انا مخطوبة من سنتين كان عن حب بس هو كانت طريقتة وحشة اوي معايا وحشة اوي كانت ساعات توصل لاهانة وضرب وانا كنت بستحمل واسكت انا عارفة ان دي غلطتي من الاول بس كنت بحبة اوي ومتعلقة بية وبعدين اتكتب كتابنا وهو بيحبني وانا متاكدة من دة بس طريقتة زي ماهيا واما اتكلم معايا يتغير اسبوع اتنين ويرجع زي الاول هو عصبي اوي وكل حاجة عاوز كلامة يمشي وبس اي حاجة يقولها حتي لو كانت غلط ومش بيسأل عليا في اي حاجة مع ان انا بابا متوفي وهو البمفروض مسؤل عني في كل حاجة بس هو مرتبة قليل بس انا متضايقة منه اوي ولا معاملة كويسة ولا اي حاجة حلوة الايامدي بالذات انا منكرش انو بيحاول يسعدني بس طبعة بيغلب دة كلة وبشوف اما بكون تعبانة بيبقي خايف عليا اوي بس انا بجد طهقت من تصرفاتة احنا انفصلنا انهاردة دي تاني طلقة لينا قبل ما نتجوز مش عارفة انا صح ولا غلط انا طلبت كدة واتشاكبت معاة لانو طلب مني فلوس نخرج هو بعدها قالي انو كان بيهزر بس انا حسيت انو بيستغلني او طمعان فيا لان والدي سيبلي فلوس ف البنك سيباهم اجهز نفسي بيهم هو بيصعب عليا عشان بردو ظروفه وحشه بس هو كان معاه فلوس وسحبهم وضيعهم ف حاجات تافهه وعايز يتجوز ف شهر اربعه وهو مش معاه حاجه غير الاجهزه وعايز يجب قوضه النوم بس وبيقولي قوضه الاطفال بعدين ومرتبه مش بيقضيه لوحده يبقي هيقضينا ازاي وعايز هو يجيب حاجات ع قده وانا اجيب حاجات كويسه ونضيفه اعمل اية لو قال نرجع اوافق ولا لا
مشاكل الازواج
الطلاق للمرة التانية قبل ليلة الدخلة اعمل ايه
اضيف بتاريخ: Saturday, September 7th, 2013 في 13:27
كلمات مشاكل وحلول: الزواج, الطلاق, ليلة الدخله, مخطوبة
اختي العزيزة طالما حصل بينكم طلاق مرتين وانتو لسه على البر امال هيعمل فيك ايه بعد الزواج دي علامات لعدم الوفاق والارتياح بينكما افضل انك تسيبيه دلوقتي قبل ماتسبييه وانت معك اطفال منه وصدقينى الشخص ده لايستاهلك ولاعمره يقدرك اويصوتك او يسعدك في حياتك ربنا بيكرمك ويعوضك خير منه ان شاءالله
اختي من الغباء والسذاجة انك تفكري ترجعيله بعد كلدا اللي عمله فيك تبقي رخصتي نفسك وفرطتي في كرامتك وكرامةاهلك خليه يغور في 60داهية من قلة الرجالة ولاايه ولاشايف انك بنت مقطوعة من شجرة ماحدش لك اهل ولا فاكر نفسه مين بلاقرف صدقينى لوعملتي كدايبقى انت بنت جدعة تعرفي تصوني شرفك وكرامتك وتحافظي عليها وماتخليه ياثر عليك بكلامه المعسول المزيف المخادع فهو شخص سافل وبلااخلاق ولا تقدير ولااحترام عمره مايسعدك ولايقدر يحافظ عليك اشتري سعادتك واستردي كرامتك اللي اهاناها ذلك السافل المنحط وتاكدي ان ربنا بيكرمك ويعوضك خير منه مليون مرة ياجميل انتي تستاهلي راجل بمعنى الكلمة على دين وخلق ويقدر الزوجة ويحترمها ويعطيها كل حقوقها الزوجية اتمنى انك تحسني الاختيار الجيد للزوج في المرة القادمة من كل النواحي وفقك الله وسترعليك واكرمك بكل الخير والسعادة في حياتك
شوفي يااختي الفاضلة دام حصل طلاق مرتين وانتولسة على البرمادخل بك فتاكدي انه غيرجديربالارتباط بك ولاعمره حيقدرك ويحافظ عليك اوعي ترجعي له تاني عشان كرامتك وعزةنفسك لانك تضيعي عمرك وشبابك مع واحداناني واتكالي وطمعان فيك وشايفك صيدةسهلة له اتركيه يغورفي داهيةالله الغاني عن هذي الزواجة وربنايكرمك ويعوضك بالزوج الصالح القادريسعدك ويهنيك في الحياة ويتحمل اعباءالمسولية وفقك الله وسترعليك
اعوذ بالله من هذالانسان وافعاله معك تدل على انه غيرجديربالارتباط بك وليس كفو يكون زوج لك اتقي الله ف نفسك ولاتلقي بهالتهلكة واحمدي الله انك عرفتي حقيقته وطباعه الوحشة اتركيه واشتري راحتك وسعادتك وربك بيعوضك خيرمنه بابن الحلال اللي يستاهلك ويقدرك وتسعدي معه في الحياة
تستهلى كل الى هيجرالك لو رجعتيلو ولو رجعتى متكتبيش مشكلتك هناة تانى لان مش هيبقا ليها حل هنا ولا فى العالم كلو انتى لسة على البر قبل ما تضيعى نفسك وغلطان وميت غلطان الى يعامل جوزك دة بامان متسبيش حقك انهاردة بيهولهالك بهزارهاتى فلوس بكرا يقولهالك بجد بضرب وممكن يسرقك ولو حصل اى مشكلة هتبقا التالتة تبتا دة مينفعش اب لعيالك منفعش زوج ليكى هيتفع اب لعيالك متفكريش فى نفسك وبس فكرى فى اولادك متبقيش انانية وميهمكيش كلام الناس ربنا اعلم لوهمك كلام الناس يبقا هيهمك وقت ماتتطلقى التالتة ولمة تكونى مدام وحامل والله اعلم اسفة جداللاطالة
لاحول ولا قوه الا بالله ماينفعش ترجعيله ولا عاد ينفع معاه الكلام ان شاء الله وماتفكريش فى رجوع ليه تانى لان انتى اللى هاتضيعى فى الاخر اصبرى واحتسبى هوا لا اول واحد ولااخر واحد فى على فكره فى ناس كتير محترمه واحمدى ربنا انه انتى اكتشفتيه عالبر كده اصبرى حبيبتى وان شاء الله ربنا هايعوضك احسن منه مليون مره دعواتك
لا طبعا اوعي ترجعيله
انا راي يااختي اللي يعمل كده قبل الدخله يبقي هيعمل ايه بعد الجواز … ياريت تسيبك منه خالص واكيد ربنا هيرزق بواحد محترم ومتخفيش كل شئ مكتوب عند ربنا بوقت وميعاد ولحياه لن تقف عليه ولكن توقعي انك قد اكملتي الفرح وحصل طلاق للمره الثالثه فماذا سوف يكون الحل فالان اسهل بكثير
طالما حصل طلاق مرتين وانتوا لسة على البر يبقى دي علامة لعدم الوفاق وتسيبيه دلوقتي افضل ما تسيبيه وانتوا بينكم اطفال