    شو بدك من شخص تحكي معو على الفيس بوك شو بدك منو بدك يعلمك تلاوة القران طبعا راح يقلك على هاذ الكلام المشكلة في امك لي سمحتلك تحكي مع شاب غريب

  4. طيبة
    25/05/2015 at 13:39

    مش تسايريه بكلامه ده …انتي الي هتخسلاي انما هو مش هيخسر شي…اولا حتى لو مواعدك بالزواج ده مش معناه انه تزوجك تانيا هيقول عليكي انك مش كويسة طالما حكيتي معاه كده..ثالثا و الاهم..افرضي سابك بسبب ظروف معينة هتكوني كلمتي معاه كلام زي ده و هتتجوزي غيره..فكري كويس ..سبيه ده مش يستحقك ..و بالاخر بيروحو يجوزوا…

  5. ميدو
    21/05/2015 at 12:43

    لازم تسيبه او على الاقل لفترة عشان يتعلم ميتكلمش كدا تانى ولو مسبتهوش الموضوع هيبقى اكبر من كدا وهياخد عنك فكرة مش كويسة

اترك رداً أو حلاً لهذه المشكلة