الحب على النت

تعلقت به وحبيته لكن اشعر بالوحدة

انا بنت غير متزوجة او مرتبطة تعرفت علي شاب ع النت من خلال شات من غير بلدي كان له تجربة سابقة في الزواج في البداية كان كلامنا عادي و ف يوم لقيته بيقولي بحبك ! قولتله انت لحقت تعرفني عشان تحبني ! قلتله ايه السبب اللي خلاك تحبني قالي عشان انتي مش بتكلمي شباب ف الشات حاولت اقنع نفسي انه بيحبني خصوصا بعد م زعل من رد فعلي المهم طلب مني اضيفه ع الفيسبوك وقد تم لاني ارتحت له من كم موقف لان حسيت انه بيخاف عليه وكان مجرد احساس .. لان بعد كده ابتدي مجري القصة ياخد شكل تاني ! فوجئت انه يلمح بالجنس والكلام فيه لم اتجاوب معه وكنت اغير الموضوع كان يزعل مني ويقفل ويروح قلتله انت مش بتحبني قالي بحبك ! بس انتي عقلك صغير عقل اطفال قالي لاني بحبك انا رافضة استجيب ليه وفي نفس الوقت تعلقت به لان باستثاء كلامه في الجنس ف هو شخص حنون ، مرات اقول يمكن لانه سبق ليه تجربة الزواج ! ومرات اشك انه مازال متزوج ، كتير اقوله بلاش الكلام ده لكن يزعل ويقاطعني وانا اكون اعتدت عليه وانا اللي ابدا اسئل عنه بس هو يمكن يكون فاكر اني بسئل عشان محتاجة الكلام ده ، لكن ابداااا كل مشكلة اني اشعر بالوحدة ومش لاقية حد اتكلم معاااه برجع اكلمه لان اتعلقت بيه والله مرة لغيت صداقتي بيه لكن رجعت اكلمه تاني ! افتقده
اتحديت نفسي قلت يمكن اصلحه واغير مسار حياته لكن هو مصمم ع اللي براسه ف مرة سبته يعبر براحته ومن غير ما استجيب له بس افسدت عليه شعوره ف الاخر لان حسيت اني بصغر في نظري كالعادة زعل ، مش عارفة اعمل ايه انا تعبت ومن خنقتي ببكي ومن الوحدة بهرب من مشاكل الحياه للنت الاقي النت هو اللي هيجيبلي اكتئاب ..

مشاكل وحلول ذات صلة

اضيف بتاريخ: Sunday, April 2nd, 2017 في 07:28

كلمات مشاكل وحلول: , , , , ,

4 رد to “تعلقت به وحبيته لكن اشعر بالوحدة”

  1. ابوالبتول
    13/04/2017 at 20:54

    صدقينى يااختي انه شاب سافل وحقير وابن حرام يتلاعب بمشاعركل البنات امثالك احذري منه ومن التجاوب لاغراءته الشيطانية واقطع كل علاقتك به نهاية وللابد ولاتجعلي الوحدة تيسطر على حياتك اشغل اوقات فراغك بطاعة الله عزوجل من صلوات وقراءة للقران والاذكار والاستغفار في المساء والصباح وعليك بالصوم فانه وجاء ووقاية لك من الوقوع في الفواحش والمحرمات ولاتدخلي مواقع المحرمة على النت كالدردشة والتعارف مع الشباب الساقطين استخدمي النت فيما يعود عليك بالنفع والفائدة في حياتك والله يسترعليك ويصلح احوالك وكل بنات المسلمين اجمعين

  2. الانسان الطيب
    10/04/2017 at 14:08

    أختي الحبيبة …..
    هو بس سؤال ممكن نسأله كلنا لنفسنا :
    هو احنا عشان يبقا عقلنا كبير لازم في أى ارتباط نكلموا في الجنس ؟؟؟؟ !!!!
    السيرة ديه أصلا ممنوعة نهائيا واذا تم التطرق لها خارج الاطار الشرعي كالزواج كانت ممنوعة ومرفوضة ….
    وانتي في كل ما عملتيه صح ،،،،، في رأيي انهي علاقتك بيه وأنا بأكدلك وعن يقين مش هيدور عليكي ،،، لأن اللي بتحكي عنه ده أبعد ما يكون حب أصلا …
    انتي انسانة عاقلة ورزينة وشكلك بنت ناس وتستحقي كل خير ،،،، وعلى فكرة عايز أقولك حاجة اذا جه الشاب اللي يقدرك ويعرف تمنك ويحطك في عينه حياتك هتتغير تماااااااااااما واذا مجاش بردوه الشاب ده متعرفيش الخير فين ؟؟؟؟ !!!! ، استمري على حياتك مهما كانت ولازم تعرفي ان ده الخير من عند ربنا مهما كانت الوحدة
    سيبيها لله المسائل ديه ، أهم حاجة انك تمشي صح في حياتك
    ربنا يسعد قلبك ويفرحك يارب

  3. كريم نور
    06/04/2017 at 11:52

    الغريزة الجنسية ابعدي عنه… مقلتيش عمرك كام لو اقل من 20 واتقدم لخطبتك شاب هتتغير حياتك لو فوق 20 يبقي الزواج وربنا يسعدك

  4. Dr
    02/04/2017 at 18:32

    صدقيني يااختي ده شخص لايحبك كل غرضه الجنس والتلاعب ببنات الناس، رايت حالات كثيرة لفتيات نفس حالتك، ستخسرين دينك ورضا ربك واخلاقك، وعندما ياخذ منك مايريد وليس بالضرورة المعاشرة لكن امور اخرى سيختفي من حياتك، وثقي تماما انه يتواصل مع غيرك،،اختي لاتخون ثقة اهلك وتربيتك واخرج من هذه المواقع والجأ للدعاء والاستغفار

اترك رداً أو حلاً لهذه المشكلة