مرحبا
انا لو سمحت بدي افسر حلم ضروري
انا حلمت اني كنت انا و صحبيتي و شب بعرفو كنا حنمثل مسلسل و كل مره ايصير شي ايعرقل الموضوع، , و انا و الشب كنا على علاقه و صحبيتي بتطلع فينا نظرات سيئه من الغيره بعديها فجاه صار في فلفل احمر مطحون معبي المكان في الغرفه و كانت صحبيتي بتكنس فيه فا فجاه صرنا بصحراء مليانه فلفل احمر و هيه لسا بتكنسو و انا واقفه بتفرج بقول ليه كل هاد الفلفل و متى حتخلصو و صارت الدنيا ليل بعديها الفلفل دخل بعيونها و تمها و صارت اتكح و تحكي كتير يا الله. فجاه اجى شي اسود من وراي و كان جن و دخل جواها و صار شكلو قوي و بهاي اللحظه شوفت الشب اتمدد ع السرير و غطى حالو و حط سماعات في دانو حكتلو قوم شوف شو بصير فا فكرني بمزح و ما اهتم سكر عيونو فا بحكيلو قوم و شديت منو السماعات فا قام مخضوض و وقف جمبي و ع طول الجن دخل جوا هوه كمان و صار شخص قوي لونو اسود فا صرت بسرعه ائذن وانا واقفه بالصحرا الي فيها فلفل و الجن قبالي بضحك و نسيت الاذان بنصو فا صرت اقرء ايه الكرسي و سكرت عيوني عشان ايضل عندي يقين بالله انو حيطلع منهم لئنو الجن كان يضحك بوقتها ولما خلصت قرائه ايه الكرسي فا لقيت خيال الشب بدا يطلع من الجن و طلع منو و صرت بدي اكمل عشان يطلع من صحبيتي بس ما قدرت، لساني تقل و بعديها صحيت و رجلي كتير كانو ايوجعوني
اختي تفسيرهذا الحلم هوكالتالي رؤيتك لصديقتك وشاب في المنام يدل على قرب الزواج لك وليس شرط من هذالشاب بعينه ربما شخص اخر وصديقتك هذة قد تحاول خطفه منك والايقاع بينكما فهي عدوة خبيثة تظهر لك الحب والاخلاص وهي كاذبة ورؤية الفلفل في المنام يدل على الخير والمال الكثير ويعنى للمراة العزباء الحالة النفسية الجيدة والاحساس بحب المحيطين بها واكله امرغيرمحمود والصحراء تدل على الاتساع والخضرةوالزرع وتعنى الزواج وانجاب الابناء والشجرالمثمر في الحياة وان الفلفل دخل عيونها يعنى الجشع والطمع اعمى بصرها ودخول الجن فيها يعنى صارت شيطانة وعملهااسود ويجب الحذرمنها حتى لاتتاذوا منها والشاب على السرير يعنى حصول المعاشرة والزواج بينكما وانه حاط السماعات في اذنه يعنى غيرمهتم بحالك اوبمايحصل معك وقام مخضوض يعنى خايف وان الجن دخل جواته يعنى انه صار مثل صاحبتك شيطان وخطرعليك ولونه اسود يعنى قبيح العمل وفاسد الاخلاق وانت صرتي تاذن يعنى الخلاص والنجاة لك منه والاذان رحمةمن الله وامان لك وقراءتك للقران وايةالكرسي يدل على الامان لك والخلاص مماانت فيه وزوال ماانت فيه وان لسانك ثقل يعني تعطل اعمالك ويدل على الفقر وان رجلك توجعك يدل وجع الارجل في المنام على المشي في غيرطاعة الله تعالى والله اعلم