امى بتخون بابا ولا اعرف اتصرف والناس بيتكلموا على دخول هذا الرجل البيت عندنا وخطيبى بيقول مين ده لا اعرف اقول ايه وانها بتنام معه لدرجة انى بكون مجروحة من هذا الموقف ولاحتى اقدر اتكلم معها بشكل منطقى ولا حتى اقول اى شئ لبابا لانه قد يسبب مشاكل كتير والمشكلة الاكبر بتقول لى بعد اذنك انا هدخل جوه شوية واقفل الباب ومش هتاخر وخلى بالك من اخواتك وانا اخواتى صغيرين لا يعرفون اى شئ وهو يقول لى انتى زى بنتى بس انا مش طيقاة ولا اقدر ازعل امى منى لانها بيكون عقبها شديد اوى وبتخلى البيت كله نكد وممكن تصلت بابا عليا وتخلى يزعق لى ارجو منكم حلول بشكل كويس حتى لا اجرح امى ولا ابى
الوصف
مشاكل اسرية|مشاكل عائلية|مشاكل اسرية وحلول
بحث مصريات
- مشاكل عامة
- مشاكل تقنية
- مشاكل التعليم
- مشاكل صحية
- مشاكل زوجية
- مشاكل الحب
- مشاكل الشباب
- مشاكل البنات
- ازالة الشعر
- اسرار البنات
- التحرش الجنسي
- الرشاقة والجمال
- العادة السرية عند البنات
- العذرية وغشاء البكارة
- ختان البنات
- مشاكل الارامل
- مشاكل البشرة
- مشاكل البنات المراهقات
- مشاكل البنات النفسية
- مشاكل البنات في المدارس
- مشاكل البنات قبل الزواج
- مشاكل البنات مع الشباب
- مشاكل الخطوبة
- مشاكل الشعر
- مشاكل العنوسة
- مشاكل المطلقات
- هموم البنات
شكاوي المواطنين
- بناء مخالف في المعصرة ملوي المنيا
- جمعيه العدوه الزراعيه باسوان
- فساد بادارة اطفيح التعليمية الجيزة
- مكبر الصوت بزاوية الهدى حلمية الزيتون
- ادخال الكهرباء لعقار بدار السلام القاهرة
- عدم توفرخطوط ارضى بسنترال المرج
- فصل تعسفى من شركة بالاسكندرية
- فساد بمركز يوسف الصديق الفيوم
- أغتصاب بيئي بقرية سنتريس المنوفية
- لا يوجد حرارة التليفون المنزلي
مجلة مصريات
- نتيجة الشهادة الابتدائية على موقع وزارة التربية والتعليم 2012
- موقع نتيجة الشهادة الابتدائية لتلاميذ محافظة بني سويف 2012
- نتيجة الشهادة الابتدائية الصف السادس محافظة المنوفية 2012
- موقع نتيجة الشهادة الابتدائية الفصل الدراسي الثاني 2012
- تابع نتيجة الشهادة الاعدادية لكافة مدارس المهني والعام 2012
- ارقام جلوس امتحانات الثانوية العامة 2012 واماكن اللجان في مصر
- نتيجة الشهادة الاعدادية لمدارس محافظة بني سويف 2012 برقم الجلوس
انتي ممكن فعلا تقولي لخلاتك ولو معندكيش خالات قولي لاي حد من ستات عيلتها يمكن الموضوع يتحل قبل باباكي ما يعرف وربنا يهدي كل عاصي
قَـيّـم هذا الحل:
2 
1
ازاى الكلام ده يعنى ..امك تخون والدك وفى وجودك واخواتك فى المنزل فى نفس الوقت ..لا حول ولا قوه الا بالله ..هو ديناتكم ايه بالظبط يعنى ده ولا الملحدين يعملوا كده عينى عينك … على العموم قولى لابوكى.. مع انى شاكك ان ابوكى يعرف بالموضوع شكلكوا عيله مش مظبوطه
قَـيّـم هذا الحل:
0 
2
hواللةهل القصة ولا في الافلام ايه الحقارة تي تي وحدةالقتل قليل فيهاوبعدين كيف بتسمحي لامك تفوت حقير على المنزل الحق عليكي انتي توءمني لهم الحماية مادام انتي موجودة خبري ابوك وخوالك مع بعض لان الوقت مش لصالحك وانتي مخطوبة عجلي لانو يلي تبيع جسدها راح تبيع جسدبنتها وصية لا تخبري امك شيء لانو موغريب عليها تسوي شيئ بيكي اللةيوفقك
قَـيّـم هذا الحل:
2 
0
السلام عليك
اختى موضوعك كبير جدا وحساس
الخيانة كبيرة من الكبائر
ولايمكن ابدا ان تسكتى عن هذ الموضوع
وهذالرجل الذى يدخل فى بيت ابوك … اقتليه
وانا لا ابالغ ابدا
قَـيّـم هذا الحل:
0 
0
حبيبتي انا مريت في الظروف دي تماما والمشكلة اني من كثرة سكاتي عليها جا مرة وكبرت انا واختي وصارت بتجيسب لينا رجالة عشان ….. بس احنا رفضنا وخرجنا مكنالبيت ودي الوقتي ملطقين وسايبينها لوحدها صدقيني دول يا حبيبتي مش امهات عشان حتى لو كانت بتحب الراجل ده كان فيها تطلب طلاقها هيجي يوم وهتندمي اعملي الللي لازم يتعمل بعقل مش قلب
قَـيّـم هذا الحل:
2 
0
والله مش عارفة اقولك ايه بس والله انا حسه بيكي قوى لانى للاسف كنت فى نفس موقفك ده وكنت سكته وخايفة اقول عشان متحصلش مشاكل فى البيت واخواتى برده صغيرين وامى كانت وصلت لحالة من الفجور لدرجة انها خلت اختى تتعرف على واحد من ورا بابا ولكن صدقينى لازم تلاقى حل ضرورى عشان تنقظى بيتكم من الخراب انا امى دلوقتى هربت مع واحد وسابت البيت واتطلقت من بابا وراحت اتجوزت وسلبت اخواتى صغيرين بس على فكرة احنا حاليا مبسوطين اكتر مكانت معانا ايوة نعم البيت لازم يكون فيه ام قبل الاب ولكن عسى ان تكرهو شئ وهو خير لكم فلو كنتى بتحبى انك تحافظى على بيتكو انقظى بيتك فورا وخليكى شجاعة مش زى انا مفضلت سكته لح البيت منخرب وبفضيحه كمان والله ارجوكى انتى دلوقتى حاولى يااما تتكلمى معاها وتزكى لها ربنا وعقابه لها ولو متنصحتش ولقيتيها مصممة بسرعة تروحى لباباكى وتحكيلو على اللى حصل ولو برده مفيش فايده حاولى تدخلى خالك او اى حد يقدر يقصر عليها وخصوصا من قرايبهاهيا ولو مفيش فايده خلى باباكى يطلقها احسن متهرب وتتطلبه بشوشره والناس كلها تعرف وسعتها هتندمى زى ما انا ندمت والله العظيم انا حسه بيكى قوى لانى كنت فى يوم من الايام مكانك والاول صلى صلاة استخاره وخليكى على طول تدعيلها ان ربنا يهديها ويغفرلها وربنا يوفقك للى فيه الخير ويرزقك بابن الحلال وعلى فكرة ولو سبتكو اوعى تدمعى عليها فى يوم من الايام لانها متستحقش اى دمعة منك وان شاء الله ربنا عقابه كبير ليه ولامى ولكن وحده عملت كده
قَـيّـم هذا الحل:
0 
0
انا مش عارفه اقولك ايه خايفه اقولك تقولي لابوكي يحصل مشاكل كتييييييييييير وتطلق وتبقي انتي واخواتك متشحططين بس هقولك ع حاجه لزم تخبري خالاتك بس البنات وهما هيصرفوا عشان مش تحصل فضايح وعشان سمعتكووووووووووووو متتخطش في الارض براحه كده عشان محدش من الناس تعرف حاجه وربنا معاكي ….قلبي معاكي انا اضايقت اووووووي عشانك خلي بالك من نفسك
قَـيّـم هذا الحل:
1 
0
تريدون عرض الدنيا والله يريد الاخره)
امك تستحق القتل ولاكن هناك اسباب حقيقيه وراء الخيانه لابد من النظر اليها اولا تتصلي بابوكي وتقوليله ان في واحد بينام مع مراته وتقوليله انك فاعل خير ثانيا ممكن لو تقدري تتناقشي مع امك دي وتقوليلها بطريقه لبقه ايه اسباب الخيانه وتخليها تراجع دكتور نفسي والله اعلم واذا سمحتي تردي عشان اعرف اذا كانت المشكله لازالت ولا لسه وممكن نحاول نلاقي حل امثل
قَـيّـم هذا الحل:
2 
2
أنصحك أن تخبري أبيك في الوقت الذي يكون فيه هذا الخبيث مع أمك في المنزل وأتركي له حرية التصرف
قيم هذا الحل سلباً او ايجاباً:
4 
2
ابنتى الغالية
ازاى تسمحى لامك تعمل كدة فى البيت اصلا غلط
وشرف ابوكى ينداس من ست مستهترة ذى دية
ابلغى اخواليك او خالتيك بما يحدث وهم سوف يتصرفون
واتمنى انهم مايكونوش زيها وان كانو زيها بلغى عمك او عمتك وهى هتتصرف
دة شرف ابوكى ولاتكلميها وخلى بالك من نفسيك لانها مش امينة عليكى
قَـيّـم هذا الحل:
3 
0
امك دى انسانه مش بتحس المفروض تخاف عليكى علشان انتى بنت ومتعمليش زيها خلى ابوكى يطلقها ويرميها بره وهى تعرفان الله حق
قيم هذا الحل سلباً او ايجاباً:
6 
1
انت خايفه امك تزعل عارفه انا لو منك اشيل ابويا علي راسي وشرفو جوة عيني امك دى مش ام اصلا انا مش عارفه انتي ايه ايه امممم مش ارفه اقولك ايه انا زعلان اوووي ومخنوقه علي الا بنشوفه وعلى الا بيحصل مش بصدق والله هتجنن امال الام بتعمل كدة امال البنت بتعمل ايه خدى بالك من نفسك محدش هينفعك لا امك ولا ابوكي ولا اخوتك اخواتك خدى بالك منهم وحفظى على نفسك ابوكي لازم يعرف ويطلق امك سوري يعني يبقا اسمها مطلقه احسن ما بتنام كل يوم مع واحد والناس عارفه وياريت الكلام بيجي عليها لا دة بيجي على ابوكي
قيم هذا الحل سلباً او ايجاباً:
5 
0
لاحول ولاقوه الا بالله كده قدام عيالها وفى بيتها وانتى نفسيتك عامله ازاى بصى الراجل ده لومتجوز جيبى رقم بيته وقولى لمراته وافضحيه وامك قوليها هفضح الموضوع اتقى ربنافيا وفى خواتى يااماتتطلقى من بابا وتروحى تعيشى مع الراجل ده بعيد عننا كده اكراملها بدل ماتمارس الجنس فى الحرام قدام عيالها وانتى اعتبريها مريضه واوعى تاخديها عبره ليكى يابنتى ماتبقيش سلبيه كده من راى منكم منكرا فلغيره ده على الغريب مابالك امك مش حد غريب اعملى حاجه انتى كبيره وواعيه والمفروض تعرفى هتعملى ايه ممكن خطيبك يسيبك وسمعتك تبوز ماهى الناس ديما تقول البنت لامها هدديها انك ياماتبعد عن الراجل ده ياماهتقولى لابوكى على الحقيقه
حل مناسب حسب التصويت. وانت ما هو رأيك?
10 
0
لا بصراحه امك عندها ذوق بتستاذن منك الاول وكمان الرجل اللى معاه طيب وامير بيقولك انتى ذى بنتى يا سلاااااااااااااام على الاخلاق العاليه لا وانتى كمان بتقولى انك مش قادرة تجرحى امك لا يا حبيبتى مش حتجرحيها ولا حاجه لانك لو مش جرحتيها لو جبتى سكينه وقطعتيها مش حتنزل نقطه دم واحده يا اختى امك لا تستحق الشفقه ولا الرخحمه ارحمى ابوكى اللى امك ممرمطه كرامته فى الوحل الحل انك تكلمى امك وتقوليها مين الرجل ده وبيدخل بيتنا باى حق وانك مش قابله الوضع ده وهدديها انك حتقولى لابوكى لو ما نصلحش حالها ولما يدخل الرجل ده البيت خلى عندك شجاعه واطرديه وقوليله متجيش بيتنا ثانى يا قذر وانا مش بنتك انا ليا اب برقبتك ورقبه اللى خلفوك حيحصل ايه لو عمكلتى كده امك حتزعل ما تزعل ولا حتى تسيب البيت ولا حتى تطلق من لابوكى قوليلها لو مش عاوزه بابا سيلبيه بدل ما تلوثى شرفه
حل مناسب حسب التصويت. وانت ما هو رأيك?
16 
0
مشكله فعلا الخيانه عينى عينك
وقدام اولادها دى عينها جامده جدا وملهاش حل غير انك تهدديها ولو الراجل ده جه البيت تانى وشوفتيه قوليله كده انا هقول لبابا انك بتيجى هنا بعد ما بيخرج وهددى امك ولا تخافى منها ولو حصل وزعقت وقلبت البيت نكد قولى لوالدك بتعمل حجات مش صح فى البيت فىغيابك وانا تعبانه ومجروحه من كده وبعدين انتى مخطوبه قولى لامك خطيبى بيسئلنى مين الراجل ده وبييجى هنا ليه هتوقف حالك فى زواجكك انتى كمان فلازم توقفى المهزله دى باى طريقه وبدون خوف / المحامى
قَـيّـم هذا الحل:
2 
0
السلام عليكم وحمة الله
اختي العزيزة مشكلة كبيرة حقا نصيحتي ليك لكي لا تشتتي العائلة حاولي ان تتكلمي مع امك
برزانة في الموضوع , وحاولي تخوفيها وقولي لها الله يراك و احذري غضب الله , وقولي لها انها ترتكب الكبائر الزنا وحاولي تقنعيها , وادعي الى الله ان يهديها
واذا رأيتي انها مازالت تخونه فأعتقد لازم تخبري ابيك بالامر
بالتوفيق ان شاء الله
تحياتي انهى الله كربتك
قيم هذا الحل سلباً او ايجاباً:
1 
4
شوفي ياختي الصغيره …. لازم تبلغي بابا بكل شئ بس ازاي لازم يشوف كده بنفسه علشان هي مش تكدبك طبعا للاسف مش عارف رد الفعل هيكون ايه .. بالظبط .. بس امك انسانه خائنه .. وفي نفس الوقت جريئه لدرجة البجاحه .. اي انها تخون بكل بجاحه دون اي خوف سواء من ربنا او من المجتمع .. قلابد من وقفه معها تكون شديده .. فأين هم اخوالك اي اخوات امك وخصوصا الرجاله لماذا لم تبلغيهم بذلك أو من الافضل ان تبلغي والدك .. ولكن توقعي ان اي شئ ممكن ان يحدث .. واقلهم هو الانفصال او الطلاق .. فلو كان لديكي القدره علي تحمل مسئولية اخواتك رغم ان ذلك ليس من مسئولياتك ولكني اعتقد في حالة الانفصال سوف تكونيين انتي الضحيه الاولي لما اقترفتي امك من ذنوب .. ولذلك فكري جيدا وربنا معاكي ..وبصراحه مازلت غير مصدق فهل يوجد ستات من هذا النوع ؟؟؟؟ ربنا يهدي
قَـيّـم هذا الحل:
2 
0
ابنتى كان الله فى عونك وانصحك ان تتحلى بالصبر والتقرب من الله والدعاء فى صلاتك ان يفرج همك واشعر بأن والدك هو السبب فيما وصلت اليه امك من عدم رعايتها الرعاية الكاملة وسوف تفهمى كلامى فيما بعد ان شاء الله كلمى والدك بأن يهتم بالبيت شوية وانك تحتاجى وجوده حتى يملأ الفراغ بدون ان تحكى له اى شئ والله المستعان ونصيحة اخيرة بعد ان تتوددى لوالدتك ان تقولى لها ان خطيبك دائماً يسألك عن وجود هذا الرجل الغريب فى حياتكم وانك محرجة من هذا الوضع
قَـيّـم هذا الحل:
3 
0
حاولى تكلميها أنك فاهمه كل اللى حاصل وان ده بيجرح بابا ويسبب مشاكل ولو مش ح تسيب اللى بيعمل فيه هدديها انك ح تكلمى بابا. ولو ما جابش نتيجه حاولى تكلمى حد من أهل ماما وياريت يكون اختها او اخوها – بس ما تقوليش لحد من اهل بابا.
قَـيّـم هذا الحل:
3 
0
يا خبر اسود ومنيل بستين نيله عينى عينك كده معقول فى كده فى الدنيا الكلام ده كنا بنشوفه فى السيما ونقول دى افلام اعوذ بالله
حبيبتى انا من رائى انك تهدديها لا تبطل لا تقولى لوالدك وهى اكيد هاتعمل حساب كده وتخاف او تقلق انك تقولى فعلا
اصل متهايئلى انك مش سن نصح وارشاد وحتى لو كنتى تقدرى هاتنصحى مين امك ؟؟؟؟؟!!!!!
لانها مش هاتقبل منك اى كلام لانها اكيد معتبراكى طفله فا ازاى هاتقدرى عليها ؟؟؟؟
والله زى مابقولك هدديها باستمرار وغيرى معاملتك وبعدين خايفه منها على ايه هى ليها عين كمان تعاقب وتنكد عالبيت وقبل ماتفكرى فى خوفك منها خافى من ربنا مهما ان كانت فلا طاعة لمخلوق فى معصية الخالق فهمانى
من رائى انتى اللى نكدى عليها لحد ماتبعد عن السكة دى وعرفيها انك فاهمه كل حاجه وان ده حرام وخاليها تتخيل لو ماتت فى الوضع ده هاتقابل ربنا ازاى حاولى كتير معاهاواذا ماكانش علشانها فا علشان ربنا وباباكى وماتخافيش منها فى الموضوع ده وافتكرى دايما غضب ربك وماتنسيش انك حاليا (شيطان اخرس)نصيحه صلى وادعيلها كتير ان ربنا يهديها
قَـيّـم هذا الحل:
4 
0
اولا السلام عليكم
ثانيا اختى العزيزة انتى لازم تواجهى امك بغلطها ده لان لو والدك عرف بكدة ممكن يطلقها فلازم تواجهيها وتعرفيها على الغلط ده وقوليلها لو بعد الشر يعنى ماتت وهى بتعمل كدة وتقف قدام ربنا وهى كدة ايه اللى هيحصل انتى لو واجهتيها ممكن اقضى يبقى اخف من قضى وبعدين والدك فين لدا كله
قيم هذا الحل سلباً او ايجاباً:
3 
3