انا اول مرة اعرض مشكلتى فى اى موقع واتمنى بجد اراء جيدة
انا طالبة بالفرقة التالتة كلية التجارة بحب شخص اوى وهو بيحبنى من زمان وكان ساكت ومقلش لحد على اى حاجة حتى انا وهو قريب والدتى وحصل شىء غير متوقع انى اروح فرح اخوه وانا مش بطبيعتى بروح هناك لانى مكنتش اعرفهم اوى كان بكامل الزوء معايا بالرغم اننا متكلمناش مع بعض كتير بعد كدة فوجئت انة اتكلم مع بنت عمتو اللى هيا تبقى فى نفس الوقت مرات خالى ان هو بيحبنى وعايز يتكلم معايا قالتلو انى مش بخبى حاجة عن والدتى ابدى اعجابو بالموضوع وبالعكس كلم هو والدتى وبعدها بفترة سافر بس كان بيكلمنى وكدة ورجع هو وحبينا بعض اوى الموضوع دة بقالوا 4 سنين وهو عايز يتقدملى من زمان اوى بس انا والدى متوفى وعايشة انا ووالدتى مع اخويا اللى هو من والدى فقط ولما قولتلو رفض بشدة علشان هو تعليم متوسط وهو شايف انى عندى فرص كتير اوى احسن من كدة بس انا عارفة ان اخويا نظرتو مادية اى وانا بحب الانسان دة اوى لانه تقريبا ضحى بحاجات كتير علشانى وهو محترم اوى وبيعرف ربنا ومش بيسيب فرض الحمد لله اسفة انى طولت عليكو بس بجد عايزة حل للموضوووووع
مشاكل الحب والزواج
حبيبي عايز يتجوزنى واخويا رافض
اضيف بتاريخ: Monday, April 23rd, 2012 في 13:22
كلمات مشاكل وحلول: الحب, الزواج, بنت, كلية التجارة, مشاكل الحب
موافقةاخوك غيرالشقيق اورفضه غيرمعمول بهاشرعالان امك لاتزال عايشةولايحق له الرفض الاباخذالامرمن امك الااذاكانت امك متزوجةمن رجل اخراوانهاكانت مطلقةمن والدك قبل وفاته وتوكلي على الله وتزوجي دام الشاب ابن حلال وكويس وعلى خلق حميدة وربي يسعد في حياتك
استخيري الله مثل ما قال الاخ عابر سبيل
متسمعيش كلام حد مدام هو كويس ومامتك موافقة اتجوزيه ومتسمعيش لاخوكي واعملي اللي عقلك وقلبك يقولوك عليه وربنا يوفقكم ويتمم لكم علي خير يا رب
أنا أرى أخاك على غير حكمة من قراره..
فالشخص الخلوق أفضل ألف مرة من المثقف غير الخلوق
نعم من أهم صفات الزوجين أن يكون بينهما تكافؤ علمي واجتماعي ومادي، ولكن التكافؤ الخلقي أهم وأولى..
أرجو لك إتمام الزواج به، فهذا حقك وحدك، ولا يجوز لأحد الحجر عليه فهو حقك القانوني والشرعي.. وأنتِ وحدك من يتحمل تبعة هذا القرار، فيجب أن تختاري بنفسك..
شوفي إلي انا اعرفة بصراحة ان تتجوزي واحد اقل منك في التعليم إلا لو كانت اخلاقة كويسة جدأ
لأنو عند وال مشكلة معاه هتلاقيه يربطها أنت عايزة تقوليلو انا بفهم اكتر منك
♠إٍسلا مـ ♠
استخيري الله اولا
والمقدرلك هتخديه لو رغم انف اي حد علي وجه الارض
ما كان لك سياتيك علي ضعفك وما ليس لك لن تنله بقوتك
استخيري الله ودعي باللي نفك فيه
وان شاء الله لو خير يكتبهولك ولو غير ذالك يقدرلك الخير ويقربهولك
ارجو ان تفكري بشئ من العقلانيه … لان الحب شئ جميل ولكن لابد من يوجد تكافؤ في موضوع الزواج … وايضا الزواج ليس واحد يتزوج واحده ولكنه تكافئ في كل شئ او علي الاقل ان يكون الي حد ما هناك تكافئ … واعتقد ان اخيكي يريد مصلحتك قبل كل شئ ففكري في الامور يشئ من التعقل ولا تتسرعي حتي لاتندمي
حاولى تقنعى اخوكى او خلى حد ليه تأثير عليه يقنعه…وحكايه التعليم دى مش شرط مهم…انا ليا اختين خريجين اداب ومتجوزين واحد تعليم متوسط والتانى فوق المتوسط يعنى اقل منهم فى المؤهل……وبعدين التدين والاخلاق اهم حاجه فى الانسان وده الحمد لله كما ذكرتى متوفر فى الشخص ده….وهقولك من الاخر….لو الشخص ده مكتوبلك….ولا مين فى الدنيا دى بحالها هيقدر يمنع جوازكو…..توكلى على الله واعملى اللى عليكى وحاولى التأثير على اخوكى واقناعه…وسيبى الموضوع لربنا….وكل شىء نصيب…اتمنالك التوفيق