مشاكل الشباب مع البنات

حاولت اختبار خطيبتى وفشلت فى الاختبار

انا خاطب بنت وبنحب بعض جدا ولقينا فى بعض المواصفات اللى عاوزنها,المشكلة انى لاحظت أن خطيبتى بتحب تتكلم فى الجنس كتير,انا قلت عادى يعنى ممكن يكون بسبب الكبت الجنسى,كذا مرة كنت بصدها واتوه الموضوع بس بعد كده بقيت اتكلم معاها فى المواضيع دى كفضول منى وكلمنى عن العادة السرية عند البنات وخصوصياتهم وكذلك انا اكلمها عن خصوصيات الشباب… بس بعد كده الشك ابتدى عندى يزيد أوى لغاية اما قررت اختبرها اختبار واشوف نيتها!!!عرضت عليها انى اقابلها فى مكان فى بيت لوحدنا واننا نتعامل زى الازواج,أنا الحمد لله بخاف ربنا ومرضاش الأذية لحد مهما حصل وعاوز كل حاجة تكون فى الحلال,هى اتفاجئت بطلبى ده وكانت مترددة بس قالتلى فى النهاية موافقة يا حبيبى!!!أنا كنت متوقع انها تصدنى وبعد كده اقولها انى كنت بختبرها لكن ردها ده صعقنى ومن ساعتها وانا قررت اقطع علاقتى بيها لأنى فقدت الثقة فيها نهائى انها ممكن تخونى بعد الجواز وتصونيش ومتحافظش عليا…بالله عليكوا انا مش عارف اعمل ايه خايف اكون ظلمتها لما قطعت علاقتى بيها هى بتحوال تتصل بيا كتير وانا متجاهلها وفى نفس الوقت لو انا كملت معاها الشك والوسوسة هيقتلونى وحالتى النفسية صعبة أوى

مشاكل وحلول ذات صلة

اضيف بتاريخ: Tuesday, March 5th, 2013 في 09:26

كلمات مشاكل وحلول: , , ,

22 رد to “حاولت اختبار خطيبتى وفشلت فى الاختبار”

  1. مجهول
    20/08/2021 at 19:44

    اغلب التعليقات كاشفة للحالة الدينية للمسلمين قمة في التحايل علي الدين كانكم مجموعة من الشياطين مفيش اي حجج تدي الحق الرجل او المراءة انهم يقربو الزنا قولا او فعلا اتقو الله يامسلمين واتجوزو من يخاف الله في الخفاء قبل العلن البنت خطبيتك دي ولا شافت تربية ولا تعرف حاجة عن الاسلام وشوف رايك في اختك لو عملت كدة مع خطيبها وبعد كدة استخدم رايك علي خطيبتك ونصيحة من رجل عرف الاف النساء لا تتزوج من امرأة لا تملك الحياء وادعي ربنا يرزقك بالانسانة الصالحة الصالحة الصالحة

  2. أبو الكباتين
    03/07/2021 at 23:30

    بص يا ريس هيا مش كويسه لأنك بتقول هيا اللي بدأت تتكلم ف الجنس وهيا بتحب تتكلم ف الموضوع معني كدا أنها متعوده عالموضوع دا لأن لو أول مره هتتكسف وهتبقي عايزه وجواها طاقه جنسيه بس حياءها هيمنعها وانتا بعد كدا تعودنا عليك وانتا اللي تفتح عينيها انما دي عينيها مفتوحه جاهزه معني كدا انك مش اول واحد يتكلم معاها ف الموضوع دا وممكن كمان تكون مش اول واحد يلمسها
    انما لو انتا اول واحد الموضوع هيختلف واوعي تشك فيها لأنها كانت قطه مغمضه وفتحت عينيها علي إيديك انتا صح اوعي ترجعلها خد القطه المغمضه اللي انتا تفتحلها عينيها

  3. Disha
    07/09/2015 at 11:38

    سيبها وادعيلي 🙂

  4. جواهر
    08/02/2015 at 17:51

    بصراحة يا أستاذ انت ظلمتها.هي تصرفت على نيتها
    انا بشوف ان البنت اللعوبه هي الي تتخبى ببراءه مصطنعة
    بس هي تصرفت بتلقائية لانها بتحبك

  5. TTTT
    15/08/2014 at 10:34

    طبعا الغلط مشترك من الأول لكن من تسمح لنفسها بالزنا مع خطيب تحبه أو لا تكون محل شك بل اقرب الى التأكد من سوء تربيتها وقلة تحكمها فى نفسها ما ادراك اذا غبت عنها لسفر أو غيرة انها لن ترتكب فعلتها مع غيرك ..دى لسه بنت ووافقت ..امال لو متجوزه قبل كده هتعمل ايه ..احذروا نصيحه من سيده..

  6. نفس الموقف
    09/05/2013 at 04:27

    بص يا سيدي .. الموقف ده حصل معايا , كانت مكسوفة فالأول و على فكرة انا اللى بدأت الكلام معاها ف الجنس .. و بعد كدا فتحت معايا ع البحرى .. مكدبش عليك شكيت فيها و كنت على وشك انى أسبها .. فسألت عليها بطريقة غير مباشرة ف منطقتها و اتأكدت من انها مش بنت من اياهم .. اسأل عليها لأن فيه بنات من ثقتها و حبها ليك ممكن تسيب نفسها ليك … و ف النهاية رأي الدين معروف .. هتريح دماغك من الأختبارات و التفكير الطويل .. وربنا هيباركلك …

  7. كريم
    27/04/2013 at 15:25

    شوف ياخى انا بعانى من نفس مشكلتك اناخطبت زميلتى فى الشغل وانا عرفها وعارف اخلاقهاكويس هى حبوبه وبتحب الهزار واحنا وخدين على بعض قبل الخطوبه وهى كانت معجبه بياوانا بحبها قوى ولسه يدوب خطبتها من 3شهور ومخدناش وقت طويل علشان نخد على بعض وبدءنانتكلم فى امور الجنس والعمليه فتحت على البحرى وهى بقت تتطلب منى كلام ومسميات فى الجنس واناالاول كنت بتكسف مع انى عارف الكلام ده كويس وبعد كده قولتلهاكل اللى عوزة تسمعو واناطلبت منهااسمع منهاوهى كانت بتتكسف تقول لحد مااخدت عليه وابتدت تقولى وفيوم قلتلى كلام اول مرة اسمعو منهاروحت اناقيلهاماانتى اديكى عارفه الكلام ده ومن سعتها قفلت معيامش بتكلمنى وزعلت منى عشان افتكرت ان انابشك فيهاواناواللهى مش فنيتى حاجه وحشه وربنا يعلم وانابحبها وواثق فيها تمام وعارف ان كلامها معياده عن ثقه فشخصى وهى كانت ديماتقولى انابثق فيك اكتر من نفسى ياخى البنت لمابتحب بجد بتعمل اى حاجه عشان اللى بتحبو ومش معنى ان خطبتك وفقت ان تروح معاك فى الشقه اللى انت بتقول عليه ده معناه انها مش كويسه واللهى ابدا ياخى ده من حبها وثقتها فيك بس انا عاوز اقولك حاجه الغلط منى ومنك علشان احناخوضنافى الموضوع ده من الاول اناعارف ان ده غصب عن الواحد بحكم ان الواحد شاب وبيعانى من كبت جنسى وهمابرضو بيعانو من نفس المشكله ومش زنب البنت انها لمابتحب شخص وتثق فيه وتتطمنلو انها بتقول معاه الكلام ده ونيجى احنا بعد كده نظلم البنت معلش انا طولت عليك نهاية الكلام البنت دى بتحبك وسيبك من موضوع الشك ده واستعذبالله من الشيطان انالحد دلوقتى مش عارف احل مشكلتى بسب كلمه طلعت منى بحسن نيه ونصيحه اوعى تفتح معاهاالموضوع ده ولاتجيب سيرة وسيبك من الهبل اللى فدماغك وتوكل على الله وربنايوفقك

  8. alaa
    15/04/2013 at 13:18

    ارحموا من في الارض يرحمكم من في السماء .. انسانة بتحب واحد واتكلموا في الجنس وعرض عليها حاجة ووافقت خلاص بقت بنت مش كويسة وبنت ليل وبررتة انها مش هتعرف تربي ولادة
    كلنا نخطيء ونصيب سامحها وفهمها يااستاذي الفاضل لازم نكون متسامحين

  9. conan
    09/04/2013 at 16:48

    طبعا تسبها من غير نقاش ولا حتى تفكير

  10. صاحب المشكلة
    07/04/2013 at 12:53

    عاوز أوضح كمان انها قالتلى انها هتجيب معاها حبوب منع الحمل,وأكدت عليا انه لازم يحصل جماع بعد ما تاخد الحبة لانها خايفة يحصلها عقم!!!وكان واضح فى نبرة صوتها انها فرحانة بحاجة زى كده,لكن انا فكرت وسالت نفسة ازاى واحدة زى دى هتربى ولادى تربية كويسة!!!

  11. .....................
    25/03/2013 at 22:49

    تسمحلى اقول لحضرتك ان اللى بيحب حد مبيختبرهوش وبدل محضرتك فكرت التفكير ده وكمان بتقول انك بتخاف ربنا كنت كلمها وحاول تفهمها انها مينفعش تتكلم فى الحاجات ديه مش تختبرها والكلام التافه ده وبعدين انا مش مقتنع بحكاية انك اول ماقولتلها انك تقابلها فى بيت لوحدكم وتتعاملوا معاملة الازواج هى وافقت بالسرعة ديه اكيد قعدت تزن عليها وانت بنفسك قولت انها رفضت فالاولومن حبها ليكى مرضتش تزعلك ووافقة حرام عليك اتقى ربنا وارجع لخطبتها وارشدها للطريق الصحيح (على العموم ديه وجهة نظر والله اعلم)

  12. على
    23/03/2013 at 18:26

    لاسف هو دة الحل انك سبتها ولاكن استر عليها وربنا يهديا

  13. مدمنة السهر
    17/03/2013 at 22:59

    انت قلت اتفاجأت بطلبك يعني ممكن هي كمان بدها تجيك البيت وتختبرك ..ليش ديما لما ما يكون مشاكل نروح ندور عليها ندور ع النكد لحياتنا ليش نخلي الشيطان يلعب علينا ..حبيت اقولك كمان ان الحب فوق كل شيء والحب هو يلي خلاها تصير ساذجة مع ذئب مثلك نعم ذئب لانك تصرفت بمكر المفروض تحبو بعض يعني حتى لو قالت شيء غلط انت تفهمو صح المفروض تكونو تجاوزتو مرحلة الشك وغيرو الله يهديك يا اخ والله يستر كل البنات سلام

  14. مش مهم اسمي
    13/03/2013 at 19:21

    لا لا لا الموقف اللي انت اخدته صح جدا وبشجعك عليه انت ايش ضممنك ان هي معملتش كده مع حد قبليك

  15. مجرد راي
    12/03/2013 at 18:33

    احمد ربنا يا عم انك مكملتش معاها كنت هتفضل طول عمرك تشك فيها ..وربنا يهديها ..خلاصه الكلام دور علي تناسبك وترتاح لاخلاقها ويستحسن تحتفظ بسبب انفصالك من البنت دي لنفسك عشان ربنا يباركلك

  16. HanyMoh
    09/03/2013 at 00:36

    كان الأفضل من الأول تصدها عن الكلام في المواضيع دي بشكل قاطع، أما اختبارها فمش معناه فشلها، جايز هي شخصية عاطفية وبتحبك لدرجة كبيرة وضعفت قدام كلامك وطلبك، خاصة إنك بتقول إنك بتحبها، راجع نفسك ورد عليها وعرفها غلطها وعرفها اختبارك ده واديها فرصة تدافع عن نفسها، ومتنساش إنها خطيبتك يعني ممكن يكون راودها شعور وإحساس إن خلاص مفيش فرق ومفيش فرقة بينك وبينها، اديها فرصة تقنعك أو تقنعها إنها متنفعكش.

  17. ananas
    07/03/2013 at 15:35

    بسم الله

    اولا انا شايف ان انت الغلطان وانك انت اللي ولدت الشك دواك باختبارك ليها بالشكل ده ….اولا انت لو مش عارف اخلاقها كويس من الاول ليه ارتبط بيها لانك اكيد سالت عليها ….ثانيا : اعتقد انك انت اللي ساعدتها على كده بالكلام ..وكان ممكن من الاول تقولها لما نتجوز هنتكلم زي ما انتي عايزة او تخليها تقرا الكلام ده في ابحاث لكن مش منك شخصيا ….اسمحلي انا شايف انك انت اللي بدات الطريق….ودلوقتي عايز تنهيه

  18. متزوج بمزاجي
    06/03/2013 at 10:29

    اخي العزيز فترة الخطوبه هدفها ان الطرفين يدرسوا بعض ويختبروا بعض هو ده الهدف منها

    عادي جدا ان يحصل بينكم كلام في الجنس بطريقه راقيه ومتحضره وغير مبتذلة وموضوع الاختبار اللي انت عملته ده انا بصراحه محتار اقولك ايه لو فعلا البنت بتحبك جدا بطريقه قويه مش حب عادي ممكن توافق تعمل معاك اي حاجه بدافع الحب المسيطر عليها بدون سابق ترتيب مش بدافع الرغبه الجنسيه انا مؤمن ان (مش معنى ان البنت توافق انها تسلملك نفسها ان اخلاقها وحشه وانها ممكن تخونك بعد الجواز)لكن ده حرام وغلط ويغضب ربنا في النهايه

    الخلاصه لو البنت دي بتحبك حب كبير وكبير جدا كمل معاها واتناقش معاها بكل وضوح وقول لها اني كنت بتختبرك وانك فشلتي في الاختبار وشوف هي هتعمل ايه وتقول ايه

    انما لو حسيت ان حبها ليك حب جنسي وحب بنت لخطيبها يعني حب عادي يبقى ابعد عنها

  19. د/ احمد
    06/03/2013 at 07:00

    السلام عليكم ورحمته وبركاته
    اخى وحبيبى
    اشك لك حسن ظنك وخوفك من الله
    فى الغالب فتره الخطوبه يشوبها بعض التقاليد الخاطئه والاشياء التى انتى كنتى فى مناى عنها
    وما مررت به انت هى مشكله شباب مصر جميعا
    اما بخصوص ما فعلت فكان من الاولى عدم فعله لانها من المفترض انها تثق بك وعلى يقين انك ستتزوجها عاجلا ام اجلا
    ونصيحتى لك تهيئه نفسك اولا وتهيئه جو من الطمانينه قبل اعلان قرار الانفصال
    واارجوا رجاء وليس امرا ان تكون على حذرا تام تام فى حاله المرور بتجربه اخرى وانتى تنتقى الفتاه المصونه
    واخيرا وفققك الله ما يحبه ويرضاه
    والسلام عليكم ورحمته وبركاته

  20. خالد
    06/03/2013 at 03:41

    الله يكون فى عونك بجد ,, مش عارف اقولك ايه , لو كملت معاها اى حاجه هتشكك فيها , ولو مكملتش هتفضل حاسس بالذنب انك ممكن تكون ظلمتها ,

    الحل انك تسأل على اخلاقها من ناس كتير (بطريقة سرية طبعا ) ولو لقيتها طبيعيه ومحترمه كان بها …. لان ممكن تكون خلوتك بها وكونها اعتبرتك زوجها سببب ضعفها وموافقتها !!
    وممكن تكون شهوة زياده بسبب وجودك جمبها مش بسب ان اخلاقها قليله ,, ياريت تكون فهمت اللى اقصدة , وربنا يجعلك الخير

  21. صابين
    06/03/2013 at 01:34

    إظْفَر بِذات الدِّين ترِبت يدااك
    خير متاع الدُّنيا المرأة الصالحة
    لما تكون خطيبتك لسة خطوبة وبتتكلم بجرئة وسقوط بُرقُع الحياء
    الرجل يحب المرأة الحيية
    ربنا يرزقك بأحسن منها وانت أيضاً أعلم أن للخطوبة أحكامها الشريعة فلايجوز ان تمسكها من يديها او تجلس معها بدون محرم
    ولا يجوز ان تخرجا سويا
    من يتق الله يجعل له مخرجاً

  22. ...................
    05/03/2013 at 21:00

    السلام عليكم ورحمة الله
    اول شيء انت ما ظلمتها ابدا اخي لان الاصل في الفتاة التي تتصلح لتكون زوجة صالحة
    صفة الحياء لكن تلك الفتاة لا توجد بها تلك الصفة نهائيا كيف لفتاة ان تتحدث عن هكذا امور
    فهذه الفتاة للأسف أخي لا تصلح لان تكون معها اسرة ولا تستطيع الثقة بها نهائيا
    ولقد اخترت القرار الصحيح 100%

اترك رداً أو حلاً لهذه المشكلة