أنا شاب عندى 24 سنة أكبر اخواتى وعندى اخ و بنت اصغر منى بحاجات بسيطة . إحنا ناس بسيطة جدا وانا واخويا بنشتغل عشان نكون نفسنا وللأسف كل الل جى بيروح على البيت ومصروفـه عشان مفيش دخل للبيت غير منى انا وهوا .. وصابرين وبنحمد ربنا . المشكلة كلها فى ان بابا وماما كتير مشاكل وخناقات والمشكلة ان الغلط مختلط من هنا شوية ومن هنا شوية . ماما متسلطة جدا وبتقدر تشتم بابا بأفظع الشتايم قدامنا وهوا كبيره يقولها اصل انتى ست مش محترمة وبتهينه كتير اوى . تعبنا نتكلم معاها تفتكر اننا بندافع عنه وبتيجى علينا وتقلب البيت مأتم واوقات كتير برضو بيكون هوا الغلطان ومتمسك بانها هيا الغلطانة ولو جينا ندافع عنه برضو بيعمل نفس الل بتعمله ماما وبيتقلب بيتنا لمأتم . المشكلة الل مش قادرين نتحملها . نوعا ما اتفضحنا فى البيت كله لأن الشتايم والسب بتكون بصوت عالى مع العلم إن كل الناس بتحترمنا وبتحبنا انا واخواتى بس بقت عيوننا مكسورة فى وشهم . تعبنا شقى فى الدنيا وتعبنا حرقة دم وخنقة من البيت .. حتى لو حبيت اهرب من البيت معنديش مكان اروح ليه ولا حتى مصروف لشخصى عشان اهرب وبستحرم وبقول ملهومش غيرك بعد رب كريم . بتوصل بيا كتير اووى انى انتحر انوط من البلكون او اضرب سكين فى قلبى واقول هتوجع مرة واحدة وبس ومش هحس بأى حاجة فى الدنيا . بقيت بتمنى الموت كتير لأن حياتى مفيهاش اى جميل . من كتر ما نفسيتى تعبت بقيت اخرب شغلى ومهتمش بيه وكرهته بقيت مستهتر بقيت اكره كل حاجة حتى النفس الل بتنفسه بقيت اكره اختى لو سمعت صوتها عالى وافتكرها بتقلد امهاا واحس انى هقتلها قبل ما تكون واحدة مش كويسة لانها متربتش كويس .. اتدلعت وانشغلوا عنها بالعراك ولو انها غلبانة وطيبة . بعاقبهم كتير بانى اقولهم هبطل اشتغل . لو حصل وواجهتها بأنها غلطانة فى الل بتقوله او تعمله تصرفاتها عموما اتشتم انا كمان بأقذر الشتايم بقت بتدعى عليا عينى عينك وتقولى من قلبي مش طايقة اشوفك لدرجة انها ممكن توصلنى للباب وانا نازل شغلى بدعوة زى دى .. الهى ترجـع مفروم تحت عربية او تموت او تولع تتحرق من قلبي بدعيها .. ايه الحل لييا انا .. انا خلاص كرهتهم ومش هفكر فيهم انا عارف يمكن الل باقيلى اخواتى . ايه الحل ليا ولأخواتى .. سامحنى يا رب لو كنت غلطان فى اشتكيت لغيرك ولكنى بس بشوف حل لحياتى عشان ارضيك
خد موقف منهم انت كبير والمفروض تكون راجل لازم يحسوا باهميتك ويتربوا سبلوهم البيت شهر واحد ومتدهمش ولا مليم وحاول انك تدور على سفر شرم او بره ولما تسافر ابقى ابعتلهم فلوس وخلاص
وفكر انك تحب وتتجوز وحاول تحوش عشان تكون اسره وتبعد عن الهم ده خلي عندك امل انك تكون
بيت مليان بالحب وصدقني هتبنيه وبعد عنك افكار الشيطان دي
بجد انا سعيد جدا بكلامك عارف لية عشان انا كدة ابوية وامى قرفونى فى عيشتى ومعندناش فلوس زى حلاتك وبيكرهو بعض كرة العمى بصراحة عملونا عقدة نفسية من واحنا صغيرين عاوز نصيحتى كبر دماغك على قد متقدر ولا كانك موجود فى البيت اخرج واطلع ومتعبرش حد لحد ميحسو بقيمتك وان محسوش هتبقى ريحت مخك صدقنى يا صحبى انا اكتر منك
ربنا يصبرك ويهون عليك وييسرلك الخير فى كل مكان وزمان يارب
لكن اياك ثم اياك تخسر اخرتك باى شكل من الاشكال مش هيبقى الدنيا والاخره كمان
واهتم باختك بالذات واحتويها وعوضها عن الحنان اللى اتحرمت منه لأنها اكتر واحده متضرره من اللى بيحصل ده وخصوصا لما تكبر ويتقدملها عرسان وربنا يعوضكم خير ان شاء الله
شوف يااخى……..
عايزة اقولك ان المشاكل موجودة في كل البيوت وفي كمان اللي اكتر من كدة بكتير اوى , عايزة اقولك اوعى تفكر في الانتحار لان دة كفر اعوذ بالله وبعدين حرام تبقي خسرت حياتك ودنيتك وكمان تخسر اخرتك استغفر ربنا وعليك بالصلاة والدعاء في التلت الاخير من الليل وخلي عندك يقين ان ربنا هيقبل دعوتك وهو قادر علي انه يصلح الامور في بيتكم وياريت لو ليك عم او خال يقدر يحل المشاكل دى يكون احسن انك تشاركه في الرأي وانت كمان تقدر تتكلم مع مامتك وباباك في وقت هدوء وتقولهم مينفعش ان الجيران تسمع مشاكلنا كدة وميصحش يسمعوا الشتايم دى واتكلم معاهم براحة وان شاء الله هتلاقي تراجع في تصرفاتهم واعرف ان الكلمة الحلوة بتلين الحديد وهتجيب نتيجة وخليك قريب من اخواتك واحتويهم وهون عليهم المشاكل دى وربنا يهونها عليكم جميعا (اسأل الله العظيم رب العرش العظيم ان يغير احوال بيتكم لحال احسن مما عليه وان يهدى سركم ويصلح اموركم وامور المسلمين اجمعين)
احب ابدأ بس بان عذاب اللى يموت منتحر فى القبر انه يفضل يموت بالنفس الطريقة اللى انتحر بيها لحد يوم القيامة يعنى مش مرة واحدة زى مقلت ثانيا انا بحترم فيك انت واخوك انكو شايلين البيت اللى مش مقدر تعبكو بص طبعا لانهم ابوك وامك مش هقدر اقولك اتعامل معاهم بقوة اكتر لكن انا عيزك انت واخوك تشوفو نفسكو شوية يعنى عاقبوهم بهدوء يعنى اديلهم حاجة بسيطة اوى من الفلوس اللى بتشتغلو بيها وحوشو الباقى دى فلوسك وملهمش دعوة بيها اديلهم اللى ياكلو ويشربو بيه اى حاجة وخلاص ومتسمحش لاختك انها تكلمك بالاسلوب دا تانى لانك بتصرف على البيت وهيا بتدعى عليك بصراحة الحكاية دى نرفزتنى خلى همك الاول انك تكون نفسك يعنى ببساطة (شوف نفسك مدام مفيش حد شايفك) وحاول تواظب على الصلاوات وقرب من ربك اكتر لان اللى يقرب من ربنا اكيد ربنا مش هيوحده ابدا وهتحس براحية نفسية عجيبة حتى لو مفيش حد جنبك (مجربة) ولازم تجمد قلبك اكتر ومتخليش مشاكل الدنيا تهزك انت اقوى من كدا بكتير ويارب يفك كربك فاسرع وقت وشكرا …