انا بحس دايما انى وحيده لانى ماعنديش غير اخ واحد وربنا ما رزقنيش لحد دلوقت بصحبة عدلة اللى تطلع غلاوية واللى مش كويسة واللى واللى …. عمرى ما حسيت انى طبيعية زى بقية البنات بتحب تخرج كتير وكده ويكون ليها صحاب بحب دايما انطوى على نفسى فى البيت وده لانى ليا اسبابى انا اليوم اللى باخرج فيه باطهق لانى ببقى حاسة ان كل العيون عليا كان ما فيش حد ماشى فى الشارع غيرى واللى يتريق على لبسى وباحس انى دايما دونا عن الناس كلوا بيتنح فيا فى الشارع وبينتقدنى ماما بتقولى انى ده حاجه عادية وكل البنات بيحصل معاها كده بس انا باحس انى ده مش حاجه طبيعية مع العلم انى بنت شكلى متوسط الجمال ومن عيلة غنية بالنسبة لمجتمعنا وبالبس اغلى حاجه بس باتقهر من اللى بينتقدنى فى الشارع ويضحك عليا ويقعدوا يبصولى بصات عجيبة جدا الحكاية ده ما كانتش بتحصل معايا وانا صغيرة يعنى وانا عندى 14 سنة اول ما دخلت سن المراهقة حسيت بكده وما عدتش باعيش حياتى زى الاول انا اللى بيجننى ان اللى انا صاحبتهم فى حياتى كانوا بيغيروا منى ويقعدوا يقوللولى انت حلوة ولبسك حلو بس مش عارفة ليه فى الشارع بيحصل معايا كده ومال ايش حال لو كنت وحشة كانوا حيتفوا عليا يعنى انا بجد مخنوقة مش عارفة اعمل اية ياترى ده حاجه عادية ولا انا اللى فيا حاجه غلط ويارب يرد عليا دكتور نفسى علشان انا مش حينفع اروح عند دكاتره يعالجولى اللى انا فية ده ماما خايفة على سمعتنا ليقولوا عليا مجنونة وارجوكم لو فى اى استفسار او ملاحظة اكتبوهالى حارد عليكم بسرعة وشكرا
البنات المراهقات
اعاني من الرهاب الاجتماعى بعد سن المراهقة
اضيف بتاريخ: Monday, September 17th, 2012 في 14:35
كلمات مشاكل وحلول: بنات, بنت, سن المراهقة
اختي الكريمة اعتقد انك تعانين من الفراغ والوحدةكثيرا وهذااثرعلى نفسيتك ومسبب لك المتاعب حاولي تمارس حياتك على طبيعتهادون تصنع اوتمثيل واكتسبي الثقةبالنفس من خلال الكلام مع زميلاتك في الجامعةاوفي اي مكان وتجنبي التغنج في المشي اوالتمايل لانهاتقلل قيمةالبنت امام الناس وتخلي الشباب يتهمونهابالانحلال وانها————- وهذامالاترضيه اوتتمناه اي بنت ان يقال عنهاكدا ايضا اللبس لازم يكون محتشم وغير فاضح للعورات كالصدروالوجه والساقين اولاذرع ولاتكوني ريحةعطرك فايحة تثير غرايزالشباب وتودي للمعاصي وربي يسترعليك
مش انتي لوحدك انا كمان زيك اول ما دخلت سن المراهقه حياتي اتغيرت
حبيتي لا تزعلي حالك انتي جميلة ولبسك حلو علاشان كدا بيبوسو عليكي علشان افضل منهم لوكنتي وحشة كنتي حتحسي انك طبيعية ولا واحد يهتمي فيك
السلام عليكم و رحمة الله و بركاته
احب انصحك فى حالتك من شخص مر بنفس الظروف دى و الحمد لله مرت على خير
اولا انتى تعانى من مرض نفسى اسمه الرهاب الاجتماعى و انك تحسى ان كل الناس بتبص لك و ساعات عرق او الشعولا بالخنقة و ضيق الصدر و ان كل الناس بتنتقدك
الحل الوحيد للعلاج من المرض ده الذهاب لطبيب نفسى لانه لا عيب ولا حرام
و لان ده اعضل مرض نفسى و بيسبب شلل لحياة الانسان
و الا ممكن تنعزلى اكتر و اكتر و تضيعى فرص كتير من حياتك و تتاخرى فى الدراسة
العلاج بيكون من شقين علاج نفسى و شق متوقف عليكى انتى و انك تصححى كل المفاهيم الغلط اللى عندك
و ده بياخد فترة كذا شهر
اولا الادوية لو تطلب الامر و جلسات العلاج النفسى اللى بتغير من مفهومك للاشياء الغلط المترسبة فى ذهنك
ارجوكى حاولا تصلحى من حياتك قبل ما يصيبك شلل فى حياتك
انا الحممد لله بعد اما كنت متاخر فى الدراسة و انسان مريض و تافه
الى انسان ناجح عمليا و اسريا
عادي حبيبتي و هالاشياء بتصيير بسن المراهقة انا عمري 15 سنة و قبل كنت زيّك ما بحب أخرج مع صحباتي و كل شئ بس هلأ الحمد الله تغيرت يعني خليكي واثقة من حالكك , الحياة بنعيشها مرة وحدة و كتييير ناس يتمنوا يرجعوا لعمرك , ليش بتزهقي حالك بأشياء ما الها داعي, و اهم شئ خليكي قريبة من ربنا و بادري بتنسيق جدول الاوقات و مارسي رياضة و اجتهدي بدراستك و الله يوفقك ان شاء الله 🙂
اللى فى دماغك ده اوهام صدقينى محدش بيبص عليكى فى الشارع او ينتقدك انتى اللى خايفة خصوصا انك بتقولى معندكيش صحبة كويسة انا جت علية فتره فقدت الثثقة فى نفسى وكنت باعتقد انى غريب جدا عن كل اللى حواليا وشكلى متبهدل عن اصحابى ومبعرفش اصاحب لغاية مابقاش ليا فعلا صحاب كنت زيك ولفتره تزيد عن السنتين لكن معالوقت عالجت نفسى وجدت ان ده وهم يعنى مثلا الناس اللى فى الشارع كلهم هيسيبو نفسهم ومشاكلهم واهتمامتهم ويركزوا على اللى ماشى ده ويقولو ده انسانغريب وكده انتى بالنسبلهم شخص عادى زى اى حد فى العالم بس انتى اللى بيتهيألك كده ودلوقتى انا الحمد لله عادى جدا وعندى اصحاب كتير جداووقعتفى الحب مع بنت وهى كمان بتحبنى اوى والامور مشيت بس انتى تخيلى ان مفيش حاجة عادى ان حد يبصلك فى الشارع ماكل الناس مش هتمشى بتبص فى الارض
تصدقي بالله اكنك بتتكلمي عليا انابرضو كدا.لما بخرج ف الشارع بحس اني هتاكل وان الناس مش عاجبها حالي.الكلام ده اول ايام الكليه.عارفه ف الثانوي وقبله كنت بخرج ستين مره ف اليوم.دلوقت اتقتل ولا اني اخرج.بس لما لقيت الناس ما بيعجبهاش حد قلت والله لاخرج وعادي ما دام لبسي محترم وماشيه محترمه وفكك م الناس .عارفه الانطوائيه دي هتتفك لما تبقي اجتماعيه شويه وبالذات لما تروحي الكليه وتشوفي الناس والبنات بتعمل ايه.هتعرفي انك غريبه ولازم تتغيري. فمش تقلقي
اولا احب اقولك ان بأذن الله مشكلتك سهله الحل اولا لازم تعرفى ان كل الناس فى الشارع زيك في منهم اللى مشغول بهمه وفى اللى زيك بيخاف من نظرات الناس كل الحكاية انك بس محتاجة شوية ثقة بنفسك انا كانت عندى نفس المشكلة دى وبفضل الله راحت طبعا اولا بهدى الله سبحانه وتعالى وكمان قرأت لدكتور التنمية البشرية ابراهيم الفقى(رحمه الله) كتب كتير فيه منها سحر الذكاء الاجتماعى وفى قوة الثقة بالنفس هتساعدك كتير .. واحب اقولك ان مفيش انسان كامل لازم تلاقى صديقة فيها اقل كمية عيوب بالنسبالك وتعرفى تتعاملى معاها ونصيحة شخصية حاولى تلاقى واحدة بنفس مشكلتك لانكو هتساعدو بعضكو اكتر وان شاء الله اكون افادتك ويارب يفك كربك تقربى من الله تعالى ووربنا مش هيضيعك انا متاكد وشكرا …
لا لا دي حاجه عاديه ما تخافيش وما تحطيش في دماغك حاجه … ولو عايزه تعرفي التفسير هقولك. …
الحكايه ان احنا الشباب يعني لما بنشوف واحده ويحصل معاكسه (سوري) لو ردت اوك ما ردتش ومحترمه فاي كلمه عشان تتضايق دي حاجه عاديه جدا يعني ….
هي المشكله ان البنات ما تعرفش قيمتنا الوطنيه لانهم ضعفنا خمس ست مرات ..4fun