مشاكل الزواج

رفضت الزواج منى لاننى متلعثم

انا شاب عمرى 25 سنه وبحب بنت خالى ولكنها رفضت الزواج منى لاننى متلعثم وفى الحقيقه التلعثم بنسبه 20% بس انا متاكد انها رفضت بسبب التلعثم ارجوكم قوليلى اعمل ايه مستنى ردكم وجزاكم الله كل خير …..

مشاكل وحلول ذات صلة

اضيف بتاريخ: Sunday, December 4th, 2011 في 03:29

كلمات مشاكل وحلول: , , ,

10 رد to “رفضت الزواج منى لاننى متلعثم”

  1. فهيتا
    11/10/2013 at 01:06

    اخي الكريم اوعي تزعل اوتضايق الانسان بعمله وبطيب اخلاقه ربنا يوفئك للخير انا شايفه انها عايزه تسافر بس
    وممكن تتعبك بس استخير ربك والله يوفئك

  2. ابواميرة
    10/12/2012 at 18:57

    شوف يااخي الانسان مش بشكله اوهندامه الانسان بعمله وعقله وصدقني هذة المراة مغرورة ولاتفكرفيها انساهاللابد وربنايكرمك بامراة تقدرك وتسعدك

  3. نانا
    27/10/2012 at 22:30

    ما تتجوزهاش هي رجعت في كلامها لما سافرت اوروبا يعني عايزة تسافر و تتمنظر بالسفر نصيحتي لا تتزوجها واكيد ربنا هيوفقك باحسن منها مليون مرة

  4. لا اله الا الله
    01/08/2012 at 17:34

    طبعا توافق اكيد هي حست بيك لما بعد عنها وممكن متكنتش كانت حاست بيك وانت قريب ديما الانسان مبيحسش بقيمة اللي بيحبة الا لما بيبعد عنة اتكل علي الله ووافق وروح اتقدملها وربنا يوفقكم ويرزقكم بالزرية الصالحة

  5. الطير المسافر
    22/04/2012 at 01:57

    السلام عليكم …. انا صاحب المشكله اللى عرضتها عليكم تساعدونى فيها وربنا كرمنى وقدرت انساها وسافرت الى بلد اوربيه وبعد مضى شهرين لقيتها بتتصل بيا وبتقولى بحبك ومقدرش اعيش من غيرك وانا مش عارف اعمل ايه بالله عليكم شوفيلى حل اعمل ايه ارفض ولا لا مع العلم انى لسا بحبها اوى وشكرا

  6. تقى
    23/12/2011 at 12:37

    مين قال ان التلعثم عيب اصلا انا بحب اللى بيتهته والله العظيم ومش تفرق معايا ولا فيها اي احراج
    عارف كل الناس بتعيب عليا لانى لدغه فحرف السين بس مبيهمنيش وانا حابه انى لدغه بحس انى مميزه عن كل الناس كلهم بيقولوا سين وانا بقول ثين ايه يعني دي خلقه ربنا
    اقصد ان ده مش عيب والله ومادام جت من عندها وهي اللي رفضت يبقى ده الخير ليك يمكن الجوازه دي مكانتش هتعمر او مثلا لو كنتو كملتوا كانت اتريقت عليك وممكن تنجرح اكتر
    بجد في ناس متستاهلش .. ربنا يرزقها نصيبها مش هنوقف حالها عشان رفضتك بس انت حاول تشوف بنت تانيه محترمه ومتدينه تنسيك ابو البت دي كمان .. وخليك واثق في نفسك يا اخى مش انت اللى خلقت نفسك واللى مش عاجبه ميبصش ومش عايزينه .. ربنا معاك ويرزقك ببنت الحلال اللى تقدرك باذن الله

  7. انا مين؟؟
    07/12/2011 at 07:27

    بص يا صاحبي
    انت بتحبها وعلششان كده اي كلام مش هيخفف الجرح اللي في قلبك

    بس صدقني الانسان او الانسانه اللي يرفض اللي قدامه علشان مظهر او فلوس او عيب خلقي انساااااااااااااااااااااان تافه ولا يستحق حتي التفكير فيه

    فكر معايا كده
    هي البنت دي مش مسيرها يوم شكلها هيتغير وهتبقي وحشه جداااااااا بعد الزواج والحمل والاطفال وخلافه… صح؟
    يعني عمر الشكل ما كان مبرر انك ترفض حد لان الجمال عمره ما كان دائم

    طيب انت بتقول انك بتتعلثم وعلشان كده رفضتك!!
    لو الموضوع عكسي وهي اللي كانت كده وانت سليم كنت هترفضها؟؟
    ولو زي ما انا متوقع انه لاء
    طيب ليه لاء؟؟
    علشان بتحبها صح؟؟
    يعني اللي بيحب حد عمره ما يسيبه او يتخلي عنه لاي سبب وهيفضل في نظره احسن الناس طول الوقت ومهما كانت الظروف او العيوب

    يبقي ياصاحبي هي مش بتحبك واقطع الصفحه دي من حياتك وابداء من جديد مع اللي تستاهل قلبك وحبك

    الموضوع صعب بس بالاراده هتقدر
    انا جربت وعارف بقولك ايه والله
    اياك تفقد الثقه في نفسك او تزعل في يوم عليها
    افتكر دايما ان العيب فيها هي
    وانها هي الخسرانه
    انت مجرد خسرت قلب انت حبيته اما هي خسرت قلب حبها وكان هيسعدها

  8. حمو
    06/12/2011 at 01:33

    ياعم انت بتفكر في ايه
    واحده رفضتك علشان حاجه زي ديه تفتكر دي هتحبك ولا هتعمر بيتك
    الاصل في الموضوع إن جاءكم من ترضون دينه فزوجوه غير كدا خلاص
    فكك منها وربنا هيكرمك باللي احسن نتها المهم تكون انت شخصيا كويس مع ربنا علشان يرزقك بنت الحلال

  9. ريم عمر
    05/12/2011 at 12:51

    والله هى لو بتحبك هتوافق بيك بكل عيوبك رفضت تبقى مش بتحبك وتعرف ان نصيبك الى كتبهولك ربنا لسه مجاش

  10. طريق النجاة
    05/12/2011 at 10:37

    السلام عليكم .. لا ارى أن التلعثم عائقاً في شخصية الرجل فهناك الكثير من الامور الاخرى التي من الله بها على صاحب التعلثم الا وهي سعة الصدر وطمأنينة القلب ورحابة الفكر والعقل المتزن وقوة الاحتمال على الشدائد وغير ذلك بالكثير والكثير من نعم الله التي لا تعد ولا تحصى وانصحك ان تقترب اكثر من الله عز وجل وان تدعوه ان يرفع عنك اي ابتلاء وان يرزقك الزوجة الصالحة التي تقدر رجولتك وتدينك قبل جسدك وتلعثمك والله المستعان .

اترك رداً أو حلاً لهذه المشكلة