انا بنت عندي 22 سنة ومتزوجة بس بعيد عن اهلي.
مشكلتي اني كل ما يكون ليه اصحاب وافرح فجاة الاقيهم مش بيكلموني، انا كان عندي اخت اكبر مني بس ربنا افتكرها الله يرحمها كانت اعز واغلى انسانة ليا، تأثرت بموتها.
وبعد ما اتجوزت دعيت الى ربي اني يكون لي اصدقاء، وبعد كده لاقيت سلفتي معي في نفس البيت مكنتش بحبها بس كلمتني وانا عاملتها مثل اخت ويمكن اكتر، وقولتها ان اختي ماتت وانتي اختي التانيه، بس هي كانت كويس في الاول وبعد كده ما بقتش تكلمني معرفش ليه، مع اني بعاملها احسن من الاخت، وهي مش بتعرفني الا لما تكون عاوزه مني حاجه بس.
بس نفسي تكلمني تاني وتكون كويسة معايا عشان انا لوحدي وماليش غير ربنا وجوزي عشان بعيد عن اهلي.
اعمل ايه انا تعبت مش لاقيه حد اكلمه وارجو مكنش ازعجتكم
بصي انا البنت الوحيده وسط اخواتي الأولاد ومكنتش بلاقي حد افضفض معاه اللي في نفسي عشان كده بقيت بحكي كل اللي في نفسي لربنا لأني عارفه انه عمره ماهيفضح سري وبيخاف على مصلحتي اكتر من نفسي وكنت دايما بحس انه بيحللي مشاكلي اقولك ازاي كنت دايما بحس بالألهام جو قلبي بيبقى كده في راحه غريبه ولما بتكون عندي مشكله كنت بحس انه بيقذف الحل جوه قلبي وبيسهلي اموري وهي دي نصيحتي ليكي