مشاكل الشباب مع البنات

تقدمت لخطبة حبيبتي رغم الشك

السلام عليكم و رحمه الله و بركاته
انا هدخل في الموضع بدون مقدمات
انا اتعرفت علي بنت من الانترنت و هي تكبر عن بسنه و 10 اشهر
عرفت منها انها كانت علي علاقه بشاب لفتره سنه و انتهت من شهور قبل معرفتي بها
و مع الوقت كل يوم كنا بتعلق بيها جدااا و فعلا حددنا ميعاد و اتقابلنا
و كل يوم هايل .. كنت سعيد جداا و هي كمان كانت سعيده جداا
و مع الوقت تعددت مقابلاتنا و اتعلق بها اكتر
و لكن كل مره اتكلم معاها احاول اعرف حدود العلاقه اللي كانت قبلي مكنتش بترضي و كانت بتقلب الموضوع خناقه
المهم كنت بعدي الموضوع و بردو بفكر في لاي حد وصلت العلاقه دي و ازاي كان واحد معاها سنه و اكتر و ايه اسباب اللي خلتها تسيبه او هو يسبها
هي كانت تقولي هو مش بيعتمد علي نفسه – معتمد علي فلوس اهله
مع العلم اني متوسط الحال

سبنا بعض كتير جداااا و هي دايما تضغط عليا في اني اتقدم وانا بكون متردد الشك و حش جداااااااا
شاكك يكون حصل بينها و بينه حاجه لا سمح الله – لاني بردو مش حابب اظلم حد

و كل مره تجيلي المدينه اللي انا ساكن فيها مع العلم انها تبعد عن منزلها باكتر من /150 كيلو
و تكلمني اننا نرجع و نكمل و انها بتحبني

و اخر مره كانت في اول ايام العيد اتخانقنا يوم الوقفه و يوم العيد الصبح جاتلي
و لكن كانت مره مش عاديه بتعيط جدااا
و اللي يخوفني اكتر اننا قربنا من بعض قوي و لمست جسمها ( اللهم اغفر لي و لها ) و لكن الشيطان كان مسيطر جدااا علينا
و بدءت اشك فيها اكتر .. مع اني بحبها
و لكن هل دا حصل مع اللي قبلي
و بالفعل سبتها و بعدت عنها خالص و هي تتصل بيا تعيط و تقولي انها بتحبني و مش هتقدر تبعد عني
و لكني كنت في حاله شك و الحاله الثانيه اني جالي عقد عمل بالخارج و كنت متردد اكمل معاها ولاء من كل حاجه شكي و سفري

و بالفعل بعدنا عن بعض و خلصت كل اوراق السفر الخاصه بي
و اول ما اخدت التذكره حسيت اني هموت و اكلمها او اشوفها
و معرفتش اسيطر علي مشاعري
حاولت كتير اوصلها
المهم هي رفضت اننا نتكلم لاني كنت قاسي معاها في كلامي و اني انساها
و بالفعل حاولت اوصل تاني و وصلت عن طريق بنت زميله انها فقدت ثقتها بي و اذ كنت جاد
لازم اقابل اهلها رسمي غير كدا الموضوع منتهي
و بالفعل لاني بحبها كلمت والدها و روحتلها البيت و طلبتها منه و كان رجل مهذب جدااااااااا معي ومقدر ظروفي
الاهم اني سافرت و هي واقفه جانبي ججداا في سفري و يومياا علي اتصال
و تتصلي باهلي و مهتمه باوالدتي جدااااااا
ولكن انا مازلت اشك في اي وقت تتاخر بالاتصال اشك و حاسس انها مش هي اللي انا اعرفها
كنت خايف جداا من دا

مشاكل وحلول ذات صلة

اضيف بتاريخ: Sunday, October 7th, 2012 في 11:14

كلمات مشاكل وحلول: , ,

14 رد to “تقدمت لخطبة حبيبتي رغم الشك”

  1. وانا كمان
    26/06/2015 at 09:36

    انا كمان كدا بس كانت علاقة فيس بوك بس ولا شافته قبل كدا ولا شافها بس كانت بتقوله كلام حب زى مبتقولى دلوقتى وانا بحبها اوى ومش عارف اعمل ايه وعاوز اخطبها بس من بعد معرفت موضوع الفيس وانا قافل موبايلى وعاوز اسيبها مع انى عارف انها بتموت فيا دلوقتى وانا كمان بحبها بس مش قادر اسامحها

  2. اتقوالله
    16/01/2013 at 08:51

    اولا اناشايفه انها صادقه ولومكنتش صادقه وهدفهاالكدب مكنتش قالتلك من الاول انهاعرفت حد وكمان لوبتحبها بجد مش هتشك فيها لان الحب للاسف اعمى ومبيخلناش نشوف فى حبيبناعيوب وانت مش اول ولالااخر واحد يحب بنت حبت قبل كده ده طبيعى جدا امالو لوخايف من علاقتهاكانت ازاى انتاممكن تجيب السؤال بمية طريقه وكمان انتاقلقان على نفسك اوى وعلى انهاتكون مش كويسه ومش حاطط احساسها فى الاعتبار ليه دى وثقة فيك واديتك قلبها ولوسبتهابعد كل ده هتعذبها ولوكان تفكيرك كده من الاول كنت ابعد مش تعلقهاوتبعد وانامن راى ارمى الشك والماضي ورا وعيش وافرح معها واتقى ربنا فيها وربنا عمره ماهيخذلك طول مابتخافه

  3. امل
    15/11/2012 at 13:27

    انتا عرفتها عن طريق النت وهي عرفتك عن طريق الجامع مثلا يا اخي اتقي الله صلي صلاة استخارة متهيالي مفيش حد احسن من ربنا يديك المشورة وربنا يوفقك

  4. Black H
    04/11/2012 at 21:55

    أولا كل البنات بتقول إنسى الماضي وخلاص وبتاع هو إيه الهضل الاذلي ده ماهو معلش دلوقتي بصراحه البنات ميتوثقش فيها خالص
    و إنت خلطان فعلا عشان صبرت على الموضوع من الاول لو هيا بتحبك حقيقي كانت لازم تقولك لحد إيه وصلت العلاقه كل العلاقات معاها ده جواز يا جدعان يعني من الاخر لو خلفت منها عيال لازم تكون أومهم كويسه و ده من حأك لانها هتشيل أسمك و كمان هتشيل ولدها أسمك و أسمها يعني مينفعش من الاخر تبقه طرطور وله مركب قرون ومش عيب إن يكون حبت قبليك مادام كانت علاقه محترمه وكويسه لكن زياده عن الحد يبقه تسبها أحسن و أبعد وربنا إن شاء الله هيخليك تقابل أحسن منها لكن مادام هيا مش عايزه تقول يبقه من الاخر وبكل صراحه و عشان إحنا رجاله زي بعض يبقه في إن في الموضوع مش بقول إنها مش كويسه إن بعض الظن إثم برضه بس لازم تتحط النقط على الحروف ومعلش لكل بنت الراجل غير البنت
    الراجل راجل و البنت بنت لو لبنت غلطط محدش هيعبرها و ده المفروض لكن الراجل لو غلط ميبقاش راجل ستها بس برده ممكن يتجوز

  5. nosa
    21/10/2012 at 01:19

    ياااااااااا سلام يعنى خلاص هو ده الى مالى تفكيرك يا اخى حرام عليك
    مدام انت بتشك فيها كنت سبتها تشوف نصيبها مع حد تانى غيرك يريحها ويديها ثقته
    انا راى تسبها عارف ليه ؟؟ لانك هتتعبها وتطلع عينيها سبها لحد غيرك يريحها بس على فكره هى فى الحقيقة تستحق الثقه اكثر من اى بنت لان البنت الكدابه كانت هتقولك ان مليش اى نوع من العلاقات اما دى كانت امينه معاك يمكن هى مش عايزه تذكره عشان مش عايزه تفتكر الماضى وبالتالى لو انت قلقان مثلا من انها عملت حاجه غلط اسألها وريح نفسك وواجها بان ده هو الى قلقك وشوف هتقولك ايه

  6. اختك في الله
    17/10/2012 at 19:22

    بصراحة انا شايفة انها كويسة جدا مش مشكلة حكاية الماضي دي لان كتير جدا مننا عنده ماضي حاول انت بس تشيل الشك من دماغك وكفاية انها بتحبك ومستحملة عشانك وربنا يوفقك يارب وعلي فكرة مش كل علاقات النت وحشة في ناس كويسة جدا والايام كمان بتثبت وربنا يوفقك يارب

  7. مصطفى
    15/10/2012 at 20:53

    بص عقلك فى راسك تعرف خلاصك انت اولا بدات بدايه خطا بمصاحبتك لبنت مش من حقك تتكلم معاهامباشرة او بالتليفون او من النت معلش انا صريح معاك وكمان ان اخطات عندماتقدمت لها ولم تعرف ماضيها بالظبط وما حدث لهامن علاقات حتى لايكون هذا موضع شك وريبه بعد الزواج وربما ادى الى الطلاق فلابد ان تحسم هذه النقطه وانت على البر وحاول اخى الكريم انت تتحرى فى الزوجه التدين اهم شيئ كما قال رسولنا الكريم تنكح المراه لثلاث لمالها ولجمالها ولحسبها ونسباه ولدينها فاظفر بذات الدين تربت يداك . ذات الدين حتى تكون ماتنه على عرضك واولادك عندما تتركها وتسافر وربنا يصلح حالنا وحالك

  8. توته البنوته
    15/10/2012 at 08:06

    انا بنت وانا دخلت مو عشان اوقف معاها ولا معاك بس مدام هي عندها ماضي وانت شو عندك و لا …..؟ ثانيا انت بتحبها قد ايش ……؟ ثالث ابعد عن الشك ولا تفكر بالماضي …………؟ وصلي الاستخاره وشوف……؟بس اذا انت مو قادر تبعد الشك عنها فابعد عنها وغير رقمك وبيتك عشان تنساك ……؟لانو انتو اذا بديتوها بالشك كل شي بينكم مو حلو ….؟ واذا احد تعرف على احد من النت لا يتزوجون عشان حياتهم راح تكون مو حلوه لان الشك راح يعيش بينهم والسلام عليكم ورحمه الله وبركاته

  9. zizo
    13/10/2012 at 06:55

    الشك حرام استعد بالله وصلي صلاة استخارة,وبعدين مفيش بنت معندهاش ماضي المهم انها حتى لو بتخبي حاجة هي بتحبك وبتحب اهلك ومقدرة ظروفك انا بنظري غمض عنيك وتوكل على الله وحيكون خير بعدين ينوبك ثواب ليه ديما بنحكم على الانسان قبل ما نعرف الحقيقة الله عفو يحب العفو انسى الماضى وعيشوا الحب ده العمر قصير اوي

  10. karam k
    10/10/2012 at 05:13

    انت عرفتها عن طريق النت ولها تجارب سابقه وأكبر منك في السن _يبقي تبعد عنها خالص وتنساها قبل ما الشك يقتلك ويدمرك أند نفس هذه المشكله حدثت معي فأرجوك أنظر لمستقبلك وأقطع اي علاقه بيها لأن الحب اعمي وأنت دلوقت مش شايف عيوبها

  11. عباد الرحمن
    10/10/2012 at 01:54

    انت بتقول انكم لسه مرتبطين على حد فهمى ..شوف لما انتوا لسه مرتبطين وبتشك فيها امال بعد الزواج ح تعملوا ايه ..وغير كده هى ليه رافضة تقولك على علاقتها مع الشاب ده طالما بتحبك ومتمسكة بيك تصارحك بكل حاجة من دلوقتى علشان متفضلشى حياتك كلها شاكك فيها ..وهى لو بجد ما حصلتشى حاجة بينهم ليه خايفة لتحكيلك المفروض تكون واثقة من نفسها..اوعى تتردد فى سؤالك ليها عن ماضيها ومتسبهاش غير لما تقولك مش جايز تعرف الحقيقة ليلة الدخلة وايه ح تعمل فى وقتها انت لسه على البر ومسيرك تقابل غيرها ومع الوقت ح تنساها …وانا ضد العلاقات اللى من الانترنت دى خالص ازاى واحدة حبتك وحبيتها من الانترنت وتبقى واثق فيها ..البنت غير الولد فى الحاجات دى ..البنت اخلاق اخلاق اخلاق

  12. asmaa
    08/10/2012 at 18:54

    اخي العزيز انصحك…انلاتهتم بعلاقتها السابقه وان تهتم بمستقبلك وحاول علي قد ماتقدر انك تقترب منها ومن اهلها اوي وسيثبت لك السنين اذا كنت علي صواب اوخطا وربنا يوفقك

  13. خارج نطاق الخدمة
    08/10/2012 at 08:11

    انت عليك تحاسبها من يوم ماارتبطت بيها لكن اللي قبل كدة دة مش من حقك وانصحك صلي استخارة وربنا يوفقك للخير ولو فيها خير هتلاقي الموضوع يتم ولو مفيش فيها خير ليك ربنا هيبين ليك الحقيقه استعين بالله

  14. wadboram
    07/10/2012 at 22:41

    أخي العزيز…. الشك في اي علاقة هو بداية الإنهيار…لا تشغل بالك بما سبق في علاقتها… المهم المستقبل….و تأكد انك ستعرف اذا كانت بتحبك و لا لأ… قرب منها أكثر و ستثبت لك الأيام اذا كنت علي صواب أو خطأ

اترك رداً أو حلاً لهذه المشكلة