السلام عليكم ورحمة الله ..انا عندي مشكله كبيرة ارجوكم عايزة لها حل انا مخطوبة وخطيبي علي خلق ودين دلوقتي هو لما جه يخطبني عمل حادثه ودفع علي العربيه اللي اتكسرت لانها بتاعت صاحبه فلوس الشبكه كلها وقال لاهلي يستنوا شويه وبالفعل استنوا 3 شهور ودلوقتي عايزين الشبكه انا خايفه انهم يفسخوا الخطوبة وهو مش معاه نعمل ايه وقيمة الشبكة 15 ألف مش عارفه اتصرف ازاي ارجوكم قولولي حل ارجوكم انا مش عارفه اعمل ايه ضاقت بيا الدنيا كلها والله العظيم حاولت اني اقنع اهلي بأنهم يستنوا عليه رفضوا !! انا مش عارفه اتصرف ازاي وهو كمان ضاقت بيه الدنيا احنا اتخطبنا بعد مشاكل كتيره اوي ومحاولة اقناع كتيره ارجوكم حد يساعدني ويقولي نعمل ايه ونتصرف ازاي ارجوكم
حاولى تدخلى حد يفهمهم ان الشبكة مش كل حاجة طلما هو كويس وهيحافظ عليكى
مشكلتك حلها سهل اوى طالما اهلك مصرين على الشبكه تكون ب 15000 جنيه والعريس مش قادر يوفر ال 15000 الف جنيه يبقى يقدرو قيمه الفلوس بعدد جيرامات الدهب ويكتوبها فى القايمه الى العريس نفسو هيمضى عليها ويكتبو فى القايمه جيرامات من الدهب تقدر بال 15000 الف جنيه ولو اهلك بيحبو المظهر قدام الناس تقدرو تجيبو شبكه دهب صينى وكل الحكايه هتدخل لها فى 500 جنيه طالما اهلك عايزين الحاجه دى قدام الناس وتبقى المشكله كلها اتحلت وبسهوله جدا بس المهم انو انتى تخلى اهلك يوافقو ان قيمه الشبكه تتكتب فى القايمه وبكده يبقى اهلك نفذو الى فى دماغهم وانتى ضمنتى حقك وشكرا تمنياتى بالزواج السعيد
اسأل العظيم ان يسهل امرك ادعي الله
راي انك تسبيه احسلك هضحي وفي الاخر هيقلك انت عملتي ايه وده عن تجربه هو الي استهتر وعمل حادثه بالعربيه وصرف فلوس شبكتك عليها يبقى يتحمل نتيجة فعله ومهما حولتي تصلحي المتكسر وتقولي بعد كده الحياه هتروق وتحلى تبقى غلطانه
مفيش حل غير ان اهلك يصبروه عليه احسن حل تدخلى حد من اهلكم يكون له تأثير عليهم وكمان تعرفيهم ان الشبكه دى هديه من العريس لعروسته وكمان ما هو ممكن يستلف الفلوس ويجيب لهم اللى هما عايزينوا وفالاخر يوم الفرح يبعها يعنى فلوسه ورجعالوا
ممكن تحاولي تقنعين اهليك يشتري دبله وهدية لحد ما ربنا يفرجها ويجيب الشبكة وده كان حيكون في زيادة شوية يعني تعرفيهم ان كده الشبكة حتزيد عن الـ15,000 جنية الهدة غير الشبكة مع ان حاسس من كلام حضرتيك ان اهليك بيعقدو الموضوع علشان خطيبك تقريبا اق في المستوى المادي