السلام عليكم انا مشكلتى غريبة شوية اسال الله العظيم ان يفرج عنى ويهدينى انا بنت منتقبة وعندى 24 سنة والحمد لله وكنت مخطوبة قبل كده ولم يحدث نصيب والحمد لله ربنا كرمنى واتخطبت من 5 شهور بشخص كويس جداا ملتحى ومتدين وعنده 36 سنة وبيشتغل بدولة عربية بس هو كان قد سبق له الزواج وعنده طفل من طليقته وهى قاعده فى نفس البلد اللى بيشتغل فيها انا فى الاول كنت مش متخيلة انى ممكن اوافق على شخص قد سبق له الزواج وكمان عشان فرق السن اللى بينا بس لاقيت اهلى موافقين واقنعونى وانا قلت لنفسى ان هذا ليس عيبا فى الرجل وخصوصا ان قال لى انه تركها منذ 3 سنسن ولا يفكر بها اطلاقا انها كانت تعمل ومهملة للبيت ولم تكن تهتم به وكانت ذوشخصية قوية بعناد الحمد لله صليت صلاةاستخارة وتمت الخطبة ولكن كانت اتصالاته قليله وكنت بزعل من كده بس كنت بقول فعلا ده لا يجوز الكلام بين المخطوبين لانه اجنبى عنى بس كان نفسى يكلمنى عن زواجه الاول وازاى طلقها وليه عشان اتفادى الاخطاء والعيوب التى كانت عند طليقته ومعملهاش ولم يتكلم فى الموضوع ده وانا اللى فتحت فيه واتكلمت فيه بعد 3 شهور من الخطوبة وبالفعل اتكلم معايا بس مش حكى لى بردك اسباب بالتفصيل غير انه كان بيحس انه عصبية وعندية ونفس الكلام وبعدين اقعد يتكلم على اللى نفسه يعمله مع زوجته اللى هى انا وانه ناوى يعمل حاجات كتير ترضى ربنا وعاوز كل حياتنا تكون طاعه لله ونربى اولادنا على الدين وكلام كويس جداا اتطمنت كتير لما قاله وحسيت انى اتقربت منه لما المكالمات بينا بقت كل يوم وحبيته جدااااااااااااا واحترمته اوى بس لما حاولت اثير غيرته عليه لاقيته عاقل جدا لدرجة انى حسيت انه مش بيغير عليه خالص فى اكتر من موقف مش عارفة ده عقلانية منه ولا ايه ؟؟؟ بس انى انا حاسه انى بغير جدا من طليقته مجرد من فكرة بس انه كان مع واحده قبلى حتى لو فى الحلال وقولى لنفسى انه عمره ما هينساها لانها مهما كانت اول واحده فى حياته رغم انه قالى ان الموضوع ده انتهى فانا قلتله ان الموضوع ده متجيش سيرته ابد قدامى بعد الزواج لقيته انسان متفهم وقالى انتى هتكونى القديم والجديد بتاعى المشكلة انى مبطلش تفكير فى الموضوع ده وخايفة تكون لسه طليقته فى دماغه خايفة يقارن بينى وبينها فى يوم من الايام والله انا تعبانة اوى انا محسيتش بالغيرة دى كلها الا بعد ما حبيته هو انسان عاقل والحمد لله بس حاسة انى انا كده مش هاسعده معايا بغيرتى دى وخصوصا ان فى طفل بتربطه بطليقته وكمان هى قريبته انا حالتى النفسية تعبانه جيت افضفض مع ماما زعقتلى وقالتلى وافقتى ليه من الاول ما دام هتبقى كده انا الموضوع ده شاغل تفكير فى الايام دى اوى وخصوصا اننا قربنا نتزوج والله لدرجة انى بفكر اسيبه وارجع استغفر ربنا واقول انى بكده بتسرع بغيرتى الزايده عن اللزوم دى بحس انى تافهه وانه يستحق واحده عاقلة عنى اعمل ايه ؟؟؟ ادعولى ربنا يهدينى ويبعد عنى شر نفسى وشر شيطانى وانصحونى انا طالبه من الله اولا ثم منكم المشورة فى الامر ده
مشاكل الخطوبة
خطيبي مطلق واغير من زوجته السابقة
اضيف بتاريخ: Friday, July 1st, 2011 في 14:53
كلمات مشاكل وحلول: الخطوبة, الزواج, بنت, مخطوبة, مشاكل البنات, مشاكل الخطوبة
اعجبني ردود – المهتدي بالله- نيرمين – مؤمنة- واتفق معهم في كل ماذكروه لكي اتمنى انك تستفيدي من اللي قالوه لك وترضي بالقسمة والنصيب وربي يؤفقك ويسترعليك ويسعدك في هذة الحياة
الغيرةقاتلةومدمرةلكل حياةزوجية بين الطرفين لازم تتركيهاللابد واستعيني بالله عزوجل وثقي في الرجل دامه بيخاف الله وشاريك ويريدك زوجةله ومسالةانه كان متزوج وطلق فلايمنع الرجل من زواج تاني قدتكون زوجته مش مقدرةالحياة ولاتحترم الزوج وفيه خلافات دائمةادت للطلاق بينهما ماعلينا من كل ده بطلي غيرةواوهام سودةعشان ماتخربي حياتك وتكره الراجل فيك وتوكلي عل الله وتزوجي وعيشي حياتك بعيداعن الغيرةوالاوهام والظنون التي تدمر اواصرالحياةالزوجية وربنايوفقك ويهديك
اختي الفاضلة ربي يهديك ويسترعليك الزواج شي مقدس بين الاثنين لابدمن احترامه والرضى من الطرفين دون الاكراه اوالتدخل من احد وانت استخيري الله عزوجل وادعي ربك ان كان في هذالزواج من الرجل دا فيه خير فليعجله لله لك وان كان فيه شر فليصرفه الله عنك واهم شي في الراجل دينه واخلاقه اسالواعنه وتحروا وليس عيب انومطلق وعندو ولد من زوجته السابقة ذاتوفرت فيه الصفات اللي ذكرتهامن امانةواستقامةوحسن خلق ويراعي الله وقادرعلى الزواج مادياومعنويامالمانع في قبول الزواج منه وفقك الله واتركي الكلام عن ماضيه لاحد منابلاماضي هذاموضوع انتهى بطلاقه منهاوالان هو يريد الزواج منك اتركي الغيرة اللي تدمرحياتك وتجني عليك وربي يسعدك في حياتك ويهدي سرك
انا بنصحك مش لانك بتشكي كتير بس لانو في اولاد بينهم راح اضل العلاقه متواصل بينهم وراح يضل يحكي معها وانا بحكيلك عن تجربه انا عمري 24 تزوجت من رجل كانت متزوج وعنده ولد وانا الحمد لله لا ينقصني شي بالعكس انني جميله لكنه ما زال يفكر في زوجته ويحتفظ في صورتها معه ويغار عليها اكتر مني وهي ليست جميله وراح تتعبي كتير انا متزوجا من 3 اشهر وتعبت كتير من التفكير انا بنصحك لا حتى لو ما تتزوجي ما تعيشي هيك حياه مليئا بالشك والغيره وعدم الراحه والله انصحكي
السلام عليكم ورحمة الله وبركاته اختي العزيزة أظن ان شكك وغيرتك من وسوسة الشيطان استغفري ربك لأنه ماضي وهو الحين اختارك انتي والمواصفات الي قلتي ابن اصول الله يكمل بألف خير
والله ياأختى أنا قابلت واحدة صاحبتى قدرا فى السوق ومشكلتها زى مشكلتك باظبط الأكتر انها اتجوزت وزوجها عنده من الأولى بنتين تؤم بصى بقى اللى حكيته لى:
1_طلع شايل صور مراته الأولى من وراها يقفل الباب ع نفسه ويعيد الذكريات وهو اللى قالها كده مرة وهم بيتخانقو
2-ديما يقولها انها أحسن منها فى الشكل خصوصا انها تخنت بعد الولادة لدرجة أول خروجة ليهم بعد الزواج رفض يمسك ايدها وهى بتقسم انها كانت بتشوفه ماسك ايد الأولانية (صاحبتى بنت خالته)
3-المصيبة الكبرى انه مش طايق ابنه منها لدرجة انه سابه فى الحضانة ومسألش فيه ولا حتى بعت مصاريفه
4-مراته الأولى شغالة معاه ودايما متابع أخبارها وجه يقول لصاحبتى انها اتكتب كتابها وكان متأثر أوى قال ايه صحابها اللى قالو له وهنا قالت لى والله وهى بتعيط هو اللى بيكره حد بيبقى عايز يسمع عنه حاجة
المصيبة انه قالها ان البنتين هيجوا يقعدو معاهم واللى مش عاجبه الباب يفوت فيلين مش فيل واحد لانها زى ماقلت تخينة شوية
السبب فى طلاق مراته أمه لأنه ضعيف قدامهالدرجة الضرب فالبنت مستحملتش واطلقت
اللى حيرنى ازاى صاحبتى بنت خالته ومتعرفش ده كله قالت لى انهم قالولها انها كانت عنيدة ومبتسمعش كلامه وعايزة تروح لأمها كل شوية فوافقت ع أساس كده وده نفس السبب بتاعك بس هى أمها كانت رافضة الموضوع وقالت لها ان خالتها صعبة وفعلا بالرغم من انها بنت أختها الا انها بتقومه عليها وبتوقع بينهم زى ماكانت بتعمل مع الأولى باظبط
هى برده بتحس بالغيرة دى أوى وانتى عقلك فى راسك انتى لسه سنك صغير ومنتقبة يعنى بتروحى مساجد وحلقات تحفيظ وألف واحد يتمناكى ليه تعيشى نفسك من دلوقتى فى نار الغيرة خاصة انتى قولتى انهم بيعيشوا فى نفس البلد والله أعلم يمكن لسه متجوزين وعايزك كزوجة تانية ولما تسافرى تتصدمى بالموضوع نصيحتى ليكى طالما مش قادرة تستحملى أبعدى دى لسه خطوبة مش جواز وربنا يرزقك باللى فى سنك وتكونى أول حد فى حياتهوارجع وأقول انتى بس اللى تقدرى تحددى الناس مش زى بعضها وانا والله ماقلت قصة صاحبتى عشان اعقدك أنا بس افتكرتها وهى بتعيط من زوجها فى السوق ومن كتر همها مافكرتش فى منظرها قدام الناس قومى ياأختى صلى ركعتين وقولى يارب لو كان زواجى منه خير لى قربه منى وعجل لى فى الزواج وان كان شر ابعده عنى وابعدنى عنه وارزقنى باللى يقدرنى ويحبنى
يابنت ناس بطل الشك والظنون اللي تدمرحياتك دام الرجل صادق وصريح معاك ويحبك ايش المانع من الارتباط فيه ومسالة الماضي مع طليقته انسي الموضوع ولعادتذكريه قدامه خلاص انتهى وفكري في الحاضرواهتمي فيه اكتر وربنايسعدك
ليه انتي شو خصك حتى تتزوجي مع واحد متزوج من قبل هادي الحكاية بعرف انها رايحة تستمر بعد زواج ويصير في خلافات كثير الله يكون بعونك المهم استغفري وصلي والله يفتح لكي طريق الخير
استغفر الله العظيم واتوب اليه
كلامك يا آنسه استفزني بشده
انتي شخصتي مشكلتك بنفسك في قولك أنك “تافه” ذكرتي ذلك في آخر عرضك للمشكله
هذا ماضي وانقضي فلم نعذب أنفسنا في حساب غيرنا على شىء من المستحيل تغيره لأنه انتهى ولا يمكن ارجاعه مره أخري لكي نتصرف فيه بطريقه أخري
اجعلي تفكيرك اكبر وأوسع من ذلك ولا داعي ان ننظر الى النصف الفارغ من الكوب فالأحرى بنا ان ننظر الى النصف الممتلئ
يا أختاه من منا بلا خطيئه ومن منا كاملا فالكمال لله والعصمه للأنبياء ولكنا دائما نصر أن نحبس أنفسنا في دائره ضيقه من الأوهام
أختاه ليس من حقك حتى ان تسأليه عن سبب فشل تجربته الأولى لأنك بكل بساطه لستي طرفا فيها
واكيد هو استفاد جدا من هذه التجربه
يا اختي يا منتقبه يا محترمه ليس هناك أحد ولد من بطن امه متعلما ولكن الحياه مدرسه كبيره والانسان دوما يتعلم من أخطائه
أنا في مشكله شبيه بمشكلة خطيبك هذه اني كنت خاطب قبل كده واذا ما تقدمت لواحده تركوا لب المواضيع كلها وعلقوا على هذه الجزئيه ويبدأون بالبحث والتدقيق والتتبع والتفتيش ولم ولم ولم
يا آنسه من تتبع عورات المسلمين تتبع الله عورته
ليس شرطا اني تصرفت بطريقه معينه في موقف معين ان اتصرف بنفس الكيفيه اذا ما مر بي نفس الموقف فلكل مقام مقال
“ربنا يهدي الناس جميعا ونكف عن تتبع عورات بعضنا البعض”
تعالى يابت انا هقولك …. انا زيك شكاكة درجة اولى على الرغم انى خطيبى بيعشقنى وانا عارفه انوو مش بيعمل حاجه بس مجرد مايقول اسم واحده حتى لو اختو ولا امو بغير معلش انا مريضة ….. من راى سبيه هتتعبى اوى وهتشكى فيه طول عمرك ..ومن ناحيةلمقارنه فهوه قارن خلاص ولسه هيقارن بس لمه العلاقة تكمل فهمانى ..المهم شوفتى صورتها ولا لسه انا لو مكانك اشوف صورتها وطبعا لو طلعت احلى منى افرقع واموت من الغيظ ا
واضح أنك صعب تقبلى وجود أمرأة أخرى بحياته و هذه المرأة ستظل فى حياته لسبب بسيط أن هناك ما يربطه بها.
فإذا كنت لا تستطيعى تقبل هذا الوضع فأتركيه أفضل لكى و له.
ياحبيبتى انتى والله فى نعمة فحاولى ان تحافظى عليها انافى مشكلة زىك بس والدى رافض الارتباط تماما لفارق السن رغم انة لم ينجب وانا انصحك بالمحافظة علية لانك لا تجدى حب افضل من ذلك لان الرجل عندما يشعر ان المراة اصغر سنا منه يكون دائما همة انة يرضيها ويحافظ على حبها لية ويعوض كل اللى فاتة
من كلامك عن خطيبك .. انسان محترم فوق الوصف ومتدين وانتي متدينة
ربنا يبارك لكم .. واكيد طالما زوجك يعرف ربنا فلا تقلقي .. دي لوحدها بالدنيا ومافيها والله العظيم
اقرأي المشاكل اللي هنا في الموقع وشوفي حال الناس ازاي
صلى استخارة فى هذا الموضوع
ان كنتى هكذا الان فمازا تفعلين بعد الزواج انتى طبيعتك شكاكة وهذا مئلم لابد ان تاخزى قرار حازم اخوك شيخ ازهر وشريعة وقانون
ابنتى العزيزة تفكيرك له دلالة واحدة وهى عدم ثقتك فى نفسك كونى قوية ومعتزة بنفسك واعلمى انه طالما ترك زوجته وطلقها لاسباب وجيهة فأنت ستكونين فى عينه الافضل طالما انك لا تفعلى ما فعلته هى معه فى حياتهما وتقربى من زوج المستقبل ببر ابنه ان جاء عندك يوماً واعتبريه فى غلاوة ابناء المستقبل المهم ان تحسنى العشرة ولا تفكرى فى الزوجة السابقة ولا تعقدى مقارنات بينك وبينها حتى فى اخص خصوصيات حياتك الزوجية لانها ستكون معاول هدم حياتك مع زوجك وادعو الله ان يمن عليك بالسعادة الزوجية
يا اختى متخليش الشيطان يلعب فى راسك واضح ان خطيبك انسان محترم بجد من كلامك عنه وطالما متدين يبقى تطمنى وعمرة ما حيظلمك ولو فعلا بيحب طليقته مكنش فكر يخطبك كان حاول بكل الطرق انه يصلح ما بينهما خصوصا ان بينهم طفل لكن واضح جدا انه خلاص نساها وبيفكر فى حياه جديده وبيبتدى حياته من جديد اما عن سبب عدم ذكرة لاسباب طلاقه من زوجته فده لانه متدين وشايف انه حرام انه يعيب فيها ويغتبها وانتى متحاوليش تساليه بعد كده عن سبب طلاقه لان دى حاجه تخصه وتخص طليقته وبس يعنى مش لازم يشوهها قدامك او يذم فيها علشان ترضى واضح ان خطيبك فعلا ابن اصول افرحى بنصيبك وفكرى اذاى تسعديه وتكونى زوجه طائعه محبه لبيتها وزوجه واولادها ان شاء الله بس حذارى انك تغيرى من ابنه او تحاولى تقطعى علاقته بابنه عاملى ابنه ذى ما هتعاملى اولادك لان الابن ملهوش اى ذنب وده ابوه وحاولى تكسبى قلب زوجك بحبك لابنه حتى مش علشان زوجك علشان ربنا لان ربنا مطلع على افعالنا وقلوبنا