العذرية وغشاء البكارة

رغم الكشف الطبي ما زلت موسوسة بخصوص العذرية

السلام عليكم ارجوكم ارجوكم محدش يحكم عليا والله انا كويسه..

الموضوع بدأ معايا فى الصغر كده فى سنه 4 او 6 وعرفت العادة السرية بالصدفة، اقسم بالله من غير ما اكون عارفه انا بعمل ايه ولا ايه ده ولا حرام ولا، بس كان ممارستى سطحية

وفي مرة عملتها وبعديها دخلت الحمام انا بفتح رجلى شويه وانا بقضى حاجه وكان اندفاع الشطافه متوسط مش قوى اوى ولا ضعيف ومش فاكره هو اتوجه لفين بالظبط وبعدها او كان قبلها لاحظت زى نقط دم فاتحه اوى كده بس غالبا كان فى البنطلون نفسه فى الجمب عند او مش فاكره خالص.

فقريت بالصدفه عن الموضوع ده، صارحت ماما وخدتنى لدكتور نسا وفحصنى وقال سليم وكل حاجه وكنت تناسيت الموضوع خالص خالص، وبطلت العادة السرية دى فتره كبيره اوى وللاسف رجعتلها بعدها بطريقه سطحية بس قليل.

ودلوقتى بقالى فتره كبيره مبطلاها وواخده وعد انى مش حرجعلها وندمانه ندم عمرى، المهم مره كده قريت على الفيس كلمه بوست ان غشاء البكارة بينفض بسهوله ومن جرى او حركه للبنت مش متعوده عليها من الرياضه او اندفاع المايه.

رجعتلى وساوسي تانى ورجعت افحص نفسي تانى ولقيت ان الشكل متغيرش خالص على حسب ذاكرتى من قبل ما اروح للدكتور، فاطمئننت، وبعد كده قريت ان الدكاتره ممكن تغلط وان الفحص مش بالسهولة وصعب جدا والدكاتره بتغلط فيه، فخوفت وقعدت اعيط ان الدكتور يكون غلط وقال انه سليم.

ده غير قعدت بعدها اعيك انى ممكن من كتر فحصى لنفسي اكون مزقته، مع العلم انى مدخلش اى حاجه خالص فى المهبل نهائي وانا بفحص فقريت انه عادى مش بيمزقه ولا حاجه.

وانا بطبعى موسوسة شويه فى اى حاجه وبقارن نفسي بكل صور الغشاء السليم بلاقيه زيها، المهم انا دلوقتى رجعتلى الوساوس تانى لدرجه انى بقيت اخاف من اى حركه يحصله حاجه وبعيط ليل نهار مع العلم انى مدخلش اى حاجه خالص غير حادثه المايه دى وكشفت بعدها.

مش عارفه اتخلص من الوسواس ده ازاى وهل فعلا ممكن الدكاتره تغلط هو كان دكتور نسا وتوليد وفحص بالنظر كده ومن غير تردد قاله تمام مفيهوش حاجه.

نفسي اتخلص من كل الوساوس دى وندمانه ندم عمرى على كل مره عملت فيها العادة الزفته دي، ونفسيتى زفت وحاسه ان حياتى وقفت خلاص.

ولو لا قدر الله طلع جراله حاجه، فى اى وسائل يتعرف انى عذراء؟ وان التمزق ده مش بسبب علاقة حرام؟ والزوج بيبقى مهتم بالدم ده ليلة الدخلة وبيركز فيه اوى ولو ملقهوش بيطلق البنت فى ساعتها ..والله نفسي اموت عشان اخلص من العذاب ده

مشاكل وحلول ذات صلة

اضيف بتاريخ: Friday, August 18th, 2017 في 18:20

كلمات مشاكل وحلول: , , , , ,

3 رد to “رغم الكشف الطبي ما زلت موسوسة بخصوص العذرية”

  1. نصيحة اخت
    29/08/2017 at 03:10

    اولا بلاش وساوس عشان تعرفي تعيشي حياتك انسي الموضوع
    ثانيا ان حتي لو عندك غشاء بكاره احتمال كبير جدا انك متنزفيش ليلة دخلتك فيه بنات غشاء بكارتهم بيبقا كامل ومبينزفوش برضه اتاكدي من كلاميي على اليوتيوب وائل البنا
    ثالثا معلش انسي الناس الى بتقول ان غشاء البكاره ممكن يتفض بالجري او الرياضه ده كلام لا اساس له من الصحه واي عك واي هبل واي قلق وخلاص انسي كل الكلام ده تماما غشاء البكاره ميتفضش الا لو شيء صلب دخل من جوه مينفعش خالصص يتفض بحاجه سطحيه انسي موضوع الغشاء ده لانه مش دليل على شرف البنت اطلاقا ومدام الدكتور قالك انك كويسه فخلاص ومظنش انه يغلط ده دكتور مش بتاع كشري

  2. ابوالبتول
    20/08/2017 at 00:48

    ياابنتي زي ماقالكم الدكتورانت سليمة وغشاء بكارتك سليم وماحصلهوش حاجة اطمني ومافي داع للقلق والوسواس دية وعايزك تعرفي ان غشاءبكارة الفتاة لايفض الا بادخال شي صلب اومن خلال علاقة جنسية وده الحمدلله ماحصلك ابدا ولابد ان تقلع عن ممارسة العادة السرية لانها حرام وهي من عمل الشيطان وسواسه واهتم في نفسك وحافظي على صلاتك في وقتها واقري القران باستمرار واكثري من الصوم والاهتمام في دراستك والتفوق فيها واحذري من النظر للاماكن الحساسة في جسمك كالمهبل او العبث بها حتى تحافظ على شرفكي وعذريتكي ومسالة هل يعرف انك عذراء اولا الطبيب قادر يعرف ان كنت فقدت بكارتك من خلال علاقه اوبسقوط اودخال شي في المهبل ادى الى تمزق غشاءالبكارة ومسالة هل الزوج مهتم بنزول الدم ليلةالدخلة نعم الزوج في ليلة الدخلة بيهتم بالحاجة دي ولااظن انه ممكن يطلق زوجته فمن الافضل انها تصارحه بالحقيقة ان كانت فعلا فقدت غشاءها وتسترنفسها ولاتخبره لانو الشك ممكن يدمر حياتهم الزوجية ويقضى عليها والله يسترعليك ويوفقك ويسعدك في حياتك

  3. كريم نور
    19/08/2017 at 12:51

    انتي سليمة متقلقيش دايما حطي ف عقلك انك عذراء لان لو اتجوزتي وكنت قلقانة هو هيشك فيكي حتي لو من نظرة عنيكي ف بنات بتبقي سليمة بس خوفها او بتساله يوم الدخلة عن الحجات دي بيشك ع طول وهتعيشي ف تعاسة ومشاكل .. لو سنك فوق 18 سم .. لو اتقدملك حد مناسب خطوبة وجواز علطول لان اللي بيعمل العادة مش بيسبها نهائي هترجعلها تاني وثالث ورابع طول مالشيطان موجود وانتي موسوسة بطبعك .. لو سنك اقل من 18 سنة ركزي ف دراستك واقرائي قران ودايما متطوليش ف الحمام حتي لو بتاخد دش هما دقيقتين وقربي من ربنا اشغلي نفسك باي حاجة وركزي ف دراستك وربنا يهديكي ويهدينا

اترك رداً أو حلاً لهذه المشكلة