تفسير الاحلام

شوفت حلم بروض فيه اسد وعندي كومباوند

السلام عليكم…
حلمت اني عندي كومباوند كبير و الكومباوند ده فيه قصر كبير عايش فيه و فيه شركتي الخاصة بردة.
في يوم و انا قاعد في الجنينة دخل عليا اسد و هاجمني و فضلت اصارعه لحد ماهزمته وحبسته في قفص.
كان معايا ولد صغير شبهي اوي و انا صغير المفروض انه ابني في الحلم (علما اني مش متزوج و مش مخلف) مسكته قعدت اعلمه زي ازاي تتحكم في الحياة و ازاي تكون قوي و كنت فرجه عالاسد ده و اوريله ازاي الواحد بينتصر و يكون قوي.
الاسد بالرغم انه كان هايج الا اني كنت برضة مسيطر عليه و مروضه.
القفص ده كان كبير جدا و موجود فيما يشبه البدروم لمبني … المبنى ده هو الشركة بتاعتي.
طلعتلها لقيت واحد كان زي رجل اعمال و عنده مشاكل في البزنس فكان بيزعق في مكتب مدير الشركة بتاعتي.
اول ما دخلت المكتب بتاع خاف و سكت و ساعتها كنت بقول فيما معناه اني لغيت البزنس و اني مش عايزه في حاجة.
و مشيت من المكتب و طلعت برة قام الراجل ده خرج ورايا يستيمحني و يراضيني.
و انا خارج كان في مرايا قدامي شوفت فيها اني كبير شوية في السن حوالي 40 سنة (مع العلم اني عندي 25 سنة).
انتهي الحلم كدة …
معلومات زيادة انا مهندس عندي 25 سنة من مصر و مش متزوج و لا مخلف بس مرتبط .
و اني حاليا مش بشتغل لسة و بحاول ابدأ الستارت اب بتاعتي.

مشاكل وحلول ذات صلة

اضيف بتاريخ: Sunday, August 27th, 2017 في 18:34

كلمات مشاكل وحلول: , , , , ,

ردود to “شوفت حلم بروض فيه اسد وعندي كومباوند”

  1. ابوالبتول
    28/08/2017 at 21:21

    اخي العزيز ان صدقت في رؤياك هذة كما قلتها فهي بشارة كبيرة لك وحياة سعيدة وسعة في العيش ان شاءالله فرؤية انك تملك ارض واسعة في المنام دل على النفوذ وانك من اصحاب الجاه والمكانة الرفيعة والرزق والمال الوفير ورؤية القصر الكبير في المنام دل على الزوجة والابناء والحياة السعيدة وسعة العيش والسعادة والسرور ورؤية الاسد في المنام دل على القوة والظفر والمنعة وانك روضته دل على قهرك لعدوك والنيل منه ورؤية ولد صغير دل على الهموم والغموم وتفريجها وانك ترزق بولد يشبهك تماما ويكون عونا لك في حياتك ورؤية القفص دلت على حياتك الزوجية وانك مسيطر عليها وتحافظ عليها والشركة دلت على التجارة وكسب الاموال وانك سوف تشارك رجال اعمال كبار وتكسب منهم اموال طائلة ورؤية المرايا في المنام قيل دلت على خيال وتكبر فمن راى نفسه في المرايه في المنام وكان مريضا فانه يموت او انه راى شكلا غير شكله وصورة غير صورته فدلت على انه يصاب بمرض اومشكلة في عقله والله اعلم وصلى الله على سيدنا محمد وعلى اله وصحبه وسلم

اترك رداً أو حلاً لهذه المشكلة