انا بحب واحد بقالى 3 سنين بحبه جدا حبى ليه بجنون مش يتوصف وهو كمان بيحبنى جدا جدا احنا لسه قدامنا سنتين علشان نتخطب لاننا لسه ف3 ثانوى بس اهلنا عارفين بس انا دلوقتى حاسه ان فى حاجه بتتغير بينا هو مش بقى فاهمنى زى الاول بقول كلام بمعنى هو يفهمه بمعنى تانى وياخده بموقف زعل بقينا بنتخانق كتير جدا كل يومين وانا تعبت فعلا نفسى نفضل بنحب بعض على طول ونرجع زى زممان واما بشكيله منه بيفتكر ان قصدى فراق وانا ببقى قصدى اشكيله الى تاعبنى لانى مليش غيره بجد احكيله وارتاح معاه بعد ربنا وامى طبعا ومقابل كده انا ابن عمى بيحبنى من ساعه ما اتولدنا لو يطول يجيبلى نجمه من السما هيجبهالى وحتى اما بزعل وانا الى غلطانه عادى ومفيش بنا حاجه بيصالحنى والايام دى جه وقالى انا بحبك ومش عرفت ارد عليه لانه غالى عندى جدا ومش عايزه اجرح مشاعره وماما بتحب ابن عمى اكتر بتقول انه مش بيزعلنى وكده مش نكدى يعنى زى الى بحبه بس حبيبى ده مهما بيعمل بحبه ومش بقدر ابعد عنه بس فى حاجات كتير مختلفه بينا بس انا بضحى كتير وبحاول استحمل بس خلاص مش قادره نفسى هو يضحى ويغير شويه من نفسه ويرجع يفهمنى زى الاول انا مش عارفه اختيارى لحبيبى ده كده يبقى غلط او انا باجى على نفسى اكتر من اللازم ولا ايه؟ ياريت حد يساعدنى لانى بجد تعبت
الحب الاول
انا مش عارفه اختيارى لحبيبى كده يبقى غلط ولا ايه
اضيف بتاريخ: Saturday, September 4th, 2010 في 22:28
كلمات مشاكل وحلول: الحب الاول, حب, مشاكل الحب
اهم حاجه بين اى 2 التفاهم علشان ما يتعبوش وواضح ان مشاكلكم بتكبر مع حبيبك والتفاهم بدء يقل بينكم شوفى مين اللى حيريحك
ياجماعة انا مش بقتنع بالمثل اللي بيقول خد اللي بيحبك وماتخدش اللي انت بتحبو لان في الاول وفي الاخر ده نصيب دي اول حاجة
تاني حاجة انتو لسة صغيرين ولسةالدنيا قدامكو طويلة اوي وماتزعليش مني انتي لسة في سن مراهقة وعلى فكرة كلمة مراهقة مش قصدي بيها حاجة خالص ولا اقصد بيها اي اهانة لكي ولمشاعرك دي مرحلة وكل الناس بتمر بيها انا بس قصدي ان انتو في السن ده بتتعلقو باي حاجة بتحسوانها قريبة منكو وان انتو بترتاحو معاها في الكلام ايا كانت الحاجة دي سواءا بقى صاحب او حبيب او قريب او زميل لانكو بتبقو عايزين تخرجو عن العالم اللي انتو في عايزين تحسو ان انتو ليكو اصحاب ومعارف في كل حتة عيزين تخطرقو العالم وعلى فكرة السن ده بيبقى في مواهب كتير جدا وكمان في نسبة ذكاء عالية جدا
تالت حاجة بقى انا شايفة انك مستسلمة اوي لانك لو ماكنتيش مستسلمة ماكنتيش هاتفكري في قريبك ده خالص ولا هتقارنيه بحبيبك اللي انتي اختارتيه واللي انتي بتحبيه اوي وهوا كمان بيحبك اوي وبعدين انتي لو اختارتي ابن عمك زي ماناس كتير بتقولك هيبقى اختيار خاطئ مليون المية لانو ظهر حبو ليكي في وقت حرج في وقت انتي محتاجة في ان يكون حبيبك جمبك لكن هوا مش فاهمك ولا حاسس بيكي زي مابتقولي لازم تسالي نفسك السؤال ده وتعرفي من حبيبك الاجابة لكن بشكل هادي ومن غير اي انفعلات ولا خلافات وماتجيش عليه لان صدقيني هوا كمان من جواه محتاجلك تكوني جمبو اوي لكن مش عايز يطلبه منك لازم انتي تحسي بيه(((هوا ليه اتغير كدة)))؟؟؟؟؟ والسؤال ده هتعرفي اجابتو منو بس انتي وشاطرتك بقى اكيد هيبقى في حاجة مشكلة عندو مش عارف يحلها ومدايق من حاجة او مخنوق من حاجة او حاسس ان الدنيا جاية عليها لازم تجربي الحل ده بس نصيحة مني ماديقهوش لان من كلامك باين انتي بتنفعلي معاه في الكلام وعلى طول جاية عليه وبتشتكيلو انو مش فاهمك وده اكيد بيدايقو اكتر لان ممكن يكون من جواه حاسس انو عايز يرضيكي باي شكل وانو خايف عليكي ماتكونيش ليه او مش من نصيبو اويعي تضيعيه منك
ادام اللى انتى بتحبية دايما بيزعل منك يبقى هو كدة مش بيحبك انا رايى تختارى ابن عمك لان اللى انتى بتحبية وبتضحى علشانة وهو مش حاسس بكدة يبقى ما بيحبكيش خدى اللى بيحبك وما تخديش اللى انتى بتحبة ابن عمك مقدرك اكتر وبيحبك ودايما بالتوفيق
خدي اللي بيحبك احسن واللي من دمك احسن وهو كدة بيحبك مدام مبيحبش يزعلك وامك بتحبة وربنا يوفقك
انتوا لسه صغيرين والايام ستغير الكثير واللى كان بينكم الاول قد تريه بعد ذلك لعب عيال وتضحكى عليه لسه الحب الحقيقى ما جاش لو انى متأكد ان الحب الحقيقى لن تحسى به الا بعد الزواج لا قبل ربما العلاقات التى تكون قبل الزواج قد تفسد عليك حياتك بعدالزواج…..
هداك الله لما فيه الخير والصلاح فى الدنيا والاخرة
حســـــام
بصى انا مش عارفه طريقه دماغه ماشيه ازاى بس من الواضح انه انسان عصبى وبيزعل بسرعه بس كل اللى اقدر اقولهولك اعملى اللى انتى حساه شوفى انتى حاسه بايه ياما تسيبيه يومين كده وشوفى هو هيعمل ايه لان ممكن تكون علاقتكم وصلت لمرحلة الملل لان مافيهاش اى تغيير لان لسه قدمكوا سنتين عقبال ما ترتبطوا رسمى وربنا يقدم اللى فيه الخير
ميرسى يا نونا اوى
بس انا فعلا روحت وكلمته وقولتلوا افتكرنى مش بقيت واثقه فحبه زى زمان وان حبى قل من ناحيته وخدها بوجهه نظر غير الى انا اقصدها فمجرد انى احكيله تانى بقت حاجه تخوف لانى مش عارفه هيفسر الكلام على ايه
هاى يا حبيبتى
اولا انا مش هقولك انك صغيرة والكلام ده خالص بس انتى مشاعرك هتتغير واكيد هو مشاعره هتتغير لانكوا لسه هتدخلوا عالم تانى وهو الجامعه يعنى لسه متعرفوش ايه اللى ممكن يحصل انتى حاولى تتكلمى معاه بهدوء وتشوفى هو بقى بيفهمك غلط ليه واتفاهموا مع بعض ومتحاوليش تدخلى وسيط بينكوا انتوا مع بعض وان شاء الله توصلوا لحل
انما حكاية المثل دى انا مش بقتنع بيها لان لازم يكون فى قبول بين الطرفين ومش شرط انه قريب انه مش هيجرحنى يا عالم الايام بتغير فى الناس كتير اوى وربنا يوفقكم
ان شاء الله بس الى انا بحبه ده انا واثقه من حبه بس هو شخصيته صعبه جدا وفيها حاجات مش متوافقه معايا اوى بس انا بستحمل علشان الامور تعدى هو طبعه غالب عليه
وفنفس الوقت انا قريبى ده بحبه جدا جدا من زمان بس قولت احنا قرايب ومش ينفع يعنى فخليت مشاعرى تبقى اخوه مش اكتر بس هو لسه بيحبنى وانا بخاف اظلم حد ممكن اظلم نفسى بس مش اظلمه لانه ابن عمى واخويا فصعب عليا جرحه وحبيبى ده تاعبنى اوى انا جالى انهيار عصبى بسببه من كتر الخناق ورغم كده بحبه وبخاف اكون انا الى ظلماه وان خناقتنا دى تكون حب وخوف عليا بس دى كترت اوى كل يومين تقريبا
يا انسه اعبل ما نفرح فى فرحك و تعزمينا ان شاء الله بس المثل بيقول خىى الى بحبك و ماخديش الى بتحبيه الى بيحبك مش هيزعل ولا انه يفكر فى يوم امه يزعلك او انه يدوس لكى على طرف و هيعمك كل الى انتى عايزه بس الظاهر ان الشاب ده الى بيعمله انه عايز يمشى معاك و فرحان انه عند بنت و ماشى معها و كده انما مش ده الى يتجوز او يتحب ده يعجب بيه و يكون صديق كبيره صدقينى قريبك ده بيحبك و عايز يسعد انسى الى فات من حيتاتك وخالى يولدك و يرسم لكى حياتك من جديد تانى بس اختبريه اذا كان بحبك بجد ولا لا لو بيحبك خاليه و نجح فى الاختبار ده يبقا يفوز بقلبك و يخطبك و تعزمينا على الفرح و بطالى بخل و عايز طرته و كنز فى الفرح وشندوش بسطرمه ههه