انا عندى 17 سنه لما دخلت المدرسه كانت البنات والولاد بيلعبوا مع بعض عادى كنا صغيرين وانا كنت بلعب معاه وفضلنا كده لسنه 4 بعدين فى الفصل كنا بنقعد قصاد بعض وصاحبتى اللى قاعده جمبى سألته انتا بتحب مين كنا بنهزر يعنى كنا صغيرين ومش فاهمين قالها بحب واحده اسمها الاء مش انا انا مش اسمى الاء اتضايقت ونزلت وعيطت لواحدى ومش عارفه بعيط ليه ولما طلعت قال انه كان بيهزر وبيحب واحده معاه فى المدرسه وفى سنه 5 قال لصاحبتى دى انه بيحبنى وعاوزها تقلى وقالتلى واتبسطت وكنا بنتكلم فى المدرسه بس من غير ما حد يعرف …ومامتى عرفت بالصدفه وزعقتلى وقلتلها مش هكلمه تانى وبعدين رحنا الاعدادى كان كل واحد فى مدرسه فضلنا اول سنه متكلمناش بشوفه مفكره انه معدش بيحبنى وهو برده كان مفكر انى معتش بحبه والسنه التانيه لقيت رقم بيتصل كتير وانا مكنتش برد وبعت رساله ردى بقى بس انا فكرته واحد بيعاكس حتى وريت لمامتى الرساله بعدين كنا فى يوم مش فى البيت ومكنش حد جمبى وهو كان بيتصل رديت قلت مين قالى مش عرفانى سكتت وبعدين اتكلمنا وكان جايب رقمى من واحدى صاحبتى معاه فى الدرس وقالى عندك صفحه على الفيسبوك قلتله اه ومن يومها واحنا بنتكلم شويه على الفيس وشويه على الموبايل ومامتى عرفت كذا مره وفى كل مره اقلها معلش يا ماما معتش هكلمه بس بنفضل شويه منتكلمش ونرجع نتكلم تانى احنا دلوقتى فى الثانوى مع بعض بس مش فى نفس الفصل ومؤخرا قلتله مش هعرف اكلمك ع الفيس علشان مامتى حاسه بحاجه …زعل وقفل موبايله فضلت اتصل عليه اسبوع بعدين قلت لواحده صاحبتى تبعت رساله لواحد صاحبه ع الفيس تخليه يفتح موبايله وفتحه وكلمته وقلتله هبقى اطمن عليك كل كم يوم متقفلش موبايلك الكلام ده من شهر ومن كام يوم مكنتش كلمته من 3 ايام فاتصلت بيه وانا كنت قايلاله ميتصلش خالص الا لما انا اتصل وبعدين قالى انى مش بتصل ومعتش عاوزه اكلمه قلتله اناا انا بس مش بعرف وزعلت قالى خلاص معلش بحبك انا كنت بس متضايق علشان مكلمتنيش من زمان ساعتها قررت انى معتش اكلمه خالص وقلتله انا معدش هينفع اكلمك خالص علشان مامتى حاسه انها عارفه وخايفه ومش عاوزه مشاكل فهمنى وقالى طيب وانه مش زعلان بس متقفليش موبايلك … انا مش عاوزه ازعله بس هو بيتضايق لما متصلش وانا برده مش عاوزه ازعل مامتى ومش عاوزه مشاكل اعصابى بتتعب وبكتئب لما ببقى مش عارفه اعمل ايه ..ومش عارفه اعمل ايه مش عارفه هفضل مكلموش لحد امته …ولو اتصل هرد عليه ولا هعمل ايه انا تعباانه اوى بجد ومش عارفه اتصرف ازاى ملحوووظه : الكلام بينا بيبقى عادى خالص وفى منتهى الاحترام يعنى بقوله اللى بيحصل معايا فى يومى وهو كمان واكيد بقوله بحبك ووحشتنى مش معقول مقلتهاش واحنا مش علشان بنحب نبقى مش كويسين احنا محترمين جدا وانا بحبه اووى وهو كمان متاكده انه بيحبنى حتى مامته عارفه ومعجبه بيا وهتقولوا ان ده حب مراهقه بس فيه بنات اصغر منى بكتير ومتجوزين مع انى رافضه للحكايه دى تماما بس الحب مقدرش ارفضه ولو كان بايدى اخلى قلبى ميحبش كنت خليته وحبه ليا مش مأثر على مذاكرتى بالعكس انا وهو بنطلع من الاوائل كل سنه ….. انا بجد عاوزاه نصيبى وبندعى دايما ادعولى هو يمكن المشكله انه زميلى يعنى اكبر منى بشهرين بس وقولولى اعمل ايه
مشاكل حب المراهقة
حب 9 سنين من سن المراهقة حتى الان
اضيف بتاريخ: Friday, August 8th, 2014 في 08:18
كلمات مشاكل وحلول: المراهقة, بنات, بنت, حب المراهقة, شاب
الكلام ده ريحنى بجد شكرا ليكوا
بصى حقولك حاجة انتى في ايدك قرارك انك تسيبيه او لا ماشى بس اسئلك سؤال هل مشاعرك اتجاه الشاب حتفضل ثابتة ولا حتتغير لأن في سن ده مشاعر بتتغير ففكرى في ده كويس وكمان هل الشاب ده فعلا جاد وقادر على انه حيتجوزك وانه حيفضل محترم وحيترمك مع شوية كلام حب بس الى انا جربته في حياتى انى حبيت في سن كبيير شوية الى هو سن شباب الى بعد جامعة اكتشفت ان الحب قبل الخطوبة لأسف الشديد بيزيد لفترة معينة وبعدين بيجى وقت معين ياالأ يكمل بقراية فاتحة وخطوبة ويزيد لحد مرحلة الجواز وما بعدها او انه بيفشل وبيسبب جروح صعبة جدا تحملها وشعر بكسر قوى وفراغ شديد داخل انسان ويفكر انسان يملاه وفى ناس بتوصل لمرحلة اكتئاب ودى اخطر مرحلة يوصلها انسان بعد فراق وتعلقه شديد بالى بيحبه فهل انتى جاهزة توصلى لمرحلة حروح وفراق لو محصلشى نصيب وانك متعلقة بشخص ده وهو بيحبك زى ما بتقولى وتقدرى تستحملى فراق وصدماته من غير ما توصلى لمرحلة اكتئاب لقدر الله
وعايز اقولك على حاجة اكتر حاجة حتوجعك ان حبيبك يتخلى عنك ويسمع كلام عيلته وانا جربت حاجة زى كده بس على اخف درجة من حسن حظى فقدرت استحمل صدمة فراق فهل انتى حتقدرى تستحملى ده لو حصل
وبنسبة لحكاية امه بتقول ان في بنات اتجوزوا اصغر منك هي كلامها مظبوط وفى بنات اتجوزوا في سنك كمان وما يقربه بس في حالات طلاق حصلت بسبب عدم تفاهم بين طرفيين خاصة لو جواز تم غصب عن البنت او جواز تم بشكل مباشر بدون خطوبة تحت موافقة بنت طبعا على أساس حيحصل ما بينهم تعارف وحب بعد زواج وكده بس حب بين طرفيين في سن ده ويتجوزوا بصراحة دى حالة قليلة علشان ده ممكن يحصل في عائلات غنية بتجوز ولادها بدرى وميهمهاش فلوس في اول مهم الشاب يقدر يصرف على بنت ولا لا دى فكرة كلها
بصى نصيحة منى ليكى ركزى في دراستك وخليكى دايما أولى زى مأنتى واياكى وحب يسيطر على عقلك وتفكيرك علشان متتعبيش قدام فاهمة ومفروض هو يشجعك على دراسة مش يخليكى تفكرى في حب ده لو بيحبك فعلا ومش بيتسلى زى مأنا بحس من كلامك عنه انه بيكون عايز يتسلى بيكى ونص تانى بحس انه ممكن يكون بيحبك بس بيسمع كلامك بس في نقطة غيبة عنك انه مش عامل حساب لمامتك ليه مثلا ميحولشى يثبت انه محترم بحيث انه مثلا ميكلمكيش تانى الا بأّن امك الى تسمح ليكى تكلميه ولا لا يستحمل مدام بيحبك واتفقى معاه على كده علشان علاقتكم تكون ماشية في نور شوية احسن من ظلمة الى فيها دى لان رضا ام مفيش احسن منه ارضى امك احسن من انك ترضى حبيبك فاهمة
وربنا يوفقك في اختيار قرارك وفى الشاب الى حيتجوزك ويصونك
خليكي كده معاه و مقطعيش العلاقة بس تظلو اصدقاء لحد ما مامتك تتفهم الموضوع و تخلصو الاثنين دراسة و تتجوزو بقناعة الجميع
و دلوقتي انتي ملكش غير اهلك ف متزعليش امك يعني كلميه شوي شوي و امك متعرفش لازم