انا بجد محتاجه لنصحتكم انا مش عارفه اعيش، حياتى بجد صعبه انا عندى 18سنه حاسه دايما انى معنديش شخصيه مش مهمه فى الدنيا دى انا بس حاسنى انى عاله على اسرتى مبعرفش اخد قرار واحد فى حياتى لدرجه انى مبعرفش اختار لبسي، بحس انى ماليش فايده فى الدنيا،حتى لما حبيت فشلت ،مع انه قالي انا عايز اتجوزك على طول كده بس ماما قالت لا فالموضوع باظ حتى من غير ما حد يحس بمشاعرى من ساعتها مكلمنيش تانى ،انا قلت هو الى هيحللي كل مشكلي بس كالعاده فى كل حاجه حلوه بتخلص من حياتى قبل حتى ما افكر فيها ، انا خايفه اكبر وانا كده لوحدى نفسى اعيش حياتى واستمتع بيها ،قوللي ازاي اغير من نفسى ، بس بسرعه لانى خلاص دخله على اكتئاب….
مشاكل البنات النفسية
انعدام الثقة بالنفس عند المراهقين
اضيف بتاريخ: Tuesday, March 5th, 2013 في 10:12
كلمات مشاكل وحلول: الحب, بنت, مشاكل البنات
خليكي واثقة من نفسك .. جربي خدي مواقف وقرارات واغلطي عادي كلنا بنغلط بس حذاري من العناد خلي عندك اصدقاء ولو حبيتي دافعي عن حبك .. اقري كتير جدا ده هيخلي عندك ثقة في ثقافتك وهيديلك خبرة .. لانك لو اتجوزتي وانتي كده هتبقى مشكلة وجوزك هيستغل الضعف ده وتبقي لعبة في ايدية
دائما البنت عندها ضعف في الخبرة والحياة والذكاء الاجتماعي، وده مش عيب لأنها بتكون في رعاية وحماية أهلها، ولما تتجوز بتنتقل لرعاية زوجها، فميقللش منها إنها ضعيفة بالعكس أغلب الشباب بيحب البنت الضعيفة الحساسة، وضعف المرأة بالنسبة للرجل هو قمة القوة، عادي لما تحسني من نفسك ومع الوقت هتاخدي خبرة في الحياة، لكن ميقللش منك إنك ضعيفة.
أختى الحبيبة سلام عليكم ……
أولا أنا عايز أقولك شكلك كدة من النوع الحساس جدا
ثانيا أنا عايز أقولك حاجة ممكن الكلام ده يحصل على فكرة مع ناس كتيرة أوى وبردوه مايجرلهمش حاجة ولا يتأثر.
فهمتينى ؟
أقصد العيب مش فى أنك أنسانة زى ماوصفتى نفسك بالأوصاف ديه أقصد أن العيب فى طريقة تفكيرك اتجاه الأمووووووور
عالعموم أنا عايز أقولك أن مفيش حاجة أحنا كنا بنحبها وربنا أخدها مننا الا وسيبدلنا خيرا منها والا انه الخير من الله أحمدى ربنا على كل حال
فهو من قال ولئن شكؤتم لأزيدنكم
أختى العزيزة نصحيتى لك بألاندماج مع أصحابك أكتر حاولى تذاكرى وتجتهدى وحتلاقى نفسك
أذا خسرتى شئ كونى عازمة على أنك تعوضيه فى حاجة تانية ولا تفقدى الأمل لأن أحنا كدة كدة حنعيش حتى يكتب لنا الله نهاية عمرنا فأما أن نستفاد من أخطاءنا أو بمعنى أصح ما مضى من حياتنا أصبح خبرة نستفاد منها أو ندخل على اكتئاب ونخسر حياتنا ثم أن هذاالباب باب من أبواب الشيطان وهدفه سخط الانسان على خالقه عزوجل ديه وظيفة الشيطان
المهم تعلمين وتضعين فى تفكيرك أنه مادام هناك حياة هناك أمل.
لاياحبيبتي مينفعش كده انتي ممكن متكنيش لف وعارفه الدنيا علشان مش عارفه تاخدي اي قرار او ممكن يكون لو عندك اخوات اكبر منك او مامتك او باباكي وعلفكره انا اصغر منك علي كده ومحدش يعرف يفرض عليه اي راي انا اللي باخد قراراتي كوني واثقه في نفسك قبل اي شيئ اخر