السلام عليكم ورحمة الله وبركاتة,
انا عمري 27 سنة, غير متزوجة, كنت موظفة بشركة بالقطاع الخاص لكن حاليا ابحث عن عمل اخر (الحمد لله على كل شئ).
سامحوني الحلم طويييل لكن انا كتبت كل شي بالتفصيل حتى الصورة تبقى اوضح من ناحية تفسيركم ليه ( متفضلين بالتفسير طبعا 🙂 ).
حلمت تقريبا بعد صلاة الفجر بساعة انه بيت جدي القديم بمنطقة ثانية بعيدة عننا استثمرته خالتي الكبيرة بنته 3 طوابق وساوته ملجأ ايتام للبنات وقعدت تديره هيه (الغريب انه هو بمنطقة ثانية لكن بالحلم هو مقابل بيتنا بنفس الشارع!!), المهم, بحلمي اني مش على اصطلاح دائم مع اهلي فظليت عايشة مع خالتي بالملجأ.
كان في الملجأ راجل كبير بالسن قوي, يعني نهاية الخمسينات او بداية الستينات بس الصراحة مبين اصغر من عمرة قوي (يعني يبان بنهاية الاربعينات للعين) بشرته بيضاء و شعر كثيف جدا مصبوغ اسود ومخبي كل الشيب الابيض اللي فيه, وشوارب سوداء خفيفة شوية.
بالرغم اني اعرفة بالحلم الا اني سألت خالتي مرة ثانية ماعرفش لية او يمكن من باب الفضول , مين ده يا خالتي قالت دة يشتغل معايا بادارة الملجأ ولولا هوة في مشاكل كتير واجهتني ما تحلتش, بس عن حياتة الخاصة اللي اعرفة انة في ناس قالت أرمل وماعندوش عيال وناس قالت منفصل عن مراتة وبدون عيال, لان هو كتوم قوي وما نقدرش نسألة اي شي شخصي, احسن نحرجة … الغريب اني كنت مرتاحة له قوي قوي, على طول مبتسم وهادي لما يبص ليا الا انة ولا مرة جرب يحكي معايا او يفتح حديث وانا كمان بالحلم ماكنتش اتجرأ احكي معاه وهو يضحك عليا من بعيد.
بعد كدة طلعت ليا خالتي بالحلم وقالت انة عايز يتقدم ليا ومتحمس قوي وهي مرحبة بالفكرة بشكل غريب, زعلت منها بالحلم و شرحت لها اننا ما نعرفوش كويس عشان توقفي معا بالمواضيع دي خصوصا. وان عندي مامتي وبابا لازم تقوليلهم الاول قبل ما اديتيه كلمة, قالت هو تعهد لي انه مش حيقرب منك ولا يكلمك نهائي لغاية اما توافقي انتي وبس وما هموش لا رأيي ولا امك وابوك لانه قالي هي كبيرة عندها 27 سنة وتقدر تأخذ قرار وتميز الصح من الغلط.
ما بلغتش اهلي خالص باي شئ بالعكس, رجعت لها مرة ثانية وقفت معاها وقلت لها موافقة.
لاني كنت شاكه اهلي يوافقو علي, مع العلم بالحقيقة اهلي من اكثر الناس اللي تشجعنا انا واخواتي بالزواج من شخص كبير بالسن المهم مركزة و فلوسة بحجة انة اللي بسنكم اليومين دول مش هيقدرو يوفرو ربع اللي عن الراجل الكبير و اللي بسنك دلع وهيتعبك و يادوب هيقدر يسعدك ده لو قدر اصلا من غلاء العيشة اليومين دول و عينهم زايغة الشباب دي و هيتعبك بس الكبير عينة مليانة و هيدللك دة غير انة ساب فكرة الجواز من حد بعمرة و جالك يعني ادللي عليه ويجيبلك اللي تأمري بي بس شاوري و انتي مش صغيرة برضة اللي بسنك واصغر من خلفو استقرو وانتي لسه نفس الرمية وخايفين تعنسي اهو ظل راجل ولا ظل حيطة , عصفور بالايد النهاردة موجود بكرة لا لان فرص البنت بتقل كل يوم والتاني لما بتتقدم بالعمر. او ان الشباب اللي بعمرك وبتقولي عليهم الايام دي بتروح لبنات اصغر منك يفكرو بالصغيرة لان الكبيرة نسبتها بالخلفة واحد او اتنين يادوب وبعدين ما تقدرش تخلف والراجل يحب الخلفة عزوة وسند لية بالمستقبل واهو الكبير بالسن هتصيري اصغر منه وهيفضل حاسس كدة وانتي المسيطرة مهما كبرتي بالسن و و و غيرها من الماديات 🙁
ماعرفش اية اللي حصل بعدها, اخر شي باحكيلها وصحيت من نومي لقيت الصبح طلع.
___ اسفة للاطاله لكن حبيت اكتب كل شي اتذكرة قبل ما انساه ___ وصدقوني ما قللتش من احترام اهلي او الاهالي بشكل عام (بالعكس بركتنه, كل الاحترام ليهم وعلى راسنه من فوق) لاني ماعرفش حاجة عنهم… لكن بانقل وجهة نظر اهلي فقط وخاصة بيهم همة وبس.
يارب يكون تفسيره خير ان شاء الله … ممكن التفسير المضبوط
اشــــكر جهــــودكم مقدمـــــا وجزاكم الله الف خير.
انا بصلى دائما وفى رمضان ونمت بعد صلاه الفجر وحلمت ان فى وحده عايزه تتحرش فينى وأهلى كانوا عارفين واخى جه وانقذنى وانا هربت وجريت فى الشارع وقعدت عند وحده صحبتى وبعد كدا عرفت ان هى راجل مش ست بس مش عارفه ازاى اختى كلمتنى وقالت إن فى قضيه وكدا وبعد كدا لقيت نفسى بتزوج من رجل كبير وكنت مبسوطه ارجو الرد والافاده
اختي العزيزة اذا كنت صادقة في رؤياك هذة ولم تحرفي او تزيدي عليها شي من عندك فدي بشارة خير لك بقرب الزواج لك من رجل صالح وغني فرؤية الرجل الطاعن في السن في المنام تعني الخير والصلاح في دينه ودنياه وله مكانة بين الناس اتمنى من الله عزوجل ان يحقق لك هذة الامنية بالزواج من رجل صالح صاحب جاه ومنزلة رفيعة وتلاقي الخير والسعادة معه في حياتك والله اعلم
التفسير يعتمد على ما يذكر في الحلم يعني لو كان كذب او اي كلام برضه له تفسير وكل جملة او كلمة تعتبر رمز او اشارة ولها معنى في علم التعبير يعني لو كان حلم تأليف يطلع له اكيد تعبير وتفسير على حسب ما ذكر فيه, لذلك المفسرين دائماً يقولوا, ان صدقت الرؤيا ,لانها قد تكون ليست رؤيا بل كذب وتأليف او من الخيال او من داء او اخلاط البدن او من تسلط الارواح او من حديث النفس او فيلم من الشيطان,ومع العلم ان الكذب في الرؤيا معروف حكمه وانه حرام وحرام كبير جداً ولا يتجرأ عليه الا شقي جاهل وسوف يعاقب بما يدعي انه رآه,ويتسلط عليه به الشيطان بالشر والمكر ,لذلك من يكذب في الرؤيا يورط نفسه في امر مجهول لا يعلمه ولن يحمده, الكذب في الحلم مثل قول الزور وكمن يدل على طريق على أنه آمن وفيه هلاك او هاوية لصاحبه,لهذا الكذب شر ما يمكن ان يكون في الحلم وشر من شر الشيطان فيه وكيده في حالة رؤيا الخير او الشر, اما الرؤيا الحق فصاحبها اول من يعرف معناها و انها حق ويعرف اهم ما فيها بدون ان تفسر له,بل يعرف منها ما لا يستطيع احد غيره ان يعلمه او يفسرهـ ,