السؤال ده ممكن يطول بس الحزأ الأول من حلم النهاردة هو المهم. الجزأ التانى اعتقد ملوش معنى. انا ف الطبيعى مش بصدق ف تفسير الاحلام بس لما لقيت ماما بتصدق… قلت يمكن. ده غير انى قريت حاجات وحشة كتير عن الموضوع ده. ودى اول مرة احلم حلم ابقى عايزة افسره بما إن كل احلامى بتبقى هبل وملهاش معنى وبتضحك.
من يومين حلمت ان ماما بتسألنى مش انا جبت فرشة جديدة (وانا بجد جبت واحدة من يجي شهر) وقالتلى طب روحى اغسلى سنانك وقمت صحيت
النهاردة حلمت بحلم غريب شوية.
حلمت ان الناب بتاعى اللى ف فكى اللى فوق كان بيتلخلخ ووقع وقمت مسكته ف ايدى (كان شكله اطول من الطبيعى) فجريت عشان اجيب قطنة احطها ماكنه عشان الدم ورحت اقول لحد من عيلتى مش فاكرة مين من التلاتة (ماما او اختى او اخويا) وانا بقولهم بفتح بؤى لاقيت الضرسين (او ال3 ضروس) اللى جنب الناب وقعوا ف ايدي (بس لما مسكتهم مكانوش شبه ضروس كانو شبه علبة بلاستيك صغيرة خالص قد الضرس) ودول ماطلعوش دم ومشفتش الدم تانى بقيت الحلم وما اتبقاش ف الجنب ده من بؤى (الجنب اليمين ف الفك اللى فوق) غير ضرس واحد فى اخر الفك (معتقدش انه ضرس العقل عشان انا لسة ماطلعليش) وانا كنت زعلانة وبصيت عليهم وقلت دول حتى شكلهم حلو ومش مسوسين وقعوا ليه وقمت حاولت ابتسم قدام المراية لاقيت طبعا مكانهم باين وابتسامتى شكلها وحش. قمت تقريبا سمعت ماما بتقولى معلش.. او تقريبا حد قالى كدا وانا مشفتش مين بس اعتبرته صوت ماما. اه، مفيش سنة من اللى وقعوا وجعونى بس الناب الوحيد اللى حسيت به وهو بيقع (بس مش وجع برضه).
الجزأ التانى من الحلم هيبدأ يهبل وممكن متقراهوش.
محدش من اخواتى (معتقدش انى شفت ماما ف الحلم) رد لما وريتهم ضروسى ونابى وقامو وخديني ف عربية اخويا. كنا ف العربية انا واخويا واختى. فضلنا ماشيين بالعربية لحد مش عارفة ايه باظ فيها ف وقفنا قدام بيت غريب والمفروض ان ف الحلم اخويا قال انه ده بيته (مع انه مش شبه بيته خالص) وانه خلاص هيركن العربية ف الاسانسير زى ما عمل ف بيت اختى (بغض النظر انى مش عارفة هيركنها ازاى ، مافيش اسانسير اصلا ف اى من البيتين) وهنروح بعربية اختى وخلاص. وبعدين انا واختى وقفنا نستناه فجأة لاقينا ف الطريق جه اخويا وهو راكب عربية اختى مع جوزها (العربية كان لونها احمر مع إن لونها رصاصى بس عادى انا ف العادى بتلغبط اصلا ). ف قمت ركبت العربية انا واختى واحنا ماشيين مش عارفة انا ولا اختى قولنالهم هو احنا مش هنستنا شيماء (اختنا التانية) ف قمت افتكرت ان النهاردة نص الاسبوع وان هى عندها شغل. ساعتها شيماء قامت من النوم وعدت من جنبنا (مع العلم اننا جوا العربية واقفين ف شارع) بالجلبية بتاعت البيت وشعرها اللى لسة صاحى من النوم وقالتلنا لأ عندى شغل ماينفعش اروح معاكم وقامت واخدة اتنين جنيه كانو على العربية (على اساس ان ده مصروفها؟)
اه تقريبا ف اول الحلم حلمت ان اختى اللى كانت لسة صاحية من النوم اديتنى جنيه ونص عدية (بصرف النظر ان مفيش عيد) وانا قولتلها ازاى يعنى فقامت مديانى جنيه كمان وانا قولت خلاص معايا نص جنيه ف الحصالة كدا يبقى معايا 55 جنيه.
بعدين حلمت ان واحدة من صحابى (مش صحبتى اوى يعنى اعرفها من درس وخلاص) اتجوزت.. وبعدين صحيت.
جاوبت هنا ولم تعرض اجابتي , وكنت مهتم بعرض اجابتي لاني فهمت من النص الثاني من الحلم شيء يترتب عليه وكانت اجابتي نصيحة اردت منها ان تسبق بها شيء سوف يحدث لها في الاخير , خصوصاً بعد ركوبها العربية ,
السلام عليكم ورحمة الله وبركاته
هناك موقع على الفيسبوك
تفسير الرؤا والأحلام والاضغاث والمنام
هو متخصص في مجال التفسير
لكن سقوط الناب موت احد رجال البيت
وسقوط الإضراب هو موت العم أو الخال
حلمك غريب بعض الشي وقديكون اضغاث احلام وليست برؤيا حقيقة مثلما تظني اكثري من الدعاء والاستغفار وقراءة سورة الاخلاص والمعوذتان واية الكرسي قبل المنام ونشاء الله يزول عنك ماانت فيه ويبعد عنك الشيطان الرجيم