مشاكل الشباب مع البنات

حبيبتي تركتني بعد خيانتي ماذا افعل

السلام عليكم

انا عندي 16 سنة وبحب واحدة اووي والله بحبها  بس انا غصب عني ومش عارف ايه اللي خلاني اعمل كدة
روحت اكلم واحدة تاني عشان امشي معاها كدة ( تسلية يعني ) وإللي انا بحبها عرفت الموضوع ده ولما عرفت انا قلتلها علي كل حاجة بصراحة
واترجتها انها تسامحني وان ده مش هيحصل تاني بس هي قالتلي ان ثقتي بقت معدومة فيكـ ومش راضية ترجعلي تاني
انا بجد بتعذب ياريت حل انا والله العظيم بتعذب ومش لاقي حل يخليها ترجعلي تاني
ارجوكوا ياريت حل ويكون في اسرع وقت ممكن

والف شكر ليكـم

مشاكل وحلول ذات صلة

اضيف بتاريخ: Sunday, October 30th, 2011 في 07:00

كلمات مشاكل وحلول: ,

13 رد to “حبيبتي تركتني بعد خيانتي ماذا افعل”

  1. ما بعد الاستخفاف
    10/06/2015 at 12:38

    بصو انا هقلكم ايه يلي حصل معاه البنت دي كانت تحبو اوووي ولما شافها بتحبو قال اجرب اكلم وحده تانيه هو دا غلط كبير منو وقبل ما يكلم البنت التانيه كره البنت يلي بتحبو ولما حست البنت على الخيانه كرهتو وهو اعد يجري وراها احلى واحسن وافضل حل هو انك تنساها وتتركها بس قبل كدا قولها انا بعتذر منك ولما تحتاجيني هتلاقيني جنبك مهما كانتت ظروفي عشان انا بحبك بجد
    ولو هي بتحبك بجد هترجعلك لوحدها

  2. يماني والعز فيني
    26/01/2015 at 17:51

    ياحبيبي لو انت بتحب البنت فعلاً كما قلت ماكنت بتخونها ولا كنت بتخليها تتركك بس انت مراهق وهذا ليس حب وانما انت تتسلى ومشاعرك من تتلاعب بك فللازم تخلص دراسه وتكون انسان بمعنى الكلمة وسيبك من اعمال الشيطان وحافظ على صلاتك ولما توعى وتدخل في سن الرشد راج تختار شريكة حياتك اتمنى لك التوفيق

  3. LOMA
    09/11/2014 at 00:19

    للي عمالين يقولو صغير ده ع الحب لا الحب ملوش سن ع حسب النضج بتاعك انت في ناس بتنضج وبتبقي دماغها كبيره من سن ال16 وفي ناس بتوصل لل 25 وبتبقي عيال لسه بص في حجه اسمها تسامح الحب بس صدقني الخيانه صعب انها يتسامح فيها عشان مش بيبقي معناها عدم ثقه بس لا ده بيبقي معناها عدم حب كمان لانك لو بتحبها هتبقي هي حياتك كلها مش هتروح تدور ع وحده تانيه تملالك حجه او فراغ ليك انت عاوز التنيه تسليه وكلمتها عشان ولا بتحب دي ولا بتحب دي كل الحكايه ان الممنوع مرغوب وعشان هي سبتك عملت كده وصدقني لو رجعتلك هتعمل كده تاني عاوز تعرف شعورها حط نفسك مكانها ياراجل واتخيل حبيبتك او مراتك خانتك مع حد تاني وانت عرفت وشفتهم معقوله تقدر تسامح لا مظنش ابداا ان فيه راجل ممكن يسامح ع خيانه الا اذا كان راجع لهدف رد كرامه ولو فكر في زواج يبقي مش راجل

  4. الفرعون العاشق
    17/01/2012 at 09:33

    والله عجبت لك يازمن ههههههههههههه

    روح ياحبيبى زاكر وشوف مستقبلك اهم من الكلام ده انت لسه صغير والله العظيم انا مافكرت فى جواز وال خطوبة وال حب الى بعد ما خلصت جامعة واشتغلت كمان لاحول ولاقوة الى بالله ولسه ياما هنشوف من الزمن العجيب ده

  5. مايا-ميري
    01/01/2012 at 14:55

    انا حصل معي او في الوقت دا كمان ، سمعت انو بيمشي مع بنت تانية او انا عن جد لما التقيه حعمل الي عملت البنت الي بتحبها هشان الخيانة غلطة كبييراا او قلب البنت لما بينجرح ما بتادر ابدا ترجعو ، بس حاول تتكلم معها كلما التقيتها او عبر بجنون انك بتحبها او اصبر ممكن تربح قلبها ثاني عمرك لس16 سنة

  6. مها
    05/12/2011 at 15:09

    يا بني خيانه ايه الله يهديكم انا لما شفت كلمه خيانه قلت راح اتجوز واحده تانيه .بص حيببي انت لسه بجد صغير وده حب مراهقه عارف بعد سنه واحده سنيتن بالكتير هتكره البنت دي جامد اه والله انا مجربه يعني .فمش تزعل اوي علشانها وحاول تركز ف مزاكرتك .لسه يا ما هتشوف ف حياتك

  7. مراهقة
    05/11/2011 at 11:50

    كلكو بتحطموه وتقولو طفل .. ايه الرخامه دي
    الحب شعور فطرى وبيجي لاى حد فاي سن ومبنعرفش نتحكم فيه المهم انت سلوكك هيبقى ايه وانت مشيت طريق غلط .. ومش هقول تستاهل عشان خنت وبطيخ انت غلطت وفاهم غلطك واكيد انبك ضميرك ومش ناقصني انا كمان .. هي لو بتحبك هتحس من كلامك انك عايزها بجد وانت لو خايف عليها فعلا خاف عليها من نفسك بس عرفها انك عمرك ماحبيت واحده قدها وعمرك ماهتحب بعدها تانى بعدين قولها انا مش همشي معاكى لان دي حاجه تغضب ربنا .. لما اتخرج واكون نفسي هخطبك ويبقى كل حاجه حلال .. وشوف رده فعلها هتبقى ازاى .. يعني متخليش كل الحوار عن الخيانه ادخل فموضوع تانى اللى هو مصير حبكم اللى تلاقيكم ولا مره اتناقشتو فيه .. لو مش هتخطبها لما تكبرو سيبها احسن العمر قدامها ومتربطهاش بيك وتكسر قلبها تانى .. ربنا معاك ويارب تكملو طريقكم مع بعض في النور ان شاء الله

  8. ريما
    03/11/2011 at 04:21

    انت لسه بييييييييييييبى ركز فى دراستك الى انت بتحكى فيه ده بعدكم سنه هتفتكرول وتقعد تضحك والله اسمع منى

  9. الرذل
    03/11/2011 at 00:00

    ايه جماعه الى بتقوله ده روح ياشاطر ذاكر وخلص دراستك وبعد كده فكر فى الحب لاجل الزواج انت لسه بتاخد مصروف من ابوك وهناك فرق فى نظرى بين الرجل وغير الرجل لا اقول بالسن فالرجل ليس بالسن فلو شاب عنده 13 سنه ويستطيع ان يفتح بيت ويتزوج ويصرف على زوجته وابنائه فهو فى نظرى رجل والعكس لو كان عنده 40 سنه ولا يستطيع ان يفتح بيت فهو طفل وعلى هدا المثالين قس مشكلتك فان كنت تستطيع ان تفتح بيت وتتزوج فانت رجل تتزوج وتفضك من هده الاشتغالات وان كنت غير دلك فانت طفل خلص دراستك اولا واعتمد على نفسك وبعد كده كل هدا ياتى بعدين

  10. المحتار
    31/10/2011 at 01:31

    كما تدين تدان يامراهق 😀

  11. مدمنة السهر
    31/10/2011 at 00:47

    اولا انت لساتك مراهق هاد لا حب ولا شي هاد مجرد شعور بالذنب لانك حاسس انك جرحتها ثانيا تستاهل انها تتركك لانه الا الخيانة صعب يغتفر لها ….ولسه الطريق طويل قدامك ولما يجي يوم وتلاقي حبك الحقيقي هاد درس اخذته حتى ما تخون ولا تفكر حتى في الخيانة واصلا يلي يعرف الحب ما يقدر يخون ولا يعرف هيك مصطلح انت بس كبر عقلك والله معك والسلام عليكم ورحمة الله تعالى وبركاته

  12. حواء
    31/10/2011 at 00:41

    اكيد لازم تفقد ثقتها فيك لانك قلتلها انك مشيت مع البنت التانية عشان بتتسلى فهي ممكن تفتكر انك بتمشي معاها هي كمان عشان بتتسلى ولما تلاقي وحدة احسن منها هتسيبها و تروحلها انا برايي لو كنت عاوزها بجد استنى لحد ما تكمل دراستك و اتقدملها اذا كانت من نصيبك و ربنا كاتبهالك هتتجوزها واذا لا تاكد ان ربنا هيرزقك بوحدة غيرها احسن منها ان شاء الله و حط في دماغك ان الحب كرامة يعني الحب اللي يقلل من كرامتك ابعد عنو لانو مش حب

  13. لية الخيانة دى بتهدم مش بتبنى
    30/10/2011 at 15:34

    انت بتقول انك بتحبها اوى هو انت فعلا لو بتحبها كنت بصيت لغيرها يعنى اية واخد التنية تسليها بجد حرام عليك بجد انت حلال فيك الى بيحصلك دة انت كدة ظلمت اتنين ظلمت حببتك وظلمت التانية الى كنت عايز تتسلى بيها عشان دى بنت ناس بردة بجد انا معرفش انتوا بتعملوا كدة لية يعنى انتوا بتحسوا براحة الضمير لما تكسروا قلب كذة وحدة بتناموا كدة وتترتاحوا انت فاكر ان حببتك دى ممكن ترجعلك تانى دى عندها كرامة وخلى بالك دى عمرها ما هتثق فيك تانى لو حصل ورجعتلك والله ما هتثق فيك تانى وهتفضل شيلهالك طول عمرها وهى تلقيها دلوقتى بتقول انا مرجعلوش تانى هيخنى تانى عشان الى يخون مرة يخون الف مرة الحل هو انك تتصل بيها او تبعتلها رسالة او تطلب انك تقبلها وتحلفلها انك عمرك ما هتخون تانى وقولها لو خنت تانى مترجعليش بس انت من جواك مترجعش للخيانة تانى ابدا وخلى بالك دى مش هتنسهالك وهتعملك الف اختبار فى اى وقت هتختبرك ولو فى دمك الخيانة هتقع وربنا يهديك

اترك رداً أو حلاً لهذه المشكلة