بسم الله الرحمن الرحيم
السلام عليكم ياجماعة
انا كنت معجب ببنت معينة كده . بالاخص فى فترة الثانوية بس كان مجرد اعجاب عادى زيه زى اى بنت جميلة الواحد بيشوفها فى الفترة دى . المهم دخلنا كليات مختلفة ومرت السنين حوالى 7 سنين والموضوع كان منتهى بالنسبة لى لأن الواحد اكيد بيقابل ناس كتير فى حياتو وانا كنت باستخدم عقلى كتير فى موضوع الحب بالذات عشان ماتعبش قلبى على الفاضى عشان كده ماكنتش بعترف بالحب من اول لحظة وكان دايما الموضوع اخره اعجاب .. المهم حصلت مفاجأة ولاقيتها بتتصل بيا وماكنتش مصدق بصراحة واتكلمنا كذا مرة بس كلام عادى خالص وكنت باحرص ان الكلام مايتطورش باى حال من الاحوال لأن زى ماقولت الموضوع كان منتهى الى حد ما … بس بدأت تصارحنى بمشاعرها على فترات لحد ماقليتلى انها بتحبنى . بصراحة الموضوع كان مقلق اوى بالنسبة لى ولولا انى واثق فى اخلاقها واعرف انها محترمة وعاقلة جدا انا كنت فكرت وقولت ان دى مجرد مشاعر سطحية او مشاعر مراهقة بس فهمتها ان الموضوع صعب اوى بالنسبة لى وقولتلها ان اللى فيه الخير يقدموا ربنا ولو لينا نصيب يبقى اكيد ربنا هايوفقنا وبصراحة انا كنت بمنع نفسى انى اتعلق بيها حتى عشان ماظلمهاش معايا وعشان ماظلمش نفسى لو ماحصلش نصيب .. ماكنتش عارف هاحبها ولا لأ بس بصراحة بمرور الوقت لقيت نفسى بعمل حاجات معينة اتاكدت بيها انى بحبها وقررت انى ارتبط بيها بغض النظر عن الطريقة اللى حبينا بعض بيها اللى انا معترض عليها تماما بس كنت شايف انها الوسيلة الوحيدة اللى اقدر اوصل بيها واعرفها اكترعنها واعرف ان لو حصل نصيب و اتقدمت ليها هايحصل ايه وبالفعل اتضح ان فى مشكلة معينة قديمة تخص الاهل احنا ملناش اى ذنب فيها . بس رجعت وقلتلها ان زى ماحنا متفقين ان الموضوع نصيب ويمكن يكون ربنا كاتبلك او كاتبلى الافضل ماحدش عارف … وبصراحة انا مش عارف اعمل ايه دلوقتى مع الاخذ بالاعتبار انى مش لاقى اى فرصة وموضوع الارتباط صعب جدا .
اسف جدا انى طولت عليكم وارجوالمساعدة
اخي انت تقول انك عرفت البنت من خلال ماكنتم في الثانوية وبعد 7سنوات اتصلت عليك وتجددت العلاقة بينكما وصارحتك بانها تحبك وهذا حب من طرف واحد ولايبنى عليه لاجل الارتباط صدقني ان الفتاة قدتكون تمر بازمة عاطفية في حياتها او تعاني من فراغ عاطفي كبير مع الاهل يجعلها بهذة الصورة تتجرا وتحادثك وتقول انها واقعة في حبها لك انت هل تحبها فعلا وترى انها صادقة في مشاعرها تلك ام تشعر بخلاف ذلك معها وهل تظن ان الاهل سوف يوافقوا على ارتباطك بالفتاة تبقا واهم جدا وتبحث عن المستحيل اهلك ياعزيزي لن يوافقوا على ارتباطك بفتاة لايعرفونه ولايعرفوا اهلها ولايدرون عنهم بشي سوى انك تعرفها من خلال الموبايل وكانت زمان ايام الثانوية زميلة لك كون واقعيا وبلاش تلعب بعواطف الفتاة وتعلقها بك اخبرها الحقيقة وان كانت مولمة واصرارك على الارتباط بها وتحدي ارادة ورغبة اهلك ده هو الخطا الكبير اللي وقعت فيه عاوزك تنسى الفتاة دي وتتركها لحال سبيلها وتخبرها بان الزواج قسمة ونصيب وتتمنى لها الخيروالسعادة مع الانسان اللي يستاهلها وبكدا تكون ماظلمت البنت ولااساءت لها وحافظت على صلتك باهلك واحترامك لهم وتقديرك لرغبتهم وربنا بيكرمك بخيرمنها وهي كمان ربنا بيكرمها بخيرمنك وده حال الدنيا ماحدياخذ الا نصيبه اللي قدره الله له في الحياة فعليك بالرضا بماقسمه الله لك تكون من خيرة عباده الشاكرين الحامدين والله يوفقك ويصلح حالك ويكرمك بكل الخيرنشاءالله
بسم الله الرحمن الرحيم :
♥ فيه حاجات كتير مش واضحة في رسالتك : ليه كلمتك ؟ رد فعلك ؟ ليه كملتوا اتصالكو ببعض ؟إزاي عرفت إنك بتحبها ؟
* عموما : انت أدرى بمشاعرك مننا ، وتقدر تحدد اختيارك لأنك أقرب لفهم شخصيتها مننا كلنا .
* استشير نفسك بس ، مش أي حد تاني ، و خد قرارك : لأنك بالتأكيد عندك عقل و حكمة ، و مش هتضحك على نفسك .
*** والله أعلم ***
الحقيقة انك مش بتحبها
لانك لو بتحبها حقيقى مكنتش تتخيل انها تكون مع حد تانى غيرك
بس ايه الجديد؟؟ انتم الشباب مش تفهموا معنى الحب
هى بالفعل بكره هتلاقى احسن منك وانت هتندم ؟ عارف ليه لان فى لحظه فى حيانك لما تيجى تتجوز مش هتكون عارف تختار مين وازاى ؟؟ وتعمل زى ماكثير من الشباب بيعملوا يجوز صالونات واحده مش عارفه ويمكن كانت حتى بتمشى مع حد ثانى وعمل قدامه اشرف من الشرف
انا راى انت عارف البنت دى وبتحبها فمتضيهاش من ايدك
اخى الكريم لا يصح الا الصحيح طبعا كلامك مع هذه الاخت كان مخالف للشرع من البدايه اما وقد تقدم الامر فيجب عليك الابتعاد وسد ابواب الفتنه والافضل البحث عن حل مع اهلك واهلها للزواج واخيرا اسال الله لك التوفيق والسداد والهدايه
السلام عليكم
انا يمكن كلامى هيوجعك شوية بس انا من رايى انك تواجه نفسك بالحقيقة ، يعنى لازم تسال نفسك سؤال : هل ممكن انك تتجوزها ؟؟؟ وطبعا اهلك هما اللى عندهم الاجابة . لو (لا) يبقى ابعد خااالص لان مفيش علاقة بين راجل وامرأة غير الجواز .
تقبل مرورى
بص انا هقولك علي حاجه اولا انت مش هتلاقي بنت محترمه زيها وكمان بتحبك انت خليك معاها وحافظ عليها وكمان انت بتقول ان انت بتحبها يبقي خلاص ومشاكل الاهل دي انتم فعلا ملكمش دعوه بيها وان شاء الله هتبقي لبعض بس انت خلي بالك من تصرفاتك معاها وخلي بالك من سمعتها علشان لو محصلش نصيب يبقي سمعتها زي ماهي