انا فتاه اعلم جيدا معنى التدين واقسم اني كنت اصلي قيام واحافظ على نفسي جيدا ولكني قابلته واحببته وتقدم لخطبتي فرفضه اهلي لمشاكله مع والده رغم ان والدي موقن انه مظلوم وايضا لانه يعمل في مجال السينما المهم اني كنت اراه وحدث بيننا علاقه غير كامله فاكتابت وكرهت نفسي ولم نجد غير الزواج العرفي حل حتى نقنعهم اهلي طالبوه بشروط كي يتم الزواج كي يامنوا مستقبلي فوافق على كل شروطهم وطلب مني ان اقول لهم انه سياتي ليتفق معهم ويصبروا عليه شهر حتى يجهز لهم ما طلبوه من طلبات تعجيزيه فرفضت حتى لا يظنوا فيه سوء وابلغت اهلي اننا انفصلنا حتى يهيء نفسه اولا فغضب مني المهم انا الان متقدملي عريس وانا من كثر ما اتقدملي ناس ورفضتهم اهلي زهقوا مني ومش عارفه اعمل ايه انا ندمانه اني عملت حاجه تغضب ربنا لكن ابدا مش ندمانه على جوازنا لانه كان لازم بعد الي حصل وانا دلوقت مراته حصل بينا علاقه كاملا طلب مني كتي نسجل الورق في الشهر العقاري عشان لو حصله حاجه يبقى مامني بس انا رفضت انا مامناه جدا لدرجه اني سايبه الورق معاه انا متاكده من حبو ليا ومتاكده انه مظلوم ومتاكده ان اهلي لما يدخل بينهم هيحبوه بس دايما بيقولولي ان الناس الي في الوسط ده مبيبقوش على واحده انا مقدرش فعلا اعيش من غيره ومش عارفه اعمل ايه اهلي حلفولي لما العريس ده اتقدملي ان لو جوزي ده اخر واحد في الدنيا مش هتجوزه انا نفسي ربنا يسامحني ونفسي انا وهو جوازنا يبقى في العلن
مشاكل الزواج العرفي
تزوجت شاب عرفي واهلي يرفضونه بشكل قاطع
اضيف بتاريخ: Wednesday, June 27th, 2012 في 22:26
كلمات مشاكل وحلول: الزواج, الزواج العرفي, العرفي, فتاة
زواجك العرفي من هالرجل يعتبر زواج باطل شرعا وهومثل الزنا وقال الرسول الكريم – ايما امراة نكحت نفسها من غير ولي فزواجها باطل -ومن شروط اتمام الزواج موافقة الولي – والشهود- الاشهار – ازاي عايزة اهلك يوافقون على هذا الرجل بعدما كل اللي عملتيه معه بعت له نفسك بالرخيص وحصل بينكم علاقة كاملة لاسبيل امامك سوى التوبة الى الله عزوجل وكثرة الاستغفار منه والندم على ماحصل منك وعدم الرجوع اليه وقطع علاقتك المحرمة بهذا الرجل اللي تجوزتيه من وراء اهلك وتصالح اهلك وتطلب منهم السماح والعفو عنك وتقري بذنبك اللي عملتيه وهم لهم الحق في ان يزوجوك منه بالحلال وبعقد رسمي ومهروصداق او يرفضوه وتسمع كلامهم وترضي به عشان ربنا يرضى عليك ويبارك لك في حياتك ويسعدك طوال العمر
السلام عليكم اختي مع احترامي الشديد لمصر الحبيبة وشعبها الا اني الوم على شيء واحد وهو الاعتراف بالزواج العرفي بمصر الحمد لله عندنا في الجزائر ممنوع الاعتراف بغير الزواج الشرعي وممكن اقلك شي اختي انت قلتي انو انا اعرف الدين واصلي مدام تعرفي الدين لازم تعرفي معلومة مهمة عن الزواج وهي الاصل في الزواج السليم الاشهار وحضور الولي والا سيكون زواجا باطلا ويعتبر زنا.اذا كنتو عملتو شي صحيح ليه تخبوه الاصل في الزواج العرفي هو السرية التامة لماذا لانهم يعرفون انه خطا كبير.الاسلام اعطاكي فرصة تحافظي على حقوقك بالزواج الشرعي مهرك ولو بيدينار ومسكن طبيعي ولو غرفة عادية وفرحة مع اهلك وجيرانك وامام كل الناس اما الزواج العرفي فهو مجرد ورقة تافهة اذا ضاعت منك لاي سبب تضيع معها كل احلامك.اتقي الله انت وهذا الشاب واقنعيه واقنعي اهلك بالزواج الشرعي واذا لم يوافق اهلكي فاكبر غلط هو منكي لانك قبلتي بهذا الوضع وانت تعرفين ان اهلك يرفضونه الان ما فائدة الحب بعد هاذا التسرع.ربي يكون فالعون.
الزواج العرفي حرام شرعا لايجوز ولايعدزواجاصحيحاباجماع كثير من علماءالامةومافعلتوه يعد كبيرةمن الكبائر وهي الزنا والعياذبالله عليكما قطع العلاقة تماما والتوبةلله وكثرةالاستغفار والندم على مافات وهويصلح ماافسده يتقدم لاهلك فورا ويخطبك منهم شرعا حسب الدين والعرف والتقاليد واهلك خايفين على مصلحتك ويتمنوالك الخير فلا تخرجي عن شورهم وطاعتهم عشان ربنايرضى عليك ويتمم لك بالخير وان رفضوا اهلك العريس فاحترمي رغبتهم وخليه يخرج من حياتك للابد وانسيه وربنابيعوضك خيرمنه هتلاقي ابن الحلال فعلا اللي يستاهلك ويقدرظروفك ويسعدك
زواجك العرفي ده زنا ولابعدزواج من اصلو لانه بدون موافقةالولي ولابدمن موافقةالولي والاشهار ومافعلتيه غلطةكبيرةفي حقك وحق اهلك وسمعتهم وكرامتهم وتاني حاجة ازاي تسلمي له نفسك من اجل ورقة ضحك بهاعليك وفي الاخر الورقة دي بليهاواشربي ميتها يافالحة ارجعي لربك وتوب له واستغفريه وانسي الكلب السافل ده للابد واسمع كلام اهلك وماتخرجيش عن شورهم وطاعتهم عشان ربنايبارك لك ويسهل لك كل الخيروالسعادة ربي يهديك ويصلحك ويسترهامعاك
مشاءالله متدينةوتخافي الله عزوجل وايه كمان هل من الدين انك تعرفي شاب من وراءاهلك وهل من الدين ان تتكلمي معه وتخرجي معه وهل من الدين تتزوجي منه جواز عرفي دون موافقةالاهل كل اللي انت فيه وعملتيه حرام في حرام ولازم تتوبي لله وتستغفريه وتقطع علاقتك بالشاب ده فورا وربنايغفرلك ويسامحك ولوكان الشاب يحبك فعلا وصادق في الارتباط بك شرعا يتقدم فورا لاهلك ويخطبك رسمي والا فكل منكم يذهب لحال سبيله وكفاك استهزاء باسم الدين ربي يهديك ويكرمك بالزوج الصالح اللي يستاهلك ويسعدك
يابنتي ايه اللي خلاكي تعملي كلده اولا زواجك العرفي منه باطل شرعاولايجوز ثانيا خالفتي اهلك وتزوجتي دون رضااوموافقةمنهم ثالثا ده يعتبر زنا ولابدلك من التوبة والاستغفار وقطع العلاقةالمحرمةبينك وبينه رابعا لايحل لك الزواج منه الا بحضورولي الامر ابوكي اواخاك الاكبر اوعمك ونحوه ويكون زواج شرعي بحضور الولي والشاهدين ومهروصداق لك وبالله التوفيق
ولوكل بنت شافت شاب تزوجته عرفيا وانتهى الاشكال هل هذامن الدين لعن الله من اباحه لكم اتقواالله وارجعوالتعاليم دينكم الحنيف وسنةنبيناالكريم واحذروامن الزواج العرفي فهوحرام مم لايجوزشرعا
اختي هداك الله اعلمي ان زواجكم هذاباطل وغيرشرعي تماما كالزناوالعياذبالله ايماامراةنكحت نفسهامن غيرولي امرها فهي زانية والزواج له شروط وقبول وايجاب ومن شروطه-حضورالولي اب -اخ- عم- وشاهدين ومزكي وعقدرسمي وليس كمافعلتم اتقي الله في نفسك وفي شرفك وفي اهلك لابدمن اشهارهالزواج بين الناس وبعقدجديد والا يجب ان يطلقك وترجعي لاهلك ولابدلك من التوبه والاستغفار وربي يهديك ويصلح حالك
الاخت الحبيبة السلام عليكم ورحمة الله وبركاته قرات فى الحلول المكتوبة فى موضوعك ان العقد له شرطان وهذا خطأ مع اسفى واعتذارى لصاحب الراى ولكن لان الامر يتعلق بالشرع لابد ان نصحح – شوط العقد خمسة – الايجاب – القبول – الولى – المهر – الشهود – وكثير من الناس لايعلمون معانى الاسماء المختلفة للزواج مثل العرفى المتعة وغيره – لاكن الزواج فى الاسلام كلمتين – يقول الرجل للمرأة زوجينى نفسك – فتقول المرأة زوجتك نفسى اما عملية التوثيق فهى مستحدثة بعد خراب الذمم – فانتى حين تزوجتى – لو ان احدا عقد لقم العقد – وحضر العقد رجلان -او رجل وامراتان – واعطاكى جنيها واحدا – اصبحت اركان العقد مكتملة ماعدا شرط الولى – وذهب بعض الائمة الى ندب راى الولى بعد الزواج وحثه على الموافقة ولو وافق اصبح العقد صحيحا ولا يعد ماضى زنا اذا فعلت ماقلته لك وتمسكى بزوجك – والله الموفق
يشترط في الزواج شرطين الأول أن يكون بولي – والثاني الاشهار – وقد يتحقق ذلك بالجواز العرفي وان لم يتحقق يكون الزواج باطل وهو زنا مقنن -من ناحية اخري أن الزواج العرفي يضيع حقوق الزوجة والابناء يعني ضاعت حقوقك – ولو حملتي وولدتي مش هتقدري تستخرجي شهادات ميلاد منسوبة لأبوهم – يعني ملهمش وجود وطبعا سهل ينكر نسبهم كل ده وارد – واكيد مع حبك له هتقولي انا واثقة فيه كل ده مش مضمون – عند اللزوم هتلاقيه يهرب وتضيع حقوقك وحقوق اولادك لو خلفتي – اللي تقدري تعمليه تتجوزيه رسمي وتخبري اهلك – وربنا يغفر لنا وليكي وكل عام وانتم بخير
اختى العزيزه حرام عليكى
اولا دا مش جواز ولا يعقد جواز بدون ولى فحرام عليكى توبى الى الله وكلمى اهلك حتى يحلو تلك المشكله ويساعدوكى
انت غلطي ولازم تصلحي غلطك اول حاجة لازم تاخدي الورقة منوا ما تضمنيش حد ممكن يكون من كثر ما اهلك مش بيحبوا يكره نفسه ويهرب بيها علشان كده تاخدي الورقة و تقطعيها بدل ما يحصل حاجة مش كويسة و ده اضمنلك واللي هتتجوزي ربنا عارفة كويس واهلك عايزين مصلحتك فيه لو شايفينوا كويس كانوا وافقوا ما كانوش قالوا حاجة لكن اكيد في حاجة علشان خايفين عليكي لو حصل مشاكل عارفة اهلك هما اللي هيوقفوا جمبك هو ممكن لو المشكلة ممكن تتقلب علية هيتخلي بيكي كثير ناس كانت واثقة من شباب زي كده وندمت ومش عارفة لحد دلوقتي تجيبوا ازاي صلي افتكري ربنا اقري قران كثير وادعي ربنا انوا يخترلك الطريق الصح هو لو عايزك كان عمل المستحيل علشان يتجوزك اما هو بمجرد انوا اترفض ما حولش ثاني وده دليل علي عدم اخلاصوا ارجوكي ارجوكي ارجوكي علشان ما توقعيش نفسك في الغلط روحي وخدي الورقة وقطعيها
أنت غلطتي وخلاص والغلط ده ممكن يصلح وبسرعة هو انكم
تتجوزوا رسمي وتبقى في ورقة رسمية تحت إيدك وبعد كده
صارحي والدتك وهي أحن وحدة عليك وهي حتلم الموضوع
وانشاء الله القادم فيه كل الخير !!!
ايه التدين من وجهة حضرتك انك تلبسي محتشم وتغطي راسك وانك بتصلي وتصومي هل هذاهوالدين عندك لاياختي انت غلطانة التدين انك تعرفي الله وتخشيه في السروالعلانية وانك تاتي مااحل الله لك وتنتهي عن ماحرم عليك والاوش فايدة الصلاةوالصوم وانت غيرملتزمة توبي الى الله واقطع علاقتك مع الشاب الخاين اللي اغواك وارجعي لاهلك واطلبي منهم السماح وربنا يكرمك برجل صالح يقدرك
بصي يبنت الناس من معنا كلامك ان بتعبديه قبل ربنا الحل والوحيد وخديها من الاخر المواجه واللي فيها فيها اذا وانتي ونصيبك وبيني وبينك هوا لو بيحبك هيتجوزك عرفي ليه انا اقلك ليه عشان يحط اهلك قدام الامر الواقع وبعجز اللسان عن الرد قصدي الاصابع عن الطباعه
لما حضرتك متدينة اوي كدة مفكرتيش ان دي حاجة ممكن تكون سبب غضب ربنا عليكي دة زنافهمة يعني اية زنا وبعدين مفيش انسان يستحق الثقة دي مهما كان ممكن الشيطان يوسوس فدماغة وانتي عارفة واثقة ان اهلك مش يوفقوا علية يبقة لية بس كدة المهم انك يتقولي لاهلك واللي يحصل يحصل ياما اختارية هو وسجلي ورقة جوازك مع انك لو اختارتية هو يبقة انتي كدة مالكيش خير في اهلك وربنا يوفقك
اهلك غلضانين انا اهلى كلهم من الوسط ومخلصين الزوجاتهم جداااااااااااا فوق الوصف انا بقى متجوزه زيك بس محصلش حاجه والورقه متسجله فى الشهر العقارى ومعاه الورقه
ليه عملتى كدة ممكن فى لحظة يمشى ومش هتعرف تعملى حاجة انت واثقة فية اوى كدة ليه ربنا ميز الانسان بالعقل فين العقل انت غلطانة وده مش جواز نصيحة لازم تاخدى الورقة منة لانة الوحيدة اللى تاكيد انك متجوزة دة فعلا مش جواز
السلام عليكم ياجماعة انا احب اوضح حاجة عن تجربة شخصية الجواز العرفى مهما كان الامر فهو زنا زنا مية فى المية وبنصح اى اخت انهاا متفكرش فى الزواج العرفى وتكون مؤنتة انة زنا والعياذ بالله . انما انتى تصرحى اهلك وفى اى شىء اهلك لان اهلك همة سندك فى الحياة واخواتك وعمامك وكذا اصلاا المبدا غلط سلام
مفيش انسان على وجهه الارض يستحق الثقه الكبيره اوى دى حتى لو كان مين ..
ربنا يستر والشيطان ميقعدش يوسوسله فى دماغه
ومينفعش تفضلى سيباله نفسك كده وخلاص لازم تاخدى قرار يا اما تعرفى اهلك واللى يحصل يحصل يا اما تعادى اهلك وتروح توثقى الورقه فى الشهر العقارى زى ما قالك
وانا من رأى انك تقولى لأهلك الحل الاحسن اينعم هيتخديلك علقه محترمه بس بعد كده هيحاولوا يكتموا على الموضوع ويجوزكم
وربنا معاكى
ليه اتجوزتى عرفي وانتى واثقه ان اهلك مش هيوافقوا عليه؟ وليه لما طلب منك توثقي العقد في الشهر العقاري انتى رفضتى ؟ شوفي يااختى انتى لازم تصارحى اهلك بالجواز دة حتى لو فيها صدمة ليهم بس لازم يعرفوا لان هما بس اللي هيقدروا يخلوا الجواز دة شرعي وفي النور قصاد الناس كلها, وادام عملتى حاجة غلط في الظلمة يبقي لازم تتحملي نتائجها ربنا معاكى
طالما كده يبقى تتجوزيه شرعي في المحكمة أحسن حتى بغير رضا أهلك وتروحي تعيشي معاه
اعقلي كده وافهمي، الجوزاج العرفي زنا زبيضيع حقوق المرأة
ومحدش يستحق الثقة العمياء دي
هو سؤال واحد بس ليه عرفي مش شرعي ..؟؟؟ يعني ليه مش فكرتوا يبقي شرعي حتي لو في السر ده اولا
ثانيا هو معاه حق لازم توثقيه في الشهر العقاري لان الدنيا مش امان ومش بقولك هو لاقدر الله حصل ليه حاجه انتي هتعملي ايه وقتها .. واكيد لازم ترفضي العريس ده ومدام بتحبيه اوي كده خليه يتجوزك شرعي وحاولي تلمحي لاهلك ..عارفه انك مش عايزه تصدمي اهلك او ممكن يقاطعوك بس انتي حاولي بكل اسلوب قبل ماتصرحيهم ..ربنا يسعدك
ربنا يعينك عالجتي غلط كبير بغلط اكبر بدعيلك الله يحنن قلب اهلك وتصيرو مرتو بالحلال الله معك