حلمت بحلم غريب جدا جدا
كانت فيه بنت انا بعرفها من ايام الجامعة حكيت معها يا دوب 5 او 6 مرات فقط
المهم الحلم كالتالي:
كنت انا مروح من الشغل وجيت ع البيت اطلعت من بعيد لقيت في حفلة جنب البيت وكأنها خطوبة
دققت منيح بالعروس الا وهي هاي البنت اللي بعرفها
ولا هي جاية علي امي وبتحكيلي هاي عروستك وهاي الحفلة حفلة خطوبتك
انا عصبت وصرخت وصرت احكي ما بديش اتزوج ولا اخطب انا لسه صغير
وكان في للعروس تبعتي سيارة 4×4 لون فستقي رحت انا فتحت الباب اللي ورا وتخبيت فيها
بعدها حكولي انو شركة جوال (فلسطين) هيك عاملة بكل موظفينها ومختارة لكل شب عروس ولكل بنت عريس
ف هاي البنت كانت تشتغل بجوال ف انا اختاروني لالها
بعدها بشوي اجت علي العروس وانا بسيارتها وحكتلي انو تعال ع الحفلة يلا ف حكيتلها انو انا صح معجب فيكي كثير بس هاد الشي مستحيل يتم ويصير !
المهم انا حكيت بعدها بجرب فترة الخطوبة
وجربناها لفترة الخطوبة وكان كل شي تمام
وهي بنت عز ع الاخر حتى انو اهلها كل ما يصير معها اي مناسبة حلوة كانو يجيبولها ذهب
بس انا المسخم مش قادر اجيب شي
الا نوع الشوكولاتة اللي بتحبو !
ف بالاخر فسخت الخطوبة وحكيتلهم هاي بنت عز وانا ما رح اقدر البي كل طلباتها
وصحيت هون ع صوت المنبه
اعطوني تفسيركم لالو لانو عنجد ماخد هالحلم كل تفكيري من يوم ما صار :\
رؤية الشاب للفتاة في المنام تدل قرب الزواج اوالارتباط مش شرط من البنت اللي تحكي عنها اوتعرفها قد يكن من غيرها وايضا رزق ومال وفير تحصل عليه في حياتك من العمل والله اعلم
تفسيره انشاءخيرالله ياولدي امازواج لك عن قريب وليس شرطاهالبنت اللي تعرفها ولكن زواج تلاقي معه الخيروالسعادةوالرزق في الحياة والله اعلم