بحب شخص وهو بيحبنى وتقدم لى للزواج وانا عمرى ما كلمته وعرفت بحبه ليا عن طريق طرف تالت والطرف ده اقرب انسانه ليا المهم ان اهلى رفضوه كل واحد فيهم عنده مشكله معاه شكل اتقدملى اكتر من مره وبرضو رفضوه ولما صارحوه بسبب رفضهم ابتدى يصلح من نفسه
ملحوظه ان اسببابه تستاهل الرفض
1- بيحشش
2- مكانش بيشتغل وكان عايش حياته عادى ماهو شاب زيه زى اى حد عاوز يروح وييجى وعنده فكره انه مش محتاج للشغل ودى حقيقه بس اكيد لما هيرتبط هيشتغل ودى حقيقه غير قابله للتشكيك
اما بئه المشكله الاولى ودى الكارثه انه بيحشش ودى مشكله شباب كتير المهم هما صارحوه بعيوبه وهو بيصلح من نفسه
اولا بيشتغل ثانيا ابتدى يمتنع عن الحشيش امتناع كلى وله دلوقتى 4 شهور تقريبا مش بيشرب يعنى فى الاربع شهور دول منقطع عن الشرب ولكن رجعله اسبوع ورجع امتنع مره تانيه
ولسه برضو اهلى مش موافقين فى الاول انا كنت شايفه ان معاهم حق طيب ودلوقتى وبعد تقريبا ما كل مشاكله قربت تتحل ايه المانع
انا بحبه وهو بيحبنى جدا وهى دى كل عيوبه وبعد كده كل مميزات الدنيا فيه وده مش كلامى ده كلام الناس اقربهم منه وابعدهم بجد هو شاب كويس هيحمينى ويحافظ عليه أرجو النصيحه وشكرا
مشاكل الحب والزواج
اهلى مش موافقين على حبيبي
اضيف بتاريخ: Wednesday, April 18th, 2012 في 07:57
كلمات مشاكل وحلول: الحب, الزواج, شاب
مشكلتي ان بحب واحد وهو بيحبني ومستعد يعمل اي حاجة علشاني بس اهلي رافضين حتي يقعدوا معاه او يشفوة علشان حسكن بعيد ع محافظتي مش عارفة اعمل اي
سامحينى فى مشكلة اكبر , ليه حسستينى ان معظم الشباب ضايع ومبيشتغلش وبيحشش ؟؟؟
ده لانك بتحولى تقنعى نفسك انه عادى , لازم تعيدى حسباتك فى اختياراتك
جميل جدا انه يتغير اولا لازم يمتنع عن الشرب وانصحيه بصحبة وبيئة صالحة وده الى هياكداك هو انصلح ولا لا , لازم يشتغل ويحاول يثبت نفسه امام اهلك , لازم يغير من حياته لو بيحبك ,
وادعيله ربنا يوفقه وباذن الله يكون من نصيبك واتناقشى مع اهلك بهدوء
الافضل تاخذي رائي اهلك ثاني شي الشاب الاكثر خلق ودين ويعمل احسن من الي شحشش وعاطل عن العمل الافضل للشاب الي اكثر صفات جيدة وحميد هو هذا المناسب لانه يقدر يحميكي ويقدر ما ينقص بيته من شي وكمان يواجه مشاكل الحيات اما المحشش اكبر همومووووو انو ينام ويصحى متاخر وكل البلاوي فيه فلا ترتبطي باسم الحب العكس احسن
لو ليكى نصيب فيه غصب عن الدنيا كلها هتاخديه بس مشكله بيحشش دى مشكله كبيره
كل شىء بيتغير بعد الجواز وانا عن تجربه ماسمعتش كلام اهلى واتجوزت اللى بحبه وعارفه اتطلقت وانا عروسه بعد شهر بس من الجواز ودلوقتى مطلقه من 3 سنين بيتقدم لى ناس بعد سن الخمسين وانا سنى 27 حياتى انتهت بدون حتى طفل يعوضنى ويونسنى حصلت على لقب مطلقه
والله ياجماعه انا مقتنعه وعارفه أخطائه ولكن الى انا واثقه فيه انه اتغير علشانى ولو طلت روحه مش هيتردد لحظه وله مواقف كتيره اوى معايا شفت من خلالها انه اد ايه شخص محترم
اولا لازم تفكرى فى اهلك مش فى الشخص ده واهلك عندهم حق لانهم خايقين عليكى منه لانه الله اعلم بيه جايز اوى يرجع تانى يشرب تثقى تماما ان اهالك بيختاروا الصح وبيعملو الافضل ليكى وانت كمان حرام تجرحيهم وتاذيهم بانك ترتبطى بشخص زى ده فكرى فيهم وفى الاهانة اللى هتسببيها ليهم هم مايستهلوش كده مش ده جزاهم ارجوكى فكرى بعقلانية ابعدى قلبك ده خالص لانه اكيد هيمشى خسب ميولك
اعلمى ان والديك دايما يريدوا افضل شىء ليكى . دايما الاهل بيشوفوا فى الشخص المتقدم للفتاة اشياء واتجاهات لا نفهم معناها نحن الفتيات لذلك بيكونوا على حق فى النهاية لانهم بيشوفوا الشخص بمنظورمختلف عن منظورنا للحبيب , بس انت بتقولى انه بدأيبطل الحشيش بعد ما اتقدم لاهلك بس هو ممكن يرجع ليه تانى وانت قولتى انه بطله ورجع ليه تانى يعنى ممكن بعد ما تتجوزيه يرجع تانى للحشيش واعلمى ان الشخص المحشش دايما عصبى وخلقه ضيق ومش هيقدر يبطل الحشيش غير اذا هداه ربنا وبدأ يصلى ويمتنع عن الحشيش نهائيا وبالنسبة للشغل دا شىء اساسى طالما انه هيتجوز عشان يقدر يعيشك حياة كريمة. ويا ريت تصلى صلاة الاستخارة حتى ترتاحى اكتر . وفكرى بعقلك مش بقلبك حتى تختارى الاختيار الصحيح . وربنا يوفقك ان شاء الله .