انا حبيت اطرح مشكلتي يمكن اقدر الاقي حل يفيدني انا بنت عندي 22سنة من مدة قابلت واحد على النت عنده30 سنة واول مرة كلمته حسيت بكلامه بحاجة شدتني للكلام معاه لدرجة اني قلت اني اتكلم شوية وبعدين ابقي اقفل لأني ماكنتش بكلم حد عالنت ومابصدقش اساسا بحب النت المهم شوية في شوية قربنا اكتر وحسيته بيفهمني وانا بقيت افهم كل حاجة هو بيفكر فيها من غير مايقولها وبقينا قريبين وبعد شوية هو اعترفلي انه بيحبني انا رفضت ده علي اساس اني مش بصدق في حب على النت وهو كان صبور معايا وفضل مستحمل رفضي واستمر معايا لحد مافعلا حسيت اني بحبه بجد وفي اصعب الظروف عندي كنت بلاقيه دايما معايا وماكنش بيسيبني ولما كنت ببقي حزينة كان هو الوحيد اللي كان بيقدر يطلعني من حزني ده وبيخرجني من الكتئاب بجد هو شخص رائع ومهما وصفته مش حاوفيه حقه من خفة دم وطيبة وحنية وعقل ورجولة وشهامة وحاجات كتير اوي وحتي اهله عرفني عليهم وشفت مامته واخواته
بس المشكلة اني عرفت انه مش قريب من ربنا زيي يعني مش بيصلي دايما وحكالي انه كان ايام الجامعة كان هو واصحابه بياخدوا برشام وحاجات من دي وحلفلي انه بطلها بس ده خوفني منه عدم التزامه وبعدين مستهتر شوية ماديا وهو طلب مني افضل جنبه عشان انا بشجعه كتير وان هو قرب لربنا بعد معرفتنا اكتر من الاول وهو مش بيشتغل ولسه بيحكيلي انه ناوي يعمل مشروع وطلب مني استناه وبعدت عنه فترة وبعدين رجعنا تاني وكل مارجعله احس انه بيحبني واني بحبه اكتر من الاول بس برجع وخايفة انه يطلع مش بيحبني اصلا رغم ان كل تصرفاته بتدل انه بيحبني مش عارفة اعمل ايه ابعد عنه احسن ولا خليني اكمل معاه حتي وانا مش عارفة بكرة حايودينا لفين وعلي فكرة انا دلوقتي مش بشوفه ولا برد علي اتصالاته عشان محتارة بس حسه بزهأ فظيع واكتئاب ولما بعمل اي حاجة بفتكره علي طول عشان هو ليه زكريات كتير في كل حاجة بعملها وكل كلمة بقلها حتي كان هو يقلي اي تعليق علي كلامي ده بفتكره علي طول واما بشوفه فاتح ايميله بفرح وببقي نفسي ادخل اكلمه بس بدخل اوف لاين وبمنع نفسي من الكلام معاه لحد ماوصل لحل
ربنا يوفقك وبدام انتى شايفة ان عدم صلاتة دا عيب يبقى ربنا هيبارك فيكى وهيهدية ليكى وان شاء اللة ربنا يجعلك فية نصيب لانك انسانة محترمة وبتدورى ع الحاجة القريبة من ربنا
هما كلمتين علي رأي ايهاب توفيق روحي صلي وخليكي قريبه من ربنا وانتي هتوصلي لحل لمشكلتك دي ابسط الحلول وربنا يهديكي للخير
بجد كلامك محير على فكرا انا شااب ومرت عليا نفس الظرووف دى بس حبيبتى صبرت وكانت معايا على الحلوه والمره واستحملت والحمد لله خطبتها وانتى بقا مش ها قولك استحملى بس اقوولك الحب يعمل المستحيل وانتى طلامه بتحبيه اصبرررى بقا وطلامه هوا بيسمع كلامك انصحيه انوو يمشى فى الطريق الصحيح وهووا طلامه بيحبك ها يسمع كلامك واطلبى شى منوو زى لو بيدخن يبطل التدخين رغم انها صعبه شويه عليه ولو عملها يبقا عمل كدا علشانك ودا بقا من حبوو ليكى وممكن يعمل اى شى اكتر من كدااااا.. وومممكن برضوو زى ما قالت الاخت المواطنه تصلى صلاه استخاره وربنا طبعا هايدلك على الحاجه الصح …. وربنا معاكم وياارب اكون افتك بشى
ميرسي يا ملاك ويا مواطنة علي اهتمامكم بس يا ملاك رغم ان لسه ظروفه مش اد كده بس عايز يتقدملي وانا اللي مانعاه عشان عارفه انه لو جه لأهلي حايرفضوه وبعدين انا واخده علي نوع من الحياة يعني مرفهة شوية وخايفة ان ظروفه لو استممرت علي كده وارتبطنا ممكن اتعب معاه وده من الحاجات اللي مخوفاني
بجد انتى حد طيوب ورومانسى اوى نفسى افيدك بس انا اصلا مش عارفه انا صح ولا غلط بصى انا فى نفس مشكلتك بالظبط اللى يفرق بس انه ظروفه كويسه وبيشتغل بس عنده مشاكل كتير اوى كل الناس شايفنى انى غلط وانا الوحيده اللى مقتنعه بحبى ليه وصابره عليه لو بتحبيه بجد اصبرى ديه حاجه هيشليهالك هو
انا اللى بحبه بيقولى اجمل مافيكى انك صابره عليا وشايلهالى جميل مع انى عمرى مافكرت فى كده بس متحمله ظروفه لانى بحبه وبقالى معاه سنه و3شهور اصبرى ياقمر ربنا مش هيضيع صبرك
مفيش مشكله ادمكم الا رفض اهلك له كمديا انما طريقه المعرفه مش امر تعددت الاسباب والموت واحدا” لاكن انا عاوز اقول جاجه ان الحب عن طريق النت او اتلوفون من غير ما تشوفو بعض انا فى اعتقادى انه اخ=حسن حب لانه بيكون مبنى على تبادل الافكار وبعيد كل البعد عن اى غريزه جنسيه “وبيكون حب عنيف وصادق وطاهر ” انا مريت بنفس التجربه بس كانت عن طريق التلوفون صدفه حبينا بعض حب كبير ومشفناش بعض الابعد سنه ولا حتى فى صور واول مقبله عرفنا بعض وكاننا شفنا بعض من ابل كده “لاكن محصلش نصيب لجبرها ع الجواز من شخص غنى ما علينا المهم اننا فشلنا اننا نتجوز بس نجحنا اننا نحب ونعرف ونتعلم ايه هوا الحب الحقيقى “اما بنسبه للبرشام والمخدرات فداعادى ممكن الواحد يبطلو عادى انما الى صعب يتبطل هيه السجاير والبودره والكوكاين اما البرشام والحشيش والبنجو دول مش ادمان سهل ان الواحد يبطلو عادى ” ولو بيحبك بجد ودا اكيد لسبب انو عرفك على اهله يقدر يعمل اى حاجه عشانك وتكونى انتى سبب فى سعته وهديته واكيد انتى كمان هتكونى يعيده لانك اتجوزتى انسان بتحبيه مش مفروض عليكى السعاده الحقيقيه هيه فى الراحه النفسيه ” ونتى واحساسك ولى ربنا عزه هوا الى هيكون
ليكى معاه صلى صلاة الاستخارة وطالما نيتك حلوة ربنا مش هيضرك باذن الله