الحب من طرف واحد

اعشق شخص لدرجه الجنون ويشغلى كل تفكيرى

انا بنت عندى 18 سنه احب شخص معى ف نفس سنى واعشقه لدرجه الجنون ومش قادره اتخيل انه ممكن يكون لحد غيرى مجرد التفكير بس انه ممكن يكون لحد غيرى بحس ان انا هتجنن من كتر التفكير بس المشكله انا مش عارفه اذا كان بيحبنى ولا لا بس عندى شك 85% انه بيحبنى ونفسى اتاكد بس انا مصره انه ميكونش لحد غيرى حتى لو غصب عنه وبفكر فيه كتير جدا وبحلم بيه علطول
بليز دلونى اعمل ايه انا نفسيتى تعبانه جدا ومش عارفه اذاكر ولا اعمل اى حاجه وحياتى كلها واقفه وعوزه اعرف اذا كان ده حب بجد ولا ايه؟؟؟؟؟؟؟؟؟

مشاكل وحلول ذات صلة

اضيف بتاريخ: Tuesday, February 2nd, 2016 في 08:26

كلمات مشاكل وحلول: , , ,

2 رد to “اعشق شخص لدرجه الجنون ويشغلى كل تفكيرى”

  1. مصرية العيون أنا
    03/02/2016 at 10:33

    حبيبتى كده غلط وتفكيرك فيه بالطريقة دى أكبر غلط ، وده مش حب أبدًا ده مجرد إعجاب صارخ نابع من مرحلة المراهقة التى تصارعينها ليس إلا..

    حبيبتى واضح كمان من مصطلحاتك (( مش قادرة أتخيل إنه ممكن يكون لحد غيرى ـ مصرة ميكونش لحد غيرى حتى لو “غصب عنه” بتحبك نفسك وعايزة ترضى نفسك وخلاص والنفس أمارة بالسوء_ بحلم بيه “علطول” فيها مبالغة شوية صح؟ )) واضح إنك متأثرة بشكل كبير وملحوظ بقصص الحب الزائفة المختلقة فى الأفلام والمسلسلات .

    قلتيها بلسانك عندك (شك) بنسبة %85 إنه معجب بيكِ (مش حب يعنى زى ما انتى فاكرة لإنه برضه مراهق زيك)طيب بما إنه شك ليه تضيعى نفسك وتهملى المذاكرة وتوقفى حياتك وتمشى وراء الشكوك والاحتمالات؟! (وياعالم!) سيبك من السراب والأوهام والخيالات لو استمريتِ فى التفكير فيه على أمل إنه يتقدملك هتضيعى سنين من عمرك وهتخسرى مستقبلك وهتشوفى نظرات الأسى فى عيون والدك ووالدتك بدلًا من نظرات الفرح والفخر كل ده عشان وهم فى دماغك وسراب بتجرى وراه ، حبيبتى ،استمعى لصوت العقل قبل صوت القلب أنتِ فى مرحلة خطرة من العمر ويجب أن تستغليها بشكل صحيح واعلمى أن الرجل (مش العيل) يحب المرأة المتدينة الناجحة العاقلة المتزنة فى أفعالهاوأقوالها والذكية فى تعاملاتها مع الناس أجمع ومع الرجال بصفة خاصة ، ويحتقر كل الاحتقار تلك البعيدة عن ربها والخائنة لأهلها الساقطة المندفعة وراء الحب وإشباع الغريزة بوقوفها( معه) أو مع غيره ولا يفكر ولن يفكر فى أن يقترن اسمه واسم أبنائه مستقبلًا باسمها لأنها فى نظره فى قاع المجتمع أو وجدت لنفسها مكانًا حتى، حبيبتى انسيه خالص وغيرى أسلوب تفكيرك لإن الحب مش كده و انتى مش فى وقته الصح واوعى اوعى تفكرى بالتعارف أو إنك انتى ايللى تبدأى (أكبرأكبر غلط) حفظك الله.

  2. مجنون نسوان
    02/02/2016 at 11:30

    انت عاوزة تعرفي ده ايه دي وقاحة هل تعتقدي ان التصرف اللي تعمليه هوالصح انت غلطانة اوي اوي اوي انت تلعبي بالنار وتجلب العاروالفضيحة لنفسك واهلك بتصرفاتك الوقحةوالغير اخلاقية مش هتعرفي قيمة الكلام اللي قلته لك الا لماتفقدي شرفك وتلوث سمعةاهلك وتنزلي كرامتهم الارض عندها هتعرفي بعد فوات الاوان وساعتها تبقى رخيصة وتافهه وحقيرة في نظر الواد الكلب بتاعك وفي نظر الاهل والمجتمع كله فهل ترضي بهذالوضع

اترك رداً أو حلاً لهذه المشكلة