بأختصار انا فى 3 ثانوى علمى علوم ، امتحانى الشهر الجاى ، مش عاوزة اوصفلكم مدى صعوبه المسؤليه اللى انا شايلاها بسبب الثانويه دى ، مسئوليه كبيرة جدا عليا ، وعليا عيون كتيره من الجيران ومن صحابى ومن جوه عائلتى وكلهم شايفين انى مش أد المسئوليه دى وانى مش هدخل كليه الطب ، انا عندى امل وكل حاجه انتو هتحكوها وعندى ايمان بربنا ومش بهتم بكلام الناس وعارفه كل حاجه هتتقالى ، بس انا مش عندى إرادة كسلانه جداااا مخلصتش مواد وفى مواد مفتحتهاش من الاصل زى الانجليزى والالمانى ، مش عارفه هلحق اخلص اللى ورايا فى الشهر ده ولا لاء ، مش عارفه اتصرف ازاى ؟!!
مشاكل الثانوية العامة
حاسة بحمل كبير بسبب امتحانات الثانوية
اضيف بتاريخ: Saturday, May 16th, 2015 في 02:34
كلمات مشاكل وحلول: الثانوية, الثانوية العامة, امتحانات
متقلقيش ربنا مش هيضيع تعبك .. وبالنسبة للوقت .. لسه فى وقت كبير مش صغير لسه فى اسبوعين كاملين تلحقي تخلصي فيهم المنهج و تراجعي قبل كل مادة و ان شاء الله خير ..
بص انت لازم تكون عندك ايمان بالله ثم نفسك و اراده لازم تكون شايف نفسك وانت جايب مجموع علشان تفرح اهلك وعلشان تثبت انك قد المسئوليه ويكون عندك اراده قويه وتحاول تنظم وقتك فى الحل و المذاكره
اتمنا لك التوفيق
بسم الله الرحمن الرحيم والصلاة والسلام علي رسول الله صلي الله علية وسلم
صلوا علية جميعا
اختي العزيزة
من خلاصة كلامك اري ان مشكلتك تكمن وتوجد في عدم ثقتك بنفسك وعدم وجود ارادة لديكي
علفكرا من كلامك انتي عندك حوافز كثيرة اوي بس انتي مش بتستخدميها لما تجيلك حالة يأْس
يعني مثلا لو جاتلك حالة ياس افتكري الناس اللي بيبصوا ليكي
افتكري مدي علو الشان اللي هتوصلي لية وهتوصلي اهلك ليه
لية بتحبطي بنفسك ؟؟
انا لو مكانك الايام الجاية دي
اقفل الكمبيوتر واشيل النت وادية لماما
واروح اوضتي اقفل الباب علي نفسي وادح في الكتب بمعني الدح
بالورقة والقلم
بمعني حفظ وفهم
ومتقلقيش واسالي نفسك سؤال : هما اللي بيجبوا درجات اعلي منك وداخلين طب احسن منك في اية
عندهم ايد وانتي لا
ولا اية ؟؟؟؟؟؟؟؟؟؟؟؟؟؟؟؟؟؟؟؟؟
ادي الثقة لنفسك قولي في نفسك انا متفوقة انا هلحق الم المنهج
متخليش اليأس يسيطر عليكي