تفسير الاحلام

الرقية الشرعية في المنام

انا بنت جامعيه وحلمت انى كنت رايحه انا وصاحبتى درس عند مدرس ثانوى وفى الطريق حصلت مشكله فى العربيه واتسرق حاجاتنا انا اتسرق منى الحذاء والفلوس وصاحبتى الموبايل بتاعها.. وبعدها صاحبتى طلبت منى نروح نزور الشيخ محمد حسان لانها عارفه انه مريض وقالتلى عشان حتى نريح اعصابنا شويه من اللى حصل.. اول ما دخلت عنده لقيته عرفنى ونادانى باسمى قاللى نصا تعالى يا اسلام وبعد كده دخلنى اوضه كان فيها شيخ تانى معرفهوش وكانت الاوضه دى فيها كتب ومصاحف واذكار ففهمت انه هيعملى رقيه شرعيه .. واول حاجه قالها ليا بيطلب منى انه مهما قال مش اعارضه فى حاجه قلتله لا انا هعارضك لو قلت حاجه غلط عن ربى وانا مش هستحمل مش ارد الكلام اللى بتقوله ضحك وقالى لا مين قالك انى هقول حاجه وحشه قلتله كده ماشى المهم بدا يقرا عليا سورة الفاتحه وانا اقرا معاها .. وبعدها قرا قران كمان بس مش فاكره الايات بس فاكره انى كنت بقرا معاها اللى بيقوله لانى اصلا من حفظه القران.. وفى الاخر دخل الشيخ محمد حسان وكمل معاها الرقيه الشرعيه وحصل ان فى واحده خرجت منى وانا فاكره شكلها وقالتله فى الحلم انها كانت بتصحينى قبل الفجر بشويه ووقت اذان الفجر تخلينى انام مش اصللى فانا فضلت ازعق فيها اللى كانت بتعمله فيا .. ولما فقت قلت للشيخ محمد شكرا يا شيخ شفاك الله وعفاك قاللى شفاكى انتى وعفاكى وبعدها ارتحت اوووووى فى الحلم… ياريت لو فى تفسير .. جزاكم الله خيرا

مشاكل وحلول ذات صلة

اضيف بتاريخ: Wednesday, January 22nd, 2014 في 06:30

كلمات مشاكل وحلول: , ,

اترك رداً أو حلاً لهذه المشكلة