المشكلة في قلبي اللي معذبني نفسي افصله عني مش عارفة ومش قادرة اقوى عليه ذي ما كنت بعمل ديما
انا بنت عندي 23 سنة
طول حياتي محبتش غير انسان واحد .. قلبي مخترش غيره رغم ان فيه كتير حبوني واتمنوا اني ابادلهم نفس الحب.. مش عارفة دا انتقام من ربنا ولا عشان اتبترت ذي ما بيقولوا .. لما جيت احب حبيت واحد هو كان واهمني انه بيحبني من طريقته واحترامه الشديد ليا وللأسف انا كنت بعامله وحش وكنت بحاول افهمه بطريقة غير مباشرة ان اللي بيحبني هيجيني لغاية البيت يطلب ايدي من اهلي وساعتها انا اللي اختار .. واستنيت واستنيت سنين وسنين.. لغاية ما تعبت بجد.. ولقتني غصب عني بصارحه بمشاعري.. أنا مش عارفة ازاي عملت كدا.. بس انا تعبت بجد وكان لازم اعرف راسي من رجلي .. كان لازم ارسى وارتاح
عرفت انه مش بيفكر فيا.. وانه بيعاملني معاملة خاصة لاني ليا عنده معزة خاصة غير كل الناس وانه عنده كلام كتير مستني الوقت المناسب اللي يقولهولي فيه
مبقتش عارفة هو عايز يعلقني بيه ولا ايه.. قلتله انا مش عايزة اتعلق بيك .. مش عايزة اتعلق بوهم وطلبت منه انه طالما مش هيحبني يبعدني عنه وبعدها لقيته بيعاملني معاملة وحشة جدا ويقفل السكة في وشي لما اكلمه فهمت انه مش هيحبني .. ولما سألته ايه الكلام اللي كنت مستني الوقت المناسب تقولهولي قالي انا مقلتش حاجة ذي دي اصلا ومش فاكر اني قلتلك كدا يعني نكر كلامه
انا اتأكدت انه مش بيحبني من طريقته معايا.. حتى احترامه ليا حاسة انه ميقاش موجود .. بصته ليا بحس انها بصة بقرف.. أنا فعلا حاسة اني كرهته وقولتهاله انا كرهتك كان رده عليا احسن!!!!!!!
مش عارفة هو ليه بيعمل معايا كدا.. انا خلاص كرهته ومش عايزاه بس نفسي يحترمني ذي ما كان بيحترمني .. ولا عشان صارحته بمشاعري.. ولا هو قاصد يزلني ذي ما كنت بعامله وحش في الاول .. ولا حد يقولي ايه
انا غلطانة اني صارحته ويارتني ما صارحته.. اللي بيوجعني دلوقتي مش انه محبنيش قد ما هو مبقاش يحترمني.. ودا خلاني اكرهه.. بكرهه بجد وبكره نفسي وزهقت من الدنيا انا مستهلش منه كدا والله العظيم قولولي اعمل ايه عشان يرجع يحترمني تاني
الحب من طرف واحد
صارحته بالحب بعدين كرهته
اضيف بتاريخ: Wednesday, May 4th, 2011 في 06:12
كلمات مشاكل وحلول: الحب من طرف واحد, الحب من طرف واحد, مشاكل الحب
راجعى نفسك تانى لانى الموقف ده حصل لى كتير وانا كرهته بس مش عارفة انساه لسه موجود فى قلبى
لا يمكن لحد بيحب يكره راجعي نفسك
لانك غلطى لماصرحتى لانة كان شايقك الملاك اللى قدامة وزى ماقالك كان مستنى الوقت المناسب علشان يصرح بمشاعرة بس لماصرحتيه وقولتيلو(انامش عاوزة اتعلق بيك(ولماكونتى بتعملى وحش
فهو زى ماتقولى كرهك من اللى انتى عملتى فية والواحدمننالمايحب حد يقدريكرهو بس لمايكره حدويشيل منة مستحيل يحبة من جديد(وفى الاخراتمنالك السعادة والاحترام)وترجعواتحترموابعض تانى واحسن كمان(اسلام)
انت مغرورة جدا فى نفسك عايزة الكل يحبك ويجرى وراكى وانت تتعالى عليهم ودا المثل اللى بيقول يوم ليك ويوم عليك انا اسف لو اسأت
تأكدي يا سيدتي أنك لم تحببيه في يوم من الأيام فقول كلمة أكره تدل على ذلك لا يمكن لحبيب أن يكره من يحب بعد الفراق حتى ولو شرب من كأس العذاب وبكرهك له كما قلتي هذا دليل على أنه لم يكن حبا من الأساس هذه حقيقة لا يمكن انكارها كما أن حبا من طرف واحد لا يسمى حبا على الاطلاق
تقبلوا مروري ….
تحياتي
يستى اعتبرى واحد وراح لحالةومتفكريش فى كتير مثيرك هتلاقى حد يحبك ويصونك
أنا صاحبة المشكلة واشكر كل اللي ردوا عليا والحمد لله أنا قدرت ارجع احترامه ليا تاني بس فيه حاجة محيراني ومش فهماها منه بيقولي انه عمره ما هيخطب واحدة مش محجبة أو بتحط ميك أب وانه لما هيخطب واحد هيخطب واحد بطبيعتها مش بتحاول تلفت نظر حد بالميكب الكتير أو اللبس الضيق أنا الحمد لله محجبة ومش بحط ميكب أب نهائي وقالي انه بيحترمني عشان أنا محترمة وانه عمره ما يزعل مني عشان شايفني لسة صغيرة ولسة مش مريت بتجارب قبل كدا
الحاجة اللي محيراني أكتر انه مش عايزني أتعامل مع زمايلي التانين في الشغل الا عن طريقه أنا مش حاسة انها غيرة بس حاسة انه بيخاف عليا بيخاف اني اتعرض لموقف معرفش اتصرف فيه
مش عارفة دا ايه هو كدا رجع حيرني تاني بس انا بحاول مفكرش وهو لو جواه حاجة اكيد هيقولها صريحة وهيدخل من الباب
انت بتحبيه جدا ومن المستحيل تكون البنت اللى حبت بالحب دة يعرف الكره طريق لقلبها ومش كده وبس دا هو كمان بيحبك وبيموت فيكى بس هو عمل كدة علشان انت طلبتى منه ووهو مش عايز يزعللك وانتى كمان لو انت مش بتحبيه ماكانش يهمك يحترمك اولا على فكرة الراجل دا خسارة ومش هتعوضيه
انا ادري انه من الصعب على المرأة تقبل الهزيمةو لكن……. هذه مشيأة الله عز و جل… لقد مررت بهذه القصة و كانت جد صعبة بالنسبة الي; لقد صرحت له بحبي رغم تعجرفي الشديد;;; لكنني كنت مجبرة على وثع حد لغذابي و للتأكد مما كنت أراه هن اهتمام من طرفه, و لككككككن للاسف الشديد لم يكن لديه مشاعر نحوي ;;;; و الان انا غير نادمة لانني كسبت نفسي
انتى انسانه غريبه بجد انتى بترمى بلاكى على الراجل هو لا قلك بحبك ولا وجهلك كلام خالص انتى اللى روحتى اتكلمتى معاه وقولتيله انك بتحبيه اصل الحب اليومين دول بيجى من اول نظره وبسرعه كده والراجل طلع انسان نضيف وعنده مبدأ وما بيلعبشى ببنات الناس عايزه ايه منه عايزاه يضحك عليكى يعنى وتقع الراس فى الفاس ونقعد نعيط ونقول الحقونا يا عالم اصحى يا بنتى انتى انتظرى اللى يجى يخبط على الباب وانتى تكونى الاميره ساعتها وانتى اللى تشطرتى براحتك ساعتها وساعه ما تتجوزى وتدخلى مع زوجك فى غرفه نوم واحده حبيه زى ما انتى عايزه وهو عايز غير كده بتضحكى على نفسك
انا صاحبة المشكلة واشكر الاخوة والاخوات على ردودهم ونصايحهم انا دلوقتي بعامله بمنتهى الجدية وفي حدود الشغل وبس بحس انه عايز يرضيني بأي شكل أو يتقرب مني وانا بصده كل مرة وكل ما بصده يحترمني اكتر انا مش فاهمة الرجال دول بيفكروا ازاي وعايزين ايه المهم أنا مش هتراجع عن موقفي واللي عايز حاجة عارف طريقها وهيدخل من الباب على طول
السلام عليكم
راح اختصر عليكي حذاري منه وخذي بالك من نفسك لانه فيه نوع يلوع لحين لتستسلمي وانتي اللي تروحي له لوحدك وطالما انتي اعترفت بتكوني خلاص اكدتي له وخصوصا انه ما كان بيعاملك معاملة وجشة لكن لا يعني ان كل من يعاملنا بادب يحبنا لا هناك تقدير واحترام ولازم تفرقين بينهم وربما هو كان واضع صورة لك البنت الخلوقة والمحترمة وغير وبعد اعترافك غيرتي هدا المفهوم ببساطة لانه الرجل العربي بصفة عامة يحب ان الكلام يصير من عنده ويحب المراة العنيدة المشاكسة نصيحة حبي اللي يحبك ولا تحبين اللي تحبين يعني يوم ما تحبي تختاري فحياتك اختاري اللي يحبك ومو اللي تحبين لانه راح يخاف عليكي اكثر من نفسه لكن اللي انتي تحبين ما اظن .
انتى بصراحة غلطانة متزعليش منى انا زى اختك انتى غلطانة انك صرحتى بحبك المفروض ان الولد لو بيحب البنت يقولها بس مينفعش ان البنت لو بتحب الولد المفروض متصرحهوش بحبها هو دة رايى ولو عايزة يكيلمك بحترام احسن انك تقطعى باب التعامل معاة بى اية شكل وان شاء الله هتلاقى الى تحبى ويحبك
الاهم دلوقتي مدام انك اتأكدتي انه مش بيحبك خلاص
يبقي المعاملة بالمثل بعد كده
فهمااااااااااااااااااااااااااااااااني ؟؟؟؟؟؟؟؟؟؟؟؟؟؟؟؟؟؟؟؟؟؟؟
يعني يحترمك احترميه وشيلي فكرة علاقة من دماغك
محترمكيش يبقي خلاص يبقي انتي يا بنت الناس بلاش تبقي تقيلة علي حد وتجنبيه عشااااااااان كرامتك
السلام عليكم / اختى الكريمه مع احترامى ليكى . انت اخطأتى انك صارحتى انسان بحبك له .. كان يكفى تلميح .. وبعدين موضوع انه مش بيحترمك دى .. معلش انتى قللتى من كرمتك لما تروح لانسان وتقولى له انا بحبك … لازم تعملى لنفسك كرامه … الى حصل حصل خلاص .. انظرى لبكرة خلى ثقتك بنفسك … كبيرة … انتى بعملك الى جاى حتقدرى تغيرى نظرته ليكى ونصيحة لكى انسى الموضوع دة من اوله لاخره بلاش تفكرى فيه … وتعطى اكبر من حجمه انتى لسة صغيرة وحتشوفى كثير الحياة مليئة بالتجارب واحنا مش بنتعلم من اول درس … ركزى فى حياتك اذا كنتى بتدرسى . ومتروحيش لحد … خلى عندك كرامه
بصى حبيبتى جربى وابعدى عنه فتره يمكن هو مش عارف حقيقة مشاعره ناحيتك ولو بعدتى عنه ولو بيحبك بجد هيرجعلك مش بيحبك هيفضل يبعد عنك وساعته لو طلع مش بيحبك ولا رجعلك ابعدى عنه ومتفكريش فيه
يعنى مفيش فى الدنيا دى كلها غيره انسيه وامسحيه من ذاكرتك نهائى ولا كانك عرفتيه قبل كده واللى خلقه خلق غيره ويمكن احسن منه ولا حول ولا قوة الا بالله
معلش هو لو ميعنيلكيش حاجه انتى مش هتهتمى بيه وبعدين اقطعى علاقتك بيه عشان ميبقاش فى مواضيع اصلا وانا هقولك على حاجه مهمه اتمنى انك تركزى فيها اوى الى انتى بتقوليه معناه انك بتقيسى نفسك بنظره الناس زده غلط كبير لان ده سبب ان الانسانه الى بحبها تبعد عنى لان فى ناس كتير حسسوها بنفسها فاتغرت واتاثرت بكلام الناس فشغلها , ميهمكيش من حد لكن اهتمى بنفسك وخلى ثقتك فى نفسك ملهاش حدود وتواضعك بردوا ملوش حدود متخليش كلمه تجيبك وكلمه تاخدك واهتمى بحاجتين انك ترضى ربنا وترضى نفسك وانتى احسن انسانه على فكره وسيبك من الواد الى مزعلك ده