مشاكل الحب والزواج

الزواج من رجل مطلق

انا للأسف كنت بحب معيد في الجامعة هو مش من كليتي من كلية تانية بس مصرحليش انو بيحبني وحصلت مابينا مشكلة وسيبنا بعض وهو بعد عني وراح يحضر ماجستير عشان يحاول ينساني وهو للأسف مش بيصلي ولا يعرف ربنا بس اتغير عشاني وبعد الانفصال مابقاش يصلي تاني قعدت بعديها رافضة فكرة الارتباط لحد ماجا معيد تاني في الجامعة ولقيت تصرفاتة معاياة مش طبعية ونظرات و اعجاب وابتسامات وهو المعيد بتاع صاحبتي فا سالتها عنو شكرلتي في اخلاقة وتتدينة وكنت دايما بشوفة رايح المسجد في الجامعة وبيصلي الفرض بفرضة بس بدأت اعجب بية بعد سنتين من انفصالي عن الاول وقلت ربنا عوضني بية بس للأسف عرفت انو كان متجوز ومخلف بنتين و مطلق وعايز يرتبط بجد وانا لو اديتو فرصة هياخد خطوة بجد لانة متدين وكان بيعامل صحبتي عادي واول ماعرف انها صحبتي بقا يعاملها كويس ويديها الدرجات كاملة ويسلم عليها وانا واقفة معاها بس الاول بيجي الجامعة في اوقات قليلة مش كتير بس مجرد اني اشوفة بحس باالضيق ومع العلم ان هو والاول يعرفو بعض معرفة سطحية مش عارفة ادي فرصة للمطلق  واكمل في طريق الزواج من رجل مطلق ولا ابعد واية ردة فعل الاول لما يعرف اني اتجوزت زميله ؟؟؟؟؟؟؟؟؟؟؟ مع العلم انو مش بيحب يجيب سيرة طليقته الاولى ولا بناتة ؟؟؟؟

مشاكل وحلول ذات صلة

اضيف بتاريخ: Saturday, January 15th, 2011 في 05:44

كلمات مشاكل وحلول: , , , , , , , ,

12 رد to “الزواج من رجل مطلق”

  1. امونة
    17/02/2011 at 12:36

    السلام عليكم عندي نفس المشكلة في رجل مطلق وله بنت وولد وعايز يتجوز مني بس انا حيرانة مش عارفة اقبل ولا ارفض خايفة من المشاكل مع الطليقة

  2. دودو
    03/02/2011 at 20:47

    انا من راءى مترعيش برغم ان الحياه لسة اقدامك ومن راءى تصلى صلات استخارة وعلى العلم لازم اهلك يوفقه ولو رافضوا انهى الموضوع

  3. هوبة2012
    19/01/2011 at 18:11

    عادى يابنتى انا مخطوبة لواحد مطلق وبحبه جدااااااااااااااااااا وهو بيحبنى اكتر **ده اسمه قدر هوقدره ونصيبه كده محدش يقدر يعترض بس المهم يكون كويس

  4. الاسلام هو الحل
    17/01/2011 at 11:16

    استخيري

    ويمكن البنات مع امهم

    ويعني المطلق أو المطلق محرم عليه الزواج مره اخرى؟؟؟

  5. صوت الرعد
    17/01/2011 at 09:11

    لا تهتمي لمشاعر الأول لأنه لم يهتم لمشاعرك عندما تركك ..

    ولا تهتمي للثاني لأنه غشاش .. صحيح أنه بتاع ربنا .. لكن مش أوي ، لو كان كما تقولين على أخلاق عالية وصاحب مبادئ لما غير درجة صاحبتك لأنها صاحبتك .. هو يتقرب إليك بشيء لا حق له فيه، وهو غير عادل وغير منصف . فهو إما يعطيها درجات لا تستحقها أو أنه كان لا ينصفها ..
    لا تستهيني بالمواقف البسيطة التي قد تبدو لك بسيطة ويمكن تجاهلها .. مثل هذ التصرف هو انعكاس لخلل كبير في شخصيته .. هذا من جهة ، ومن جهة أخرى أيضا خجله في ذكر واقعه وتجنبه لذكر أولاده .. الآن يقوم بذلك في مرحلة ما قبل الخطوبة ، لكن بعد الزواج لن يعود ليخجل منك .. وستظهر مشكلة أولاده .. لو كان رجلاً لواجهك بواقعه وبأولاده وطرح أمامك واقعه كما هو وحاول أن يصل معك إلى صيغة ترضيكما ..

    وكما يبدو لي أنك تبحثين في نطاق ضيق في محيطك يرتكز على المعيدين .. هناك شباب خارج الوسط ويمكن أن يكون لك فيهم نصيب .. لا تتعجلي نصيبك لإنه سوف يأتي عندما لا تتوقعين ذلك

    تحياتي

  6. reda
    17/01/2011 at 01:25

    دوري علي عريس اخر فالاول تركك وانتهينا والثاني الزواج منه مخاطره كبيره جدا وخاصة وجود اولاد ما تستعجليش وخليكي عاقله

  7. توتا
    16/01/2011 at 19:20

    بصى تتجوزى واحد مطلق دى اهلك اللى يحددوا انا من راى بلاش مش هيجبلك غير وجع الدماغ وممكن يرجع لطليقتة وبعدين عندة بنات دى كمان اصعب ولو هو مش بيجيب سيرة بناتة يبقى فين الدين عمرة ما هيقطعهم عشانك دول بردة بناتة وممكن هما يخلوا يرجع ليها انتى حرة دة راى بردة شوفى كدة راى اهلك هل هيوافقوا انك تكونى لراجل مطلق ومعاه بنتين ولا لا وربنا يوفقك

  8. صلوا على نبيكم محمد)(مسلمه
    15/01/2011 at 23:22

    صلى صلاه استخارة ولو هذا الشخص المطلق كويس ومتدين ذى ما بتقولى يبقى على خيرة الله بس اسالى بردوا عنه

  9. نداء
    15/01/2011 at 21:06

    بصى كل اللى اقدر اقولهولك انك تصلى صلاه استخاره وربنا يكرمك

  10. نورسين
    15/01/2011 at 18:34

    بسم الله الرحمن الرحيم
    انتى لسه متعلقه بالاول وهو فتى احلامك ولكن الواقع انه تركك يعنى خلاص القصه الورديه انتهت ومن سنتين والان لاح فى الافق رجل جاد يريد الزواج فهذا هو السؤال هل ترضى بهذا الرجل زوج لكى وهل هو من تستطيعين تكمله المشوار معه .اما بالنسبه للتدين فهو شئ جميل ولكن يكملها الطباع هل امين صادق كريم ؟؟ هل رجل فى تصرفاته ؟؟اما بالنسبه الى انه لا يريد التكلم عن طليقته فهذا خلق حسن امرنا الله بستر المسلمين ليسترنا فى الاخره .

  11. هوان الحب
    15/01/2011 at 16:18

    فكرة جوازك من مطلق انت واهلك اللى تحددوا ان كنتم تقبلوها اولا انا اعرف واحدة اتجوزت معيد بكلية مرموقة مطلق وكان له بنت والحمد لله عايشين كويس بس ده مش مقياس لازم تعرفى ايه اسباب الطلاق حتى تتأكدى من طباعه واخلاقه وكمان تتأكدى هل موضوع طلاقه ده نهائى ولا ممكن يبقى فى رجوع ساعتها هاتبقى زوجة تانية وانا شايفة ان لم تكن بداخلك مشاعر تجاهه وممكن تجيلك فرص افضل اصبرى اما المعيد الاول الذى كان يربطك به اعجاب انت قلت انه لم يصرح حتى بحبك يعنى مفيش مشكلة ولا ليه علاقة بالموضوع الا لو مشاعره اتحركت اذا سمع باحتمال خطوبتك لحد تانى ساعتها ممكن تقارنى وتشوفى انت عايزة مين بس اذا التزمت مع حد طبعا تقفلى اى باب مع غيره وربنا يوفقك

  12. حبيبة الرحمن
    15/01/2011 at 15:53

    انتي مطلقه وطليقك في عبر الدنيا عاوزه ترجعي ليه علي اي اساس ولا حتي بيركع لربه انتي ظروفك من نفسك الدكتور التاني يبقه لو اتقدم ليكي وافقي لانه عارف ربه ودينه واكده صدقيني هايقدر يحافظ عليكي وانه يعرف طريقك معرفه سطحيه انتي مالك لما يتزوجك يبقه يقطعه وانتي مالكيش دخل بالموضوع انتم دكتره وبس

اترك رداً أو حلاً لهذه المشكلة